ISAYA 41:14 - Biblía Axweesantá Hhohho' ar Mungú 2004

¹⁴ AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 41:14 Iomraidhean Croise

YOBU 19:25

Asma aníng a xuú', ba/amusmooeé' i slaaf, nee adór alhhe'eesaywo ir sihhiít gawaá daanduú yaamu, aníng iri aleekalaa/.

YOBU 25:6

Áx alók masasakmowuú hee a gár milá? Nee daxta an tsuuito'oorír heéwo!»

WARA'AMI 19:14

AAKOÓ MUNGÚ, axweesanoó afkwe'eé' nee inslawoó muunaáeé', ya/aám ngi slay diroge. AAKOÓ MUNGÚ, kuúng an baqmor'eé' nee ba/amusmooeé'!

WARA'AMI 22:6

Ala aníng a naanagi, a heewooká, taa kángw i sií' tin waaqaqaa' nee muu.

WARA'AMI 46:5

Mungú i baraawós i dirii', gár ga diinqiis i káhh. Mungú ga alee/iis matlaatlér boo/e.

WARA'AMI 78:35

Kari insláy adór Mungú tar tlaa/ar'ín, Munguúduú Gáwtí dirií' an ba/amusmooín.

ISAYA 35:10

Mukdá' AAKOÓ MUNGÚ aa ba/amís i wayaa' nin hardihiyá' ay Siyoni ar daa'ángw bara/, qwal/uú alhhe'eesay wásl i baraá muner'ín. Inooín nin hootiyá' ar qwala/ nee bara/, gurhaami nee /ifooro ni faakiyá'.

ISAYA 37:4

Dooqa AAKOÓ MUNGÚ, Munguúwók /aymi'iidaá geeraharusmoodá' gaa qo axaás, kudá' aakoowós waawutmoó Ashuru naa ya/aáw as Munguú slaáf nguwa niqisi. Nee doóqa AAKOÓ MUNGÚ Munguúwók inós gu iigahhaat daanduú /aymi'iidá' aa axaasi. Gawaá adoorihe mukwí aa meet aleefiriimang.› »

ISAYA 41:10

Ma da'ayumitaar, asma aníng nee kuúng a dinkwa, ma amoqwaqwadimaar, asma aníng a Munguúwók. Aníng kuúng u /uurií doóg, aníng kuúng u ale/iís. Aníng kuúng u óh ar dakw'eé' oo doó /iyáy kudá' arba/tír koóm.

ISAYA 43:14

AAKOÓ MUNGÚ kuduú Ba/amusmoohúng, Kudá' Hhoohhoó' oo Israeli, i kaahi, «Aníng slaqwaruuse a ya/aáw Babuloni as kuungá' afér baraá gixsa kawa giqay, qwal/uú múk Kaldayo iri warqáy tari tsuunqusmo.

ISAYA 43:3

Asma aníng a AAKOÓ MUNGÚ, Munguúhúng, Kudá' Hhoohhoó' oo Israeli, ba/amusmoohúng. Yaamaá Misri afkuhúng nguna /ayiyé', yaamaá Kushi nee Seba ina kuungár waa'aláh.

ISAYA 44:22

Aníng dakumisuuhúng kuduú adór huunkáy ugwa fiíts, nee tlakweemaahúng kudaá adór tlaanguhe. Amor'eé' ki/aare', asma aníng kuungá' naa ba/amís

ISAYA 44:24

AAKOÓ MUNGÚ kuduú ba/amusmoohúng, kudá' kuungá' naa baraá gur'ér amuuhúngí tleehh, i kaahi, aníng kilooeé' doori ina intláh nee yaamu ina hhaáf, qoomár ngiwa tlehhiit heé aníng iga alee/iis i kaahh.

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

ISAYA 47:4

Ba/amusmoorén, umuuwós an AAKOÓ MUNGÚ aleesleemusmo, inós an kudá' hhoohhoó' oo Israeli.»

ISAYA 48:17

AAKOÓ MUNGÚ, kuduú ba/amusmoohúng, kudá' hhoohhoó' oo Israeli i kaahi, «Aníng a AAKOÓ MUNGÚ, Munguúhúng kudá' kuungá' nu intsaahhatamís as amohhooarhúng kawa sleera', kudá' kuungá' nu geeraharahaár ar baraá loohidá' ganaa' ooharo.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 49:7

AAKOÓ MUNGÚ kuduú ba/amusmoó Israeli, kudá' hhoohhoó' oo Israeli, i kaahi, heedá' xoordu naa aahhiyé' nee i waaqaqaiya' kuduú lawaalmoó geeraharuuse, «Waawitá kuúng u ar iri sihhiit, geeraharuuse gun kiloón i tumbararaa'át, as anuú AAKOÓ MUNGÚ kudá' inkihhimuú koóm, kudá' hhoohhoó' oo Israeli, kudá' kuúng ugwa tsawaar.»

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

ISAYA 59:20

Inós ni Siyonírií hardah adór gweerusmo. A gweerusmoó xwaylár Yakobo tidá' tlakweema gaa meer, AAKOÓ MUNGÚ i kaahi.

ISAYA 60:16

Xoordu in muruú /aymárí huwiyá', waawitá sleeme iri muruú /aymár i huuw. Kiíng daqaní a tsáhh adór aníng tar AAKOÓ MUNGÚ, aníng an ba/amusmoowók. Nee an gweerusmoowók, kuduú Aleesleemusmo oo Yakobo.

ISAYA 63:16

Asma kuúng an baabuúrén, tam Abrahamu atén ti xuiikahe nee tam Israeli ti tsatsahhankahe. Kuúngú AAKOÓ MUNGÚ an baabuúrén, kuúng an gweerusmoorén, iimír aange umuuwók an kwí.

YEREMIA 46:27

Ala Yakobo sagadiyusmooeé', kuúng ma da'ayumitaar, tam kuúng Israeli ma amoqwaqwadimaar, asma aníng kuúng u ba/amís amór saáw wa ale, nee xwaylarók a ba/amís baraá yaamuudá' kay ar tlayi. Yakobo kuúng a kí/, nee tari amohhooár hót, tari yaandahhe'és tam gar u dae tlaaq i káhh.

YEREMIA 50:34

Ala ba/amusmooín oo /uuruú koóm, AAKOÓ MUNGÚ Aleesleemusmo an umuuwós. Inooín gin aleekalaa/, giri amohhooárií haniis baraá yaamuwo, ala yaamuloouusér Babuloni amoqwanaay gway sleér.»

WA/AA/I 3:57

Uwa ateét ina haratsewuúr iri beér, «Ma da'ayumitaar!»

DANIELI 10:12

Naagáy inós iri báy, ‹Daniéli, ma da'ayumiitaar, Mungú firoorók gaa axaás iimír bál geera tiwa niinawés geeraawós i alé, as tsaahha kawa sleer. Aníng hamí nina hardáh as daanduú firoorók tidá'.

HOSEA 11:9

Aníng buhhta i máw, múk Israeli u malé qwaareesár awaaká. Asma aníng a Mungú, aníng a heewooká. Aníng an kudá' hhoohhoó' baraá tla/angwhunge, aníng nu hhaamisár awaaká ar xarasleemaeé'.

Matayo 7:14

Ala afkú iiraákw nee loohír iiraakw in baraá slafíngw kayá'. Nee múk loohidá' ga sláw ku niiná.»

Luka 12:32

«Ma da'ayumitaara', kuungaá daqtá niina. Asma Baabuúhúng gaa slaá' waawuti'iimadá' ngiwa haniisi.

Rumi 9:27

Nee aarusmo Isaya ina axweés sleeme daanduú múk Israeliwo, iri tseé' iri oó', «Múk Israeli tam ku yaariire adór hhasángw afaá tlawi, ala múk ba/ám baraaine ku niiná.

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

DABE 7:7

«AAKOÓ MUNGÚ kuungá' naa slaiiká nee naa tsawaariiká as kuungá' tunduwa yaariír ta xoordaá hatlae, kuungá' tundun ló'wa niiná ta xoordaá hatlae, kuká' gawaá daanduú yaamií diriiá'.

Tito 2:14

Inósuú kilá' slafiingós nguna haniís as daandeemoorén, as atén tiwa ba/amisi baraá tlakweema sleémeerowo, nee atén tiri múk hhohhó' tleehh, nee tawa mukós kudá' tlehhema'aá hhohho' ngi tlehhiitá' ar ilakaaharu.

YOSHUA 17:18

Ala yaamuuqaá tlom'aá koomá' daqaní a koohúng, hamí tam a darmuuwo. Gimsé', fiitsaak nee ki hayotá' iimír gayuuqá' wa tleemu ay kuqá'. Xooroodár Kana'ani tlatlahhasaak, tam inooín i /uuruú kon'a nee gaardaá muqslaro.»

Geehhoeemaá 5:9

Inooín daa'ángw /abén ngun daaiyá', tawa kaahi, «Kuúng a hariín kitaábu kuwa taatahh nee dugeeniiwós kudá' ki qaás kiwa gwet, asma kuúng tuna gaás, nee ar tseereeroge muu una tláxw as Mungú, múk umuúqo tlahhaywo nee umuúqo tsifriro, nee umuúqo mar'eefo nee umuúqo xoorooro.