ISAYA 41:2 - Biblía Axweesantá Hhohho' ar Mungú 2004

² Heé heewí baaliliím umuú diiro gwaa da/aáwá sihhtis a heemá bar a aningeeká? Oo xooslu sleémeero gaa dabaawós í haniis, inós waawitá gun yaamií adah, guri teeri tlees ar paángarós, giri adór muundáy wá haritlees ar ga/aleerós.

ISAYA 41:2 Iomraidhean Croise

IIMU/UUNGW 11:31

Tera Abramu garmaawós gurir tláy, nee Loti garmoó naangós, na/oó Harani, nee Sarai harér garmaawós Abramu. Inooín nina altlayé' iimír gixsár Uri wa alé ar baraá yaamaá Kaldayo as tawa yaamaá Kana'anír kay. Ala tawa hardáh yaamaá Harani, tana baraadá' wa hoót.

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

2 SAMUELI 22:43

Ina muúx, ngiri teerúw adór hhape, ina muxaxiím, ngiri kal/aám adór baa/ír baraá loohi.

2 WAAWITÁ 13:7

Yehoahasi slaqwaruuse ga konká, ala gár i kon aqo har múk farsuú madiít oo mibeeri kooán, nee gaardu mibaangw, nee slaqwaruusér ya'ár hi'iimiit a kume mibángw wák. Gár tas adoorí a waawutmoó Aramu slaqwaruusér múk Israeli gana hhaamiís, nee gari yaamaá hara adáh adór teerír wa aleeró.

2 QOM'I 36:23

«Waawutmo Koreshi oo Persia i kaahi, ‹AAKOÓ MUNGÚ, Munguú doori, waawuti'iima sleémeero ar yaamu ngaa aníngií haniís, nee aníng iga ádbáy do'ós kuduú baraá Yerusalemu tidár yaamaá Yuda nguwa tleehh. Umuúqo heewo kuduú kós baraá tla/angwhunge, masók AAKOÓ MUNGÚ Munguúwós i dinkwa nee inós, nee i watli.› »

ESRA 1:2

«Waawutmo Koreshi oo Persia i kaahi, AAKOÓ MUNGÚ, Munguú doori, waawuti'iima sleémeero ar yaamu ngaa aníng i haniís. Aníng iga waawuti'iimár yaamu sleémeerowí haniís. Aníng iga ádbáy nguwa dó' i tleehh baraá Yerusalemu, tidár baraá yaamaá Yuda.

ISAYA 40:24

Qoomár birka haátl nee birna harma/i'iyé', dír dee/aruuín ngura sihhi'iiká adór xa'anoó wa alé, qoomár AAKOÓ MUNGÚ inooín birnga ifaáhh aqo nin kahiyá', inooín bambaao ginar tleér adór muundáy.

ISAYA 41:25

Hee ngwa bihhaá /iikú wa duúk, inós ni hardah, inós ngwaa tsawaár bihhaá da/aáw wa ale, inós umuueé' gu oo', waawitá gun yaamií harakalaa/ adór baa/í adór tleeusmo tleeirós ngir lufu/aa/in.

ISAYA 41:3

Inós gin eehar nee iri waaraahh ar saxareema. Inós in gaanslár waaraahh adór heé yaamaá kal/amaaká.

ISAYA 42:6

Anuú AAKOÓ MUNGÚ, aníng kuúng una ateét ar hotaá ganaa'á', ugwa dawa óh nee u de'eém. Ar kuunge aníng alqado a tleéhh dír muu sleémeero, kuúng u gwa/aateema tleéhh dír xoorduuwo.

ISAYA 45:1

AAKOÓ MUNGÚ heedaádá' taa dii/tár iimbalaáx ta bay Koreshi gun babay, Aníng an kudá' dakók oo doó /iyáy gwa oh, as xoordu ngiwa geeraawók wá guus, aníng an kudá' siinootoó waawitá gu gweér. Nee tseegamór gixsadu an geeraawók wa gweér. Afkú gixsa oo ta tseegi i kaahh.

ISAYA 45:13

AAKOÓ MUNGÚ i kaahi, «Aníng Koreshi ugwa sihhtís iwa gan'amúr hooti, lohduuwós iga gan'aás, inós gixsar'eé' ga tleehh. Nee mukduú baraá loohaay gun gweer. Inós i bu'utuú leelehhitiiká laqaá slukma.»

ISAYA 46:11

Aníng deelaqaasi an iimír da/aáwí ateét. Heé sufueé' gu xuú' un amór yaamaá saáwá huúw. Tí aníng aga oó' nee an boo/eés, tidá' naa qoomeés aqo an tleéhh.

ISAYA 48:15

Aníng tí ana oó' nee inós una ateét. Aníng Koreshi nguna huúw, nee diihhooa ga sláy baraá tidá' i tlehhiiti.

WA/AA/I 1:15

«Aako slaqwaruuser'eé' sleémeero gana waaqasén, inós dinku'uuma gana ateét niwa amor'eéní haratleer, as kahhó' masoombar'eé' kawa hhaamisi. Aako múk Yuda guna kal/aa/án adoodá' sabiíbu kur kal/aa/an.

Ebrania 7:1

Melkisedeki a waawutmoó Salemu. Slám inós a kaahamusmoó Munguúdá' gáwtí dirií'. Melkisedeki Abrahamu guna al'áy qoomaadá' Abrahamu iwa slaqwarár dahhi, waawitá nguwa tsuú/. Abrahamu kuri tsuúq nee Melkisedeki.

Geehhoeemaá 16:12

Malaykamoó lahhoó' slooqomoowós guri ku'uús baraá yaaeedá' ur ar ta bay Eufrate. Ma'aá yaaeedá' niri kahiyé', as waawituú da/aá daáhh loohir'ín kawa tleehhi.

Geehhoeemaá 7:2

Nee malaykamoó hatlá' nguri malé ár oo tsa/a/ám amoodá' looa niwa tsiirarihh. Inós i layár kón ar Munguú slaáf. Inós malaykeedá' tsiyáhh gari i tseé' ar afór ur, tidá' aleesleemu gwa sleer yaamu ngiwa hhitiin nee tlawi.