ISAYA 41:1 - Biblía Axweesantá Hhohho' ar Mungú 2004

¹ Mungú i kaahi, «Kuungaásingaá ayeemaá afaá tlawi, xasliité', iia qaasaak, xoordu /uuruú /abén ngu slayá'. Ni tseewuye' as kangw'ín nguwa ooiya', Daqaní ni ooiye', ‹Qwalaas dinkwa as sakwasleema.›

ISAYA 41:1 Iomraidhean Croise

YOBU 38:3

Gím, siinootiím adór hhawaatuú wá ale, daqanirkó axweesante'eé' tí ngi tláxw.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

ISAYA 1:18

AAKO i kaahi, «Qwalaasé' hamí aníng nee kuungá' a axweesaán, tlakweemaahúng tim da/atatuyá' adór inqwaarír daa/aát wá ale, nin /awkukuyá' adór tlaa/aá tluwaay, tim da/atatuyá' adór tseere, nin /awkukuyá' adór se'éngw bee/ángw /awák.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 34:1

Aá xoórdu, tseewuwaré', iia qaasaak, aá muú, iia qaasaak yaamu sleeme i axaasiye' nee umuú gár baraadií diriia. Yaamu nee umuú gár baraadá' wa hootá'.

ISAYA 40:31

Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

ISAYA 41:5

Ayeemaá afaá tlawi muruuwí ngwaa ariyé' nay da'ayutiyé', yaamu sleémeero niri daaraxaatiyá', muu sleémeero tina burumbuúr niri hardihiyé'.

ISAYA 43:26

Aníng inslawtisaré', qwalaasé' a dinkwár wa axweesaán, sakwasleemarhúng kaahare', as kahhó' tunduwa tsaahhi adór múk ganaá'.

ISAYA 43:9

Xoordu sleémeero ni dinkwarií burumburitiye', muu ni dinkwár i haraki/i, Xáy, baraá tla/angw'ine heé kangwsíng ngu alki/iít, nee oo muruudá' aa waaraahh ngu laqaám s heemá? Inooín lamabu'uuser'ín ngi huwiye' ar gi aleekalaa/ Inooín ka iiárií qaasi iwa kat, «Kaangwí oo tsuwa ló'.»

ISAYA 48:16

Dir'eé' tseewuwaare', tí iiárií qaasaak, iimír iimu/uungo aníng aga axweesiiká ar naaqo, iimír muruuwí iwa tleehharuuti aníng an qaroó daadáw. Hám daxta Aakoó MUNGÚ aníng iga ya/aáw nee iga qeeruuwós i haniís.

ISAYA 49:1

Aníng iiárií qaasaré' kuungá' hhapaá sawen, iia qaasaak kuungaá múk sawén, AAKOÓ MUNGÚ ina ateét qoomár aníng niwa baraá guruú aayoórí kaahh, ina umií tsaát qoomár niwa baraá guruú aayor'eéní kaahh.

ISAYA 50:8

Kudá' aníng i aleekalaá/ ku tseéw, heé nee aníng ti tlaampa'aasá' a heemá? Gimsé' a sihhitaán dír doó kwasleema. Wakusmooeé' a heemá? Axáy inós ni dir'eéní tseewuy.

HABAKUKI 2:20

«Ala AAKOÓ MUNGÚ i baraá do'ós kudá' hhoohhoó' i dirii', yaamu sleémeero i xasliitiye' geeraawós i ale.»

SEKARIA 2:13

Kuungaásingaá muu sleémeero, dír geeraá AAKOÓ MUNGÚ i xaslitaak, asma inós naa dirós tidá' hhoohhoó' wa tláy.