ISAYA 40:6 - Biblía Axweesantá Hhohho' ar Mungú 2004

⁶ Afo i kat, «Kaangwí tsee'eek.» Aníng niri oó', «Aníng gár ni tsee' a milá?» Iri beér, «Muu sleémeero a adór gitso. Nee hhohhoaarir'ín sleémeero a adór /ayór baraá qamu.

ISAYA 40:6 Iomraidhean Croise

YOBU 14:2

In adór /aamiito'ór wa gaanslár uráy, iri gwaa', In adór mahhatír wa gaanslár ta'aaín, iri kahhuut.

WARA'AMI 102:11

Slafingw'eé' i waaraahh adór geehhantmoó tsiindo wa ale. Aníng ana káh adór gitsór wa ale.

WARA'AMI 92:7

Tam múk hota ganaa'aaká ni harma/i adór gitsór wa ale, nee kudá' sleémeero muruú tlákw tlehhiitá' birna slu/ubibiné', ala ki qwaarees ay alhhe'eesay wasle.

ISAYA 12:6

Tsee'é' nee daaé' ar qwala/, kuungaá yaamuloouusér Siyoni. Asma oo muruú urén gu tlehhiít tla/angwhunge, a Mungú, kudá' Hhoohhoó' oo Israeli.»

ISAYA 37:27

Qoomár /uuruú yaamuloouusér gixsaduudá' bira faák bir kaa dae tsaát kiri amoqwaareés, Inooín tarí adór balángw baraá qaymo, tari adór gitsór dutlutluu/ ar baraá qaymo, tari adór gitsór naa gawaá daanduú dó' wa ti'it, danú gan kahaas dír ira uraareriiká.

ISAYA 40:3

Afo i tseeamiín baraá darmuú alé, i kat, «Loohír AAKOÓ MUNGÚ amohhe'eesaak poohoó loohi gan'asaak baraá xaanxaywo as Munguúrén.

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

YEREMIA 2:2

«Tláw ay amór yaamuloouusér baraá Yerusalemu, ki beer, adoorí an tidá' AAKOÓ MUNGÚ i kaahi, ‹Aníng inkihhimuduú qoomár kuúng tawa masoomo un insláw, adoodá' ira slá' geerií aleeró adór múk ti duuxór wa slaá'. Ina eehát baraá xaanxaywo, baraá yaamuudá' taa dooslikahe.

YEREMIA 31:6

Asma qooma i hi'ít ar xuumusmo iwa ateeti gawaá geetuú tlom'aá Efraimu, iri ooi, Gusé', a tsa/amán ay Siyoni amoodá' AAKOÓ MUNGÚ, Munguúrén, i dirii'i.»

HOSEA 5:8

Xareemi ufaahhaak baraá Gibearo, tarumbeéta baraá Ramaro. Uui tleereesaak baraá Beti-aweniro, múk Benyamini wakuuserhúng hanoos aluuhúng.

SEKARIA 1:14

Naagáy malaykamoodá' aníng iri báy, «Gimáy waahheek kaangwí AAKOÓ MUNGÚ Aleesleemusmo i kaahi, ‹Án gura' ina ló'wa óh as Yerusalemu ngiwa slaá' nee Siyoniro.