ISAYA 41:27 - Biblía Axweesantá Hhohho' ar Mungú 2004

²⁷ Anuú AAKOÓ MUNGÚ adoorí ana geerií oó' dír Siyoni, sleeme kaangwí hhó' nguri huúw dír Yerusalemu.

ISAYA 41:27 Iomraidhean Croise

ISAYA 40:9

Kiíng Siyoni tsa/ám gawaá tloomár tleer, kiíng gixsár Yerusalemu, tseé' ar afór ur, ya/abtór hho' alki/iiteek gixsadaá Yuda kibeer, «Munguúhúng ni hardah.»

ISAYA 41:4

Heé adoorí sleémeero a tleehharut gaa tleehh a heemá? Heé umuúqo qarto gaa iimír iimu/úngw wá ateet? An aníng AAKOÓ MUNGÚ kuduú iimu/uungw nee oo alhhe'eesaay, aníng aqo kudaádá' adoorí gaa tleehh.

ISAYA 43:10

AAKOÓ MUNGÚ i kaahi, «Kuungá' a lamabu'uuser'eé', nee sagadiyuuser'eé' ar naa tsawaár, as kahhó' aníng iwa xua' nee iwa haratlintia', nee kawa tsahha' adór aníng tar Mungú. Mungú geeraaeé' gaa haar i kaahh, nee sleeme oo ta aluueé' wa tleehhi i kaahh.

ISAYA 44:28

Aníng an kudá' Koreshi gu babáw, «Kuúng an de'eemusmoó muk'eé', kuúng tidá' aníng ni qomeemees an boo/és. Aníng an kudá' gixsár Yerusalemu ga babáw, ‹Kiíng Yerusalemu, ti male /abees tlehhmuwo.› Nee daanduú Doó Munguhe an kah, ‹Iihhafiirír Doó Mungú ka malé iihhaaf.› »

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

ISAYA 46:9

Muruudá' aáng aa tleehharuut inslawaak. Asma aníng a Mungú, Munguú hatlá' i kaahh. Aníng a Mungú, Munguú adór aníng i kaahh.

ISAYA 48:12

Múk Yakóbo, aníng iiárií qaasaré', nee oo Israeli kudá' naa ateét. Aníng a Inós, aníng an kuduú geera nee oo alhhe'eesaay.

ISAYA 48:3

Muruú aa tleehharuut nguna iimír aáng wa oó', Aníng ar afkueénuú kilae una axweés nee nguri dirhúng i xu'utís, nee nguri gaanslár boo/eés.

ISAYA 52:7

Xáy, i hhohhoaa'áy a adoomá heé ya/abtór hhó' koóm birna hardáh oo amór tloomár daáhh, kudá' wayduú káh, oo hhooeema gi káh, kudá' ba/amár alki/iít, kudá' gixsár Siyoni ga babáw, «Munguúwók i waawuti'ii'ín.»

NAHUMU 1:15

Gawaá tlooma i qaatsitaak, ga/aawaak heé ya/abtór hho' ngi huúw, heé wayduú dahareemiís. Aá Yúda, deelorhúng ar ur tleehhaak, al'axweesantahúng boo/eesaak, asma heedá' tlaákw nu baloó tlaampa'aasiiká, asma kwaa qaroó suwa tsaát.

Rumi 10:15

Nee slám hee adór ngur alki/iiti burkwa ya/aawiiká. Asma Gooi i kat, «Mukdá' Ya/abtór hho' alki/iít hardahamuuín ku slaa' ló'wa ale.»

Geehhoeemaá 2:8

«Kaangwí gooiimeek amór malaykamooduú múk kríshaanáy oo baraá Smirnár i dirií', «Axweesantí dír i dahh a dír kuduú geera nee oo alhhe'eesaay. Inós geeraawo ina gwaá' ala iri slaáf.