ISAYA 42:16 - Biblía Axweesantá Hhohho' ar Mungú 2004

¹⁶ Aníng múk taampu un geerahaár ar loohír i baloó xuiaaká. Inooín in geerahaár baraá loohír ni xuiaaká, Giwtír geeraaín an warqeés tawa gwa/aateema, yaamaá wa/eeraá koomá' in tlapu tleéhh. Adoorí an adór ni tleehh. Nee án inooín i geexawaaká.

ISAYA 42:16 Iomraidhean Croise

WARA'AMI 94:14

Asma AAKOÓ MUNGÚ mukós gu mayká, aalirós ga gunqareesiiká.

DAHARUSMO 1:15

Gár aa gwaambit gan'aasa ga ya/andaaká, tam muruú kaáhh faaro ga ya/anká.

DAHARUSMO 7:13

Gadiyér Mungú aldakuteek, asma ar inós aa qwambatís heé gan'asaro ga aleesláw a heemá?

ISAYA 26:7

Loohír heé hota ganaá' i alqoón, kuúngudá' ganaá' loohír heé hota ganaá' a gan'ás.

ISAYA 29:18

Baalaadae múk ia' waslén axweesantá baraá kitaábu barka soomuús ga axaas, nee ilaá taampu niri qaytsitiyá'.

ISAYA 29:24

Mukdá' baraá hotaá qeeruuwo aa dakuus tsaahha gari ya/án, tam mukdá' qununu/umamiít intsaahhatisa gari ya/án.»

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 30:21

Baraá loohiro bar papaaslá' bartá doó basáy laqaá ar doó /iyáy, afo aqo axasá' amór aluuhúng ar kah, «Loohi a tí, loohirí nar oohaak.»

ISAYA 32:3

Heé ilaawós xumiisá' gi sangw gumaamaiiká, nee heé iaawós axamisá' iri ak axamiis.

ISAYA 35:5

Daqaní taampu niri qaytsitiyá' nee iawasli iri axás.

ISAYA 35:8

Loohír ur baraadae i deer, inós ka bay «Loohír hhoohhoo'.» Múk daba' tlákw loohidá' ga kala/iiká, ala aqo har múk Mungú kilooín. Inooín tam ki iimi bo/e ala i qwaariiaaká baraá loohidae.

ISAYA 40:4

Umuú tlapaaro ka hatsiis, umuú tloomaro nee gongoamoowo ki yaamií daahh, tlapu ki alqoomees, yaamaá guhhe ki gana'aas.

ISAYA 41:17

Múk narkuute nee oo gaa wásl bir ma'aá leelehhiitiyá', ma'aay i kahhiyá' waxeero hhehhuuín birna kahiyé'. Aníng AAKOÓ MUNGÚ i mu/aywaáts, Anuú Munguú Israeli i geexawaaká.

ISAYA 41:3

Inós gin eehar nee iri waaraahh ar saxareema. Inós in gaanslár waaraahh adór heé yaamaá kal/amaaká.

ISAYA 45:2

Aníng kuúng un geerahaár, tlom'i ngiri alqoomeés dír geeraawoge, afér muqslár sirda/aten an giqáw, muqslár afér mari tsegit ngiri tla/eeri tlaáq.

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

ISAYA 48:17

AAKOÓ MUNGÚ, kuduú ba/amusmoohúng, kudá' hhoohhoó' oo Israeli i kaahi, «Aníng a AAKOÓ MUNGÚ, Munguúhúng kudá' kuungá' nu intsaahhatamís as amohhooarhúng kawa sleera', kudá' kuungá' nu geeraharahaár ar baraá loohidá' ganaa' ooharo.

ISAYA 52:12

Asma kuungá' a gaanslár tleera'aaká, nee sleeme a ti'i'inda'aaká, asma AAKOÓ MUNGÚ i geeraahúng haar nee Munguú Israeli i aluuhúngí dirii' as nuwa xun.

ISAYA 54:13

Na/iiwók sleémeero ki intsaahhatis nee AAKOÓ MUNGÚ. Diihhooár na/iiwók iri tláhh.

ISAYA 58:10

Kuungá' barnaxes múk qwariít ugwa /aymisé', nee litlakuuse aga aaxisé', daqaní gwa/aateemahúng in baraá giwtír wa gwa/aatiyá'. Giwtirhúng tari adór tlatla/aangw.

ISAYA 62:12

Kuungá' tunduri bay, «Múk hhohhó' oo Mungú, Múk AAKOÓ MUNGÚ aa gweér.» Kiíng Yerusalemu tiri bay, «Gixsár taa leeleéhh, Gixsár ta baloó geexayká.»

ESEKIELI 14:23

Tlehhmi'ii'ín nee adór hotaarir'ín ngi dirók i geehhoeesiyá' adór kaangwí tlákw daanduú gixsarihe ngura tawo tleehhiiká. Anuú Aakoó MUNGÚ tí aga oó'.»

HOSEA 2:14

Hamí daxta ga/aaweek, aníng a harhheehhe'eés ngiwa huuw baraá darma, ngiri i axweés ar fur'ár tsa'.

HOSEA 2:6

Gawaá adoorihe, loohirós an yaáw ar laqaya', ngay koo/írír harweér tam loohír ti'inaangw mingiwa sleér.

AMOS 5:8

Kudá' tsatsee/ír Kilimía nee ar Orióni gaa tleehh. Kudá' ma/ami gaa matlaatle tleehh. Kudá' tlatla/aangw gwaa giwti tleehh. Kudá' ma'aá tlawi gaa burumbuur dinkwaárí ale giri ku'uús gawaá daanduú yaamu, umuuwós an AAKOÓ MUNGÚ.

Luka 3:5

Umuúqo wa/eeriwo kin tiip, nee umuúqo tloomaro nee gongoamawo kin alqoomees, luhaá gana'a'aaká kin gan'aas, luhaá guhhér koomá' kin natsatsa'aas.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Efeso 5:8

Asma aáng kuungá' a giwti, ala hamí a gwa/aateema asma kuungá' tawa múk Aako. Hooté' adór múk baraá gwa/aateema kuwa hariím hotaango.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

YOSHUA 3:4

Asma adoorí an adór kuungá' loohi kar tsahha', asma loohirí aga ar baloó oti'iiká. Ala gár wake ma tseewuwaara' dír sandakmoduú hara'ayár koóm, ala kuungá' masók aluuine tundu saáw har afiqoomoó miíta tsiire gwaleél.»

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.