ISAYA 41:11 - Biblía Axweesantá Hhohho' ar Mungú 2004

¹¹ Ga/aaweek kudá' kuúng ugwa i buhhiye', iga mureekeés nee kaa baál. Kudá' nee kuúng ti tlaampa'aamisá', inooín a gár tawo nee ki hhaamiis.

ISAYA 41:11 Iomraidhean Croise

TI'INAANGW 11:8

Mose iri male oó', «Slám geeraharuuseerók tí sleémeero in i xupú' iri beer, ‹Tláw, kuúng nee mukdá' sleémeero u eeharahara!› Aluudae aníng niri tláw.» Naagáy Mose iri tláy dír Farao wa ale, aa qaroó daa/atúy buhhtaawo.

TI'INAANGW 12:29

Xweeraá dakiingo AAKOÓ MUNGÚ na/aá baris sleémeero awa múk Misri gina tsuú/, iimír na/oó baris oo Farao wa tleemu, kuduú gawaá kitángw waawuti'iima, ay na/oó baris oo heé baraá tseegamórí dirií', nee na/aá baris sleémeero awa makaá ta de'en.

TI'INAANGW 23:22

Ala kuungá' bar afoorós aga ló'wa harmagahhé' iiárií qamiingo, nee tidá' sleémeero án naa kuungá' báw kari tlehhé', daqaní aníng tari wakusmoó wakuuserhúng, nee mukdá' kuungá' nu siasií' án u sií'.

ISAYA 17:13

Xoordu i kwaaraa/iyá' adór hhaahhoó ma'aá yaariir, ala Mungú gin iigahhaat niri tlatlaahhiyá' amór saaw. Kin tlatlahhaas adór fur'a xwaansloó gawaá tlom'i ngu /imaamis, adór bambaao teeri ngi /imaamis.

ISAYA 29:5

Wakuuseerók tidá' yaariir i adór teeri tleehhít, nee mukdá' kiíng iga baramaanumaamiis ku adór tsinór balaangw tleehh, kaangwí in gaanslár tleehharuut.

ISAYA 29:7

Nee boohhár xoordu sleémeero kudá' slaqwá' amór Yerusalemu, kudá' slaqwá' amór koo/ír gawit ar gixsa as ngiwa baramaanusiya', in adór tlata tleehhitiyá', nee adór iigu'utuú xweera.

ISAYA 29:8

Boohhár xoordu sleémeero kudá' amór tloomár Siyoni slaqwá', tari slaqás nee heé qwariít oo tlatitiím kwaáo i /ayín, ala bira daarakiít qwarkós iqo adoodií kaahh, laqaá adór heé waxiít oo tlatitiím kwaáo ma'aay gina wáh, ala bira daarakiít aa slaaqamiít waxeero, waxeerós aa fakká.

ISAYA 34:12

Yaamuudae tari ooi, «Waawutmo i kaahh tam geeraharusmoó daadáw i kaahh.»

ISAYA 40:17

Xoordu dír ilaawose a gár tawo. Inooín a muruú gaa wásl.

ISAYA 40:2

Axweesé' ar afór tsa' nee yaamuloouusér Yerusalemu, ádbawaak ar afór ur, inooín kibeeto' slaqwararhúng aa fák. Tlakweemaaín kaa gurtláy, AAKOÓ MUNGÚ inooín gaa slaáhh sagáwa tsár wa alé, asma tlakweemaaín kudá' sleémeero naa tleehhiyé'.»

ISAYA 41:24

Ga/aawaak, kuungá' a gaarooká, gadiyérhúng a tawo. Heé kuungá' naa tsawaar a gár tlaakw gana tleéhh.»

ISAYA 41:29

Ga/aaweek, munguii'ín sleémeero a al/ayma, gár tleehharo i aleeslaya' i káhh, slaqsi'ii'ín kudá' taa tleéhh a fur'ár tawo.

ISAYA 45:24

Inooín daanduueene tan ooi, «Gan'amu nee /uuru i dír AAKOÓ MUNGÚ kilós i dirii'iyá'.» Kudá' sleémeero ngwaa buhhtisiye' nin hardihiyá' kiri mureekees.

ISAYA 49:25

Looeemaawo AAKOÓ MUNGÚ i kaahi, «Tam haasaánguú heé migusmo ku hayoh tam haasaánguú heé xaraásl kuqo hayoh. Asma mukdá' nee kuúng ti tlampa'aamisá' nee aníng ti tlampa'aasaán, nee aníng na/iiwók i ba/amís.

ISAYA 49:26

Mukdá' kuúng u baramaanuús, aníng un /aymiís ar fu'unaá slaqooín i oonitís ar tseerduuín adór múk a oonimiit ar difaái. Daqaní umuúqo heé slafa gari xuu' adór aníng tar AAKOÓ MUNGÚ, Gweerusmoowók, Ba/amusmoowók kudá' /uuruú koóm oo Yakobo.»

ISAYA 54:15

Barnaxes taa i haratláy nee heé aníng naa ya/aawiiká. Kudá' ti tlaampa'aasá' nee kiíng ku hhaamiis geeraawók i ale.

ISAYA 54:17

Xooslár slaqwara tidá' taa tleéhh as tawa slaqwi nee kuungá', kuungá' adór nu /is i káhh. Heé bura sakwasleemuút doó kwasleemaro, kuungá' an baaliindá'. Gaarí an gadaádá' sagadiyuuser'eé' i sleer, an hariímár naa dír'ín i haniís Anuú AAKOÓ MUNGÚ tí ngina oó'.»

YEREMIA 12:17

Ala umuúqo xoorór aníng i iiárií qamimaaká, aníng an hingeés nee ngari hhaamiís. Anuú AAKOÓ MUNGÚ tí ngina oó'.»

YEREMIA 2:3

Múk Israeli a múk hhohhó' dír AAKOÓ MUNGUHE, xwaylarós tidár baris. Heé gi gár tlaákw i tleéhh i hhitiruut, amotlakwe ga sláy.› Anuú AAKOÓ MUNGÚ tí ngina oó'.»

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

SEKARIA 12:3

Baalaadae aníng gixsár Yerusalemu aa tlaa/ár iiloo' tleéhh dír muu sleémeero, umuúqo heé ga iiara tin kilós mutaaúy, nee xoordaá daanduú yaamu sleémeero gixsár Yerusalemu gin i haratlayá'.»

Tlehhema'aá ya/Abuuse 16:39

Bariiseedár kwasleema niri hardát, Paulo nee Sila kiri harhheehhe'eemiís. Nee kiwa hhe'eés tsee/áy duuxaro, kiri harhheehhe'eés tawa ti'iiti baraá gixsarihe.

Geehhoeemaá 3:9

Ga/aaweek, mukko i deer oo Neetlángw eeharahár. Inooín ta kaahi atén a múk Yahudi, ala laatí a loeká, ala inooín a lamuuse. Aníng mukwí ngu /uurutís as iwa amoorók i hardihi, nee iwa tumbarara'aati dír geeraawók i alé, as inooín ngiwa tsaahhiya' adór aníng kuúng ur slaá'.