ISAYA 41:9 - Biblía Axweesantá Hhohho' ar Mungú 2004

⁹ Aníng kuúng una leéhh baraá hhapeemaá yaamu, kuúng una ateét baraá badu sleémeero awa yaamu, uwa babaw, «Kuúng an sagadiyusmooeé', aníng kuúng ugwa tsawaár, aníng kuúng ugwa kwahhiiká.»

ISAYA 41:9 Iomraidhean Croise

WARA'AMI 135:4

Asma AAKOÓ MUNGUÚ Yakobo guna tsawaár tawa kós, múk Israeli guna tsawaár as nguwa mukós tleehhi.

WARA'AMI 94:14

Asma AAKOÓ MUNGÚ mukós gu mayká, aalirós ga gunqareesiiká.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 14:1

AAKOÓ MUNGÚ múk Yakobo gu malé gurtláy, nee xoorór Israeli gari malé tsawaar. Inooín giri ki/is baraá yaamuuín kudaá kilá', xoordaá hatlá' niri haragwaaiyá' dír múk Yakobo, tari alhoot.

ISAYA 41:2

Heé heewí baaliliím umuú diiro gwaa da/aáwá sihhtis a heemá bar a aningeeká? Oo xooslu sleémeero gaa dabaawós í haniis, inós waawitá gun yaamií adah, guri teeri tlees ar paángarós, giri adór muundáy wá haritlees ar ga/aleerós.

ISAYA 41:8

Ala kuúng Israeli a sagadiyusmooeé', nee kuúng Yakobo, una tsawaár, xwaylár Abrahamu mulqumooeé'.

ISAYA 42:1

Ga/aawaak, sagadiyusmooeé' kudá' naa /uurií qaás, kudá' naa tsawaár, kudá' muunaáeé' gwaa qwal/aas. Qeeruueé' ugwa baraawós i qaás. Inós xoordu gin sakwasleemár ganaá' i huuw.

ISAYA 44:1

Ala daxta kuungaá múk Yakobo iia qaasaak, sagadiyuuser'eé', múk Israeli kudá' naa tsawaár.

ISAYA 45:4

Aníng kuúng una ateét ar umuuwók. Aníng kuúng un umuú iia tleér i haniís tam handá' aníng i xu'kahe. Adoorí ana tleéhh as daanduú sagadiyuuser'eé' múk Yakobo nee as múk Israeli kudá' naa tsawaár.

MALAKI 1:2

AAKOÓ MUNGÚ i kaahi, «Aníng kuungá' naa slaá'.» Ala kuungá' a kata', «Adór tira slá' a adoomá?» AAKOÓ MUNGÚ i kaahi, «Ahaá, Esau a hhiyoó Yakobowookáhe? Aníng Yakobo ugwa slaá',

Luka 13:29

Aluuwo muu nin hardah oo da/aáw daáhh nee /uwawo, nee oo /iikú daáhh nee basko, nee inooín tari iwiit dír muruú /ayma baraá waawuti'iimár Munguhe.

DABE 14:2

Asma kuungá' a múk hhohhó' oo AAKOÓ MUNGÚ, Munguúhúng. Kuungá' AAKOÓ MUNGÚ naa tsawaár as tawa mukós dír tla/ángw múk gawaá daanduú yaamu sleémeero.

Yakobo 2:5

Hhaee'eé' awa sla'aaruúse, iia qaasaak. Ahaá, Mungú liitlakuusér baraakaá yaamu gaa tsawaáriíke, tawa daqaarér haratlintaao, nee aaluusér waawuti'iimadá' aa al'axweés ngiwa haniisi dír mukdá' inós gu slaá'.

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.

1 SAMUELI 12:22

AAKOÓ MUNGÚ mukós gu geexayká as ilaiwa/amér umuuwós kudá' iia tleér, asma AAKOÓ MUNGÚ adoorí guna sla'atís ar kuungá' nuwa mukósuú kilá' tleehhi.