ISAYA 41:21 - Biblía Axweesantá Hhohho' ar Mungú 2004

²¹ AAKOÓ MUNGÚ, waawutmoó Yakobo i kaahi, «Kuungá' munguaá xoordu, sakwasleemarhúng huwaare', axweesantahúng tidá' ta koonda ooár awaare',

ISAYA 41:21 Iomraidhean Croise

YOBU 31:37

Mungú geeraawo un umuú gaárí oó' baraá hotaaeene, geera an adór garmoó waawutmoó wá daqáw amór Mungú.

YOBU 38:3

Gím, siinootiím adór hhawaatuú wá ale, daqanirkó axweesante'eé' tí ngi tláxw.

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

ISAYA 33:22

Asma AAKOÓ MUNGÚ an kudá' kwasleemaduurén ngi tlaáq nee ti sawaawuti'ii'iím, AAKOÓ MUNGÚ an waawutmoorén, inós atén tin ba/amis.

ISAYA 41:1

Mungú i kaahi, «Kuungaásingaá ayeemaá afaá tlawi, xasliité', iia qaasaak, xoordu /uuruú /abén ngu slayá'. Ni tseewuye' as kangw'ín nguwa ooiya', Daqaní ni ooiye', ‹Qwalaas dinkwa as sakwasleema.›

ISAYA 43:15

Aníng a AAKOÓ MUNGÚ, koohúng kudá' hhoohhoó' kuduú Tleehharusmoó Israeli, Waawutmoohúng.»

ISAYA 43:9

Xoordu sleémeero ni dinkwarií burumburitiye', muu ni dinkwár i haraki/i, Xáy, baraá tla/angw'ine heé kangwsíng ngu alki/iít, nee oo muruudá' aa waaraahh ngu laqaám s heemá? Inooín lamabu'uuser'ín ngi huwiye' ar gi aleekalaa/ Inooín ka iiárií qaasi iwa kat, «Kaangwí oo tsuwa ló'.»

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

ISAYA 46:10

Aníng alhhe'eesaay nguna iimír iimu/úngwa oó', nee muruudá' aluú wa hardáh nguna iimír aáng wa oó'. Aníng a kah, ‹Gar'eé' ar naa qoomeés a boo/eés nee tidá' sleémeero ni slaa' a tleéhh.›