ISAYA 41:5 - Biblía Axweesantá Hhohho' ar Mungú 2004

⁵ Ayeemaá afaá tlawi muruuwí ngwaa ariyé' nay da'ayutiyé', yaamu sleémeero niri daaraxaatiyá', muu sleémeero tina burumbuúr niri hardihiyé'.

ISAYA 41:5 Iomraidhean Croise

IIMU/UUNGW 10:5

Xwaylar'ín an iimu/úngw mukdá' sleémeero bihhaá tlawtá wa hoót. Mukwí an xwaylár Yafeti. Inooín tana doogaagín, tari hoót, umuú tlahhaywo nee yaamuuín nee tsifrir'ín nee xooror'ín.

WARA'AMI 65:8

Baraá yaamu sleémeero muu tlehhmi'iiwók kudá' waa/oo/amo gin sa da'ayuut. Iimír da/aáw wa tleemu ay /uwa kuúng muu un qwal/atimís.

WARA'AMI 65:9

Kuúng yaamu in amohhe'eemís ar tluwaay iwa tluwi, yaamu iga hhapér hhó' i qás nee umuú gaaro iri harmá/. Yaaér Mungú aa háts ma'aywo. Mungú, kuúng muu ugwa balángwí hanís, asma kuúng an kudá' umuú gaaro gaa amohhe'ees.

WARA'AMI 66:3

Mungú bawaak, «Tlehhmi'iiwók iwa dae tlaaqiya' a adór milá? Asma /uuruuwók ku úr, wakuuseerók ni hardát, tiri dír geeraawógií niinaweemís.

WARA'AMI 67:7

Mungú atén taa tsuúq, muu sleémeero baraá yaamuwo inós ngu ilaiwawa/i!

TI'INAANGW 15:14

Xoordu ngiwa axaasiyé' inooín niri daaraxiyé'. Kudá' baraá yaamaá Filistír wa hootá' naa daandeemo feehhamiitiyé'.

ISAYA 41:1

Mungú i kaahi, «Kuungaásingaá ayeemaá afaá tlawi, xasliité', iia qaasaak, xoordu /uuruú /abén ngu slayá'. Ni tseewuye' as kangw'ín nguwa ooiya', Daqaní ni ooiye', ‹Qwalaas dinkwa as sakwasleema.›

ISAYA 41:6

Umuú heewo i inslaawamoowós alee/imiis. Nee hhiyaawós gun babay, «Gám ma munesiaar.»

ESEKIELI 26:18

Hamí daxta yaamuudá' saawá' afaá tlawto naa daaraxatiyé' asma hu'umaawók. Kudá' sawen naa kwisliitiyé' as kiíng tawa hhaán.›

YOSHUA 2:10

Asma aga axaasaán adoodá' AAKOÓ MUNGÚ tlawtá Shamu ngira kahaás geerahúng wa alé, qoomaadá' niwa baraá yaamaá Misrír wá ti'ité'. Slám atén aga malé axaasaán adoodá' kuungá' Sihoni nee Ogu kira tsu/é', waawituú tsár oo múk Amori kuduú gayuú da/aáw yaaér Yordaniro.

YOSHUA 5:1

Waawitá sleémeero oo Amori, kuduú gayuú /uwií dirií' yaaér Yordaniro, nee waawitá sleémeero oo Kana'ani, kuduú afaá tlawtá Mediteraneár i tseéw, ngiwa axaasiyé' adoodá' AAKOÓ MUNGÚ Yordani ngira kahaás ay qoomár múk Israeli iwa waaraáhh, inooín gur'er'ín ma'aay ngay dalaa/iyé', nee migti'ín iri fák as múk Israeli.