ISAYA 42:19 - Biblía Axweesantá Hhohho' ar Mungú 2004

¹⁹ A heemá oo taampa ala aqo har sagadiyusmooeé', laqaá oo matooyi adór ya/abusmoodá' aníng naa ya/aáwi. A heemá oo taampa adór sagadiyusmoodá' aníng naa paraátl, laqaá oo taampa oo adór sagadiyusmoó AAKOÓ MUNGÚ?

ISAYA 42:19 Iomraidhean Croise

ISAYA 26:3

Mukdá' sleémeero inslaway'ín aa dirógí xasliit, nee kudá' kuúng ugwa harahhiif, kuúng in amohhe'és baraá wayduú ló'.

ISAYA 27:5

Ala bar inooín xuumar'eé' ngi slaiyá', ni wayduú aye' dir'eé', eeít, ni wayduú aye' dir'eé'.»

ISAYA 29:18

Baalaadae múk ia' waslén axweesantá baraá kitaábu barka soomuús ga axaas, nee ilaá taampu niri qaytsitiyá'.

ISAYA 41:8

Ala kuúng Israeli a sagadiyusmooeé', nee kuúng Yakobo, una tsawaár, xwaylár Abrahamu mulqumooeé'.

ISAYA 43:8

Mukwí geerií duuxare', kudá' ilaá koóm ala tam adoorihe i xumisiaaká, mukdá' iaá koóm ala i axmisiaaká.

ISAYA 44:26

Ala axweesanoó sagadiyusmoowós un gawdeemiís nee iigu'utuú ya/abuuser'eé' un looeemiís aníng an kudá' káh dír Yerusalemu, «Kiíng Yerusalemu muu i male hoot baraá ayaawók wa ale.» Nee an kudá' káh dír Yudawo, «Tundu malé tleehh, taanguuhúng i malé sihhitiyá'.»

ISAYA 56:10

Asma xuumuusér Israeli a taampu, sleémeero i fuqreeraá kon'aaká, sleémeero a adór seeaawér afe waslen ar hhuheelimaaká, kudá' tawo guá' nee tlatitimá', in tawo gufmisiyá'.

ISAYA 6:9

Inós aníng iri báy, «Tláw, mukwí ku beer, ‹Iia ló'wa qaasaak ala gár ta tsahha' i káhh, ila' ló'wa kirihhimaak ala gár ta aanda' i káhh.›

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

YEREMIA 5:21

«Iia qaasaak, kuungaáká' iimibo/ nee múk daktana, múk ilaá koóm ala i xumiisiiká, múk iaá koóm ala i axamiisiiaaká.»

ESEKIELI 12:2

«Heewí, kuúng dír ta hot a dír tla/ángw múk aa dee/anumiit. Inooín i ilaá koná' ala i xumisiaaká, i iaá koná' ala i axamisiaaká.

Matayo 13:13

Gawaá adoorihe aníng an dir'ínií axweés ar slaqsi'i. Asma inooín barta xumiis, gár ta ara'ari i káhh, nee barta axamiis, gár ta axamiisi i káhh, slám gár ta tsatsahhan i káhh sleeme.

Yohana 12:40

«Ilaaín gaa taampúy, nee muner'ín gaa gawdeés, as makawa ár ar ilaaín, nee makawa tsaáhh ar muner'ín, tari hhu'u'ún, án ngiri hungu/uús.»

Yohana 9:39

Yesu iri oó', «Aníng nina hardáh baraaká' yaamu as kwasleema, as múk xumiisaaká iwa qaytsiti, nee múk xumiís iwa taampuuti.»

Yohana 9:41

Yesu iri oó', «Kuungá' geera bar taampu, geera alók a tlakweemaá koonda'aaká. Ala hám kuungá' a kata', ‹Atén a xumiisaán,› gawaá adoorihe tlakweemaahúng i gawaahúng i kahhiyá'.»

Rumi 11:25

Hhaee'eé', án gár ni slaa' a lu/aaráywí un xuá', as kuungá' miti kiloohúng xirfayeemisaara' as sagalooarhúng. Ala lu/aaráy a kwí, múk Israeli bahh'alé muner'ín aa gawduuduúr, ala ar har qoomár niina, ay dír múk xoordu sleémeero i dahi, kudá' ba/ám.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.