ISAYA 41:24 - Biblía Axweesantá Hhohho' ar Mungú 2004

²⁴ Ga/aawaak, kuungá' a gaarooká, gadiyérhúng a tawo. Heé kuungá' naa tsawaar a gár tlaakw gana tleéhh.»

ISAYA 41:24 Iomraidhean Croise

WARA'AMI 115:8

Kudaádá' ngi tlehhahhitá' a slaqás nee inooín, sleeme nee kudá' sleémeero ngi harahhifa'a.

AXWEESANOÓ SAGALOOA 28:9

Heé dabe gaa artá wa may tam firoorós sleeme ka waak.

AXWEESANOÓ SAGALOOA 3:32

AAKOÓ MUNGÚ múk tlákw gu aahh, Ala lu/aráywós i dinkwa nee múk tsaen.

ISAYA 37:19

Mungui'ín kiri baraá ásltí supín, asma gaa a munguaá kil'eeká. Ala a gadiyér dabaá muu. Gaa a gufteeri nee tla/u. Gawaá adoorihe munguiidá' kiri suwatsaát.

ISAYA 41:29

Ga/aaweek, munguii'ín sleémeero a al/ayma, gár tleehharo i aleeslaya' i káhh, slaqsi'ii'ín kudá' taa tleéhh a fur'ár tawo.

ISAYA 66:24

Aluuwo inooín tari tláy tuaá mukdá' aníng iga aahh ngiri xuxu'úngw ayá', asma naanagadá' tu'uudá' /aay i baloó qatlká, tam asltidá' gi /aay i baloó gwa'ká, inooín tari gár ta aahhi nee muu sleémeero.»

YEREMIA 10:14

Umuúqo heewo ku iimiboó/ nee i fuqurángw konká. Umuúqo kareeramoó sahaábuú kwahhuuta ku mureekees nee slaqsi'iiwós kudae, asma slaqsi'iidá' a lamtá tawo, i slafíngw kon'aaká.

YEREMIA 10:15

Inooín an muruú tawo, gadiyer'ín a al/aymár tawo, qoomár birka slahhtá áy i hhaná'.

YEREMIA 10:5

Slaqsi'ii'ín a adór inqwaarír xooyaangw gusisiingw baraá qaymooro, i axweesiaaká, aqo kin loohiis asma i hi'iimitiaaká. Slaqsi'iiká' mi da'ayumitaara'. Inooín hee gár tlaakw ngway tleehhiya' i káhh, tam ar hhoo' ngway tleehhiya' i káhh.

YEREMIA 10:8

Inooín sleémeero ki iimibo/ nee a daktana, asma slaqsi'iidá' a xaa'aá tawo.

1 Korinto 8:4

Ala gawaá daanduú /aymár fu'unaydá' taa ilahhooár wa hanmiisi dír munguaá hatlá' gár ni oo' a tí, atén a xuaán adór munguaá hatlá' tar gaarooká baraá yaamuwo, ala Mungú a wak.

DABE 27:15

«Umuúqo heewo oo slaqsaay gwaa tleehh, laqaá gwaa kwahhuut, nee umuúqo gaaro ar taa tleéhh ar daba' kari qawti sihhtís, tidá' AAKOÓ MUNGÚ i waki, kwaa lu'ús.» «Nee muu sleémeero ta ooi, Amin.»

DABE 7:25

Slaqsi'ii'ín kudá' taa dakuút awa mungui, da/aak. Peésaadá' kira tleéhh, nee sahaábuwo, mi ilatleeruusara', laqaá muruuín kwí mu ar tlawaara' as tawa koohúng. Adoorí bara tlehhé' a tsaaxweeli dirhunge, nee AAKOÓ MUNGÚ, Munguúhúng ga waak.

DABE 7:26

Slaqsi'iidá' mi ar watlaara' amór marayhúng, laqaá bar adooriheeká, kuungá' tundu adór slaqsi'iidá' wa lu'us. Kuungá' masók aqo in siá' nee kiri waaqaqa'á' asma tawa muruú taa lu'ús.»

Geehhoeemaá 17:5

Nee baraá gitsee/awose umuú naaqo kwaa gooín, «Gixsár ur ar Babuloni, aayór tsaatuuse sleémeero nee aayór slasla/aru sleémeero oo baraá yaamu.»