ISAYA 41:16 - Biblía Axweesantá Hhohho' ar Mungú 2004

¹⁶ Kuungá' in haritlesá' nee fur'a giri ar tleér, bambaao gari diyá/, nee kuungá' tay qwalala/á' dír AAKOÓ Munguúhúng wa aleeró. Baraá Kudá' Hhoohhoó' oo Israeliwo kuungá' tari xirfayeemisá'.

ISAYA 41:16 Iomraidhean Croise

WARA'AMI 1:4

Ala tlakuuse a adooriheeká. Inooín an adór muundoó fur'a ir tlatleer.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 17:13

Xoordu i kwaaraa/iyá' adór hhaahhoó ma'aá yaariir, ala Mungú gin iigahhaat niri tlatlaahhiyá' amór saaw. Kin tlatlahhaas adór fur'a xwaansloó gawaá tlom'i ngu /imaamis, adór bambaao teeri ngi /imaamis.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 28:5

Baalaadae AAKOÓ MUNGÚ Aleesleemusmo in slamángw xirif tleehhiit, iri adór slamángw hhoohhoó' tleehhiit dír mukós kudá' aa meeti.

ISAYA 29:19

Múk tsaén qwal/uú tsuaaiím gun sláy baraá AAKOÓ MUNGUHE, nee múk narkuute iri ló'wa baraa/ as Kudá' Hhoohhoó' oo Israeli.

ISAYA 29:5

Wakuuseerók tidá' yaariir i adór teeri tleehhít, nee mukdá' kiíng iga baramaanumaamiis ku adór tsinór balaangw tleehh, kaangwí in gaanslár tleehharuut.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

ISAYA 40:24

Qoomár birka haátl nee birna harma/i'iyé', dír dee/aruuín ngura sihhi'iiká adór xa'anoó wa alé, qoomár AAKOÓ MUNGÚ inooín birnga ifaáhh aqo nin kahiyá', inooín bambaao ginar tleér adór muundáy.

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 60:19

Tsee/amá tlaatla/aango u baloó yaahaská tam gwa/aateemaá slahhaangw sleeme qoomár xweeraawo. Ala AAKOÓ MUNGÚ an gwa/aateemaawók awa alhhe'eesay wasl. Anuú AAKOÓ Munguúwók an xirfuuwók.

ISAYA 65:18

Ala qwalaala/é' nee baraa/é' daqisleém as daanduú tí ni tlehhiita. Gixsár Yerusalemu a gixsár bara/ tleéhh, nee mukós nguri múk qwalalaá/ tleéhh.

YEREMIA 15:7

Aníng inooín ina haritleés ar iimpér haritleemis umuúqo afkú do'o baraá gixsaro, aníng muk'eé' una hhaamiís, na/ii'ín ngiri tsuú/, ala inooín tlehhmi'ii'ín kudá' tlakw nga may'iiká.

YEREMIA 51:2

Aníng múk haritleemis un ya/aáw ay yaamaá Babuloni, nee ngiri haritleesiyá'. Inooín umuú gaaro ngiri faakiyá' baraá yaamuwo barka i haratláy badu sleémeero qoomár slahh'amuuwo.

YEREMIA 51:20

Kuúng an yuúndueé' nee xooslmooeé' oo slaqwara. Kuúng un xoordúr naasuusúw, kuúng un waawuti'iimárár hhaamiís.

YEREMIA 51:33

AAKOÓ MUNGÚ Aleesleemusmo, Munguú Israeli, i kaahi, «Babuloni a adór afeenír balaangw muxta, qoomár barta balángw muux. Ala deelór niiná i sí', nee qoomár bu'uungw ni hardát.

DANIELI 2:35

Naagáy muqslidá' nee tleeiro nee muqslír sirdaa/aate nee muqslidár peésaaro nee sahaábuwo niri suwawaa'atiyé', tari adór muundoó dír afeenír balaangw kuwa haritleemamisi. Parhheemaá aáng fur'a giri ar tlatleér tam kiri aandaaká. Ala tlaa/anoó aáng kudá' murslaaqatuudá' gwa dalaa/ ina tloomar yangaariir tleehhiít, yaamu sleémeero giri dalaá/.

HOSEA 11:9

Aníng buhhta i máw, múk Israeli u malé qwaareesár awaaká. Asma aníng a Mungú, aníng a heewooká. Aníng an kudá' hhoohhoó' baraá tla/angwhunge, aníng nu hhaamisár awaaká ar xarasleemaeé'.

Yoeli 2:23

«Qwalalaa/é', kuungá' múk Siyoni, AAKOÓ MUNGÚ, Munguúhúng saqwalala/aak, asma inós kuungá' nuna tluwoó buhareé i haniís ar afi qoomoó ganaá'. Tluwoó yaariír in tluuw, tluwoó buhaare, nee tluwoó saxi, adoodár kureeraá geera.

MIKA 5:8

Nee panaydá' aa meet baraá múk Yakobowo baraá tla/ángw xoorduuwo nee tsifrír yaariire, a adór dirángw baraá tla/ángw makaá sla/a, nee adór na/oó diraangw oo baraá tla/ángw daqtá bee/ángw i dirií', qoomár bira baraá tla/angw'ín ar waaraáhh, gin kal/án nee giri feehhamiis, tam harahhifór hee ngiwa ba/amisi i káhh.

HABAKUKI 3:18

aníng aqo an kumamiít AAKOÓ MUNGÚ nguwa saqwalalaa/, un saqwalalaá/ Munguúduú ba/amusmooeé'.

Matayo 3:12

Iimpeerós ar haritleemis ga kón, nee dirós tidár haritleemis ga fiitsa hhe'ees, nee balaangw guri baraá kuuntír i qaas, ala muundáy gun daa/ ar asltá baloó gwaa'aaká.»

Rumi 5:11

Ala a har adoorí kiloseká, ala atén Mungú un sa qwalaala/aán sleeme baraá Aakoorén Yesu Kristowo, kudá' atén taa dír Mungú haraki/is.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.