ISAYA 40:4 - Biblía Axweesantá Hhohho' ar Mungú 2004

⁴ Umuú tlapaaro ka hatsiis, umuú tloomaro nee gongoamoowo ki yaamií daahh, tlapu ki alqoomees, yaamaá guhhe ki gana'aas.

ISAYA 40:4 Iomraidhean Croise

AXWEESANOÓ SAGALOOA 2:15

múk al/aymuuse baraá lohduuine, múk inkihhimuú koomaaká.

ISAYA 40:3

Afo i tseeamiín baraá darmuú alé, i kat, «Loohír AAKOÓ MUNGÚ amohhe'eesaak poohoó loohi gan'asaak baraá xaanxaywo as Munguúrén.

ISAYA 40:5

Daqaní xirfuú AAKOÓ MUNGÚ iri geehhooúy, muu sleémeero guri ar.» Asma adoorí AAKOÓ MUNGÚ gaa oó'.

ISAYA 42:11

Xaanxaay nee gixsaduwós sleémeero afo ngi tleesiyá'. Ayeemaá yaamuloousér Kedari xirif ngu daaiye'. Yaamuloouusér Sela daa'ángw bara/ ngu oohiye'. Inooín i gawaá sagér tlom'ií wa tseeiye'.

ISAYA 45:2

Aníng kuúng un geerahaár, tlom'i ngiri alqoomeés dír geeraawoge, afér muqslár sirda/aten an giqáw, muqslár afér mari tsegit ngiri tla/eeri tlaáq.

ISAYA 49:11

Tlom'ieé' sleémeero in loohi tleéhh, poohoó yaariír oo loohi iri tsatiit.

ISAYA 62:10

Kuungá' múk Yerusalemu, afér gixsaaro tsee/ay ti'iitaak, loohi amohhe'eesaak as muu. Loohír ur tleehhaak, tlaa/e hingeesaak, laya laqamaak as muu.

ESEKIELI 17:24

Daqaní xaai baraá yaamu sleémeerowo ngiri tsaahhiyá' adór anuú AAKOÓ MUNGÚ xaa'aá tlet ngir gáwtá wa daraáhh, xaa'aá ququmat ngiri tledemiís. Aníng xaa'aá naa/á' in kahaás, nee awa kaaharen in naa/amií ki/ís ngay ureemiís. Anuú AAKOÓ MUNGÚ tí ngina oó' nee an tleéhh.»

ESEKIELI 21:26

Anuú Aakoó MUNGÚ, kuúng un babaw, Warqamoosuú gawaá sagók nee slamaangók duxeek. Asma ado i adoodár geerií kahhká. Mukdaádá' baráy dirií' kungu gáwtí tlees, nee kudá' gáwtí diriiá' kingi baráy /aytiis.

SEKARIA 4:7

Tloomarí tlerantleer a gár milá dír Serubabeliwo? Kuúng Serubabeli tloomadá' an xatsa tléhh, inós tlaa/anooduú alhhe'eesaay oo do' tlehhit gun qaas, muu sleémeero iri urur'uus, tari oin, ‹Gurtleemu, gurtleemu› as do'odá'.»

Luka 18:14

Án a kah, kwí iri waátl amór do'ós, kwí kilós an kudá' taa gan'amií harafaár. Asma kudá' ti kilós ureemiís, ku niinawees, nee kudá' ti kilós niinaweemiís, ku urees.»

Luka 3:5

Umuúqo wa/eeriwo kin tiip, nee umuúqo tloomaro nee gongoamawo kin alqoomees, luhaá gana'a'aaká kin gan'aas, luhaá guhhér koomá' kin natsatsa'aas.

1 SAMUELI 2:8

Heé narkutmo gun slankwa'aas baraá teerír wa alé, oo gár slaá' gun tsa/aas baraá ufuú xwaansláy wa alé, as ngiwa iwiitisi dinkwa nee múk urén, as tawa aaliitér kiteeridaá ilaiwa/ame. Asma AAKOÓ MUNGÚ yaamu gin gáwtí kón.