ISAYA 40:31 - Biblía Axweesantá Hhohho' ar Mungú 2004

³¹ Ala kudá' sleémeero AAKOÓ MUNGÚ harahhifá', inooín /uuruú /abén ngu slaslayá', inooín tari adór gwaresuú wa gáwtí tláy ar hhampe'eeri. Inooín nin ti'ii'iná' ta baloó slaaqatiiká, tan hi'iimiit ta baloó nusqumiitiiká.

ISAYA 40:31 Iomraidhean Croise

YOBU 17:9

Tam adoorihe, heé ganaá', aqo gan'amu gun ar hoot, heé muruú hhó' tlehhiít /uuru gu ló'wa sláy.

WARA'AMI 103:5

Slafingw'eé' sleémeero gu aaxisa hhe'ees muruú hhoe. Iri masoombi'iimárií ki/is nari hoót adór gwareesi ir hotatiin.

WARA'AMI 123:2

Adór sagadiyuuse aakoodá' ta sagadiyuusi kur harahhifi, adoodá' sagadiyuso'o aayoodá' i sagadiyus ngir harahhif, adoorí an adoodá' ilaarén AAKOÓ Munguúrén ngur ga/aya', ay dír inós atén tay gurtlay.

WARA'AMI 138:3

Bál án kuúng uwa ateét, ina mu/aywáts, aníng ina gurkwa/ás iri /uurií hanís baraá muunaáeene.

WARA'AMI 20:9

AAKOÓ MUNGÚ, waawutmo arba/atír i haniiseek, atén kuúng ti mu/aywats bál bura ateetaán.

WARA'AMI 25:21

Hhooeema nee gan'amu masók aníng in de'ená', asma aníng kuúng un harahhiíf.

WARA'AMI 25:3

Ar ló', kudá' kuúng u harahhifá' tumu wák mukuwa mureekeés, ala kudá' al/aymár tlehhiitá' tawó alé i muruutiye'.

WARA'AMI 25:5

Án geeraharáng ar looeemawók nee intsaahhatisáng. Asma kuúng an Munguú ba/amar'eé', án kuúng un harahhiíf umuú daqto.

WARA'AMI 37:34

Kuúng AAKOÓ MUNGÚ na harahhiifeek, loohirós eehareek. Inós kuúng u iiatleerees, yaamu kay ál. Múk tlákw adór kur qwaareesi a aán.

WARA'AMI 40:1

Aníng AAKOÓ MUNGÚ una daám ar qitla, /aa/ee'eé' giri iiárií qaás, niri amor'eé' i warqáy.

WARA'AMI 84:7

I kumiitiyá' /uuru slaslaango, ay dír umuúqo heewo i hardihi dír geeraá Mungú amoodár Siyoni.

WARA'AMI 84:8

AAKOÓ MUNGÚ Aleesleemusmo, firor'eé' iiárií qaaseek. Munguú Yakobo, án iiárií qaasáng.

WARA'AMI 92:1

A gár hhoo' AAKOÓ MUNGÚ kuwa sluufmisaan, nee umuuwók kuwa xirfayeemisaán, kuúnguduú Gáwtí dirií'.

WARA'AMI 92:13

Kwaa dahaás baraá Doó AAKOÓ MUNGÚ, nin slu/ubibiná' baraá Doó Munguúrén wa ale.

TI'INAANGW 19:4

‹Kuungá' adoodá' aníng naa tleéhh dír múk Misri aga aandé', nee kuungá' nuri ar tláw amor'eéní ale adór gwareesi na/iiwós ngir loohamaamis ar hhampe'eeriwós.

AXWEESANOÓ SAGALOOA 30:19

Adór gwareesi ir hi'iimit gawaá gáwtá wa ale Adór dayshamo ir hi'iimiti gawaá daanduú tlaa/aro Adór miringamo ir gawaá daanduú ma'ár hi'iimiti Nee gár garma gu uuruxuum nee dasi tawa alhi'iimiti.

DAA'AANGW 8:5

A heemá heewí baraá darmuú daáhh? Slám aa tlintií' gawaá sla'aaruso'oorós. Dír gamuú xa'anoó tofá'aro, aníng kuúng una tleés, didá' handá' aayoorók asltá xwayla ngiwa eér. Eeít, didá' handá' aayoorók uwa laqwál.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 30:15

Asma Aakoó MUNGÚ, Kudá' Hhoohhoó' oo Israeli i kaahi, «Kuungá' an ba/aandá' ar loohír niwa amor'eéní ki/a' nee tawa dir'eéní xaslita'. Kuungá' bara xaslité' nee aníng bira harahhifé', daqaní /uuru u sleerá'.» Ala kuungá' adoorí aga slai'iiká.

ISAYA 30:18

Gawaá adoorihe AAKOÓ MUNGÚ kuungá' nu daamaarán, as nuwa gurtlay. Inós ni tláy as kuungá' nuwa gurtláy. Asma AAKOÓ MUNGÚ a Mungú sakwasleemár ganaa' ga tlehhahhiít. Múk amohhoó' a kudá' inós gu daamaraám.

ISAYA 41:1

Mungú i kaahi, «Kuungaásingaá ayeemaá afaá tlawi, xasliité', iia qaasaak, xoordu /uuruú /abén ngu slayá'. Ni tseewuye' as kangw'ín nguwa ooiya', Daqaní ni ooiye', ‹Qwalaas dinkwa as sakwasleema.›

ISAYA 64:4

Iimír aange Munguú hatlá' ugwa araniiká laqaá ugwa axaasaniiká iaawo slám Munguú adór kuúng oo taa ár ilaawo i kaahh, kudá' muruú waa/oo/amór tlehhiít dír kudá' inós ngu harahhifa'a.

ISAYA 8:17

AAKOÓ MUNGÚ un daamaaraám, kudá' aa nahhaat dír xwaylár Yakobowo, inós un harahhiíf.

YEREMIA 48:15

Kudá' Moabu aa hhaamiís nee gixsaduwose naa hardáh, masoombar'ín tidá' hhohho' kaa tsu/utár áy.» Tí Waawutmo gan kah, kudá' umuuwós ta bay AAKOÓ MUNGÚ Aleesleemusmo.

SEKARIA 10:12

Aníng muk'eé' nguri gawdeés baraá anuú AAKOÓ MUNGÚ, inooín nari hootiyá', inooín umuueé' nguri xirfayeemisiyá'. Anuú AAKOÓ MUNGÚ tí ngina oó'.»

Luka 18:1

Aluuwo Yesu giri slaqsaywí báy as ngiwa intsaahhatisi, asma inooín gár kiwa hariím a Mungú ngun firiiriná' daqisleém, tam matawa mune sií'.

Rumi 8:25

Ala barnaxes gar ta ga/aawanaaká a haraxuaán, gadaádá' an daamaaramaán ar qitla.

2 korinto 4:1

Gadiyeérí atén ta tleehhaan Mungú ngina atén i haniís as gurtleemuuwós. Gawaá adoorihe atén a mune siaanaaká.

2 korinto 4:16

Gawaá adoorihe atén a mune siaanaaká. Asma slaqoorén i hhitirumitiyá', ala tam adoorihe atén ti /abeemií ki/imis baraá muneerene umuúqo deelooro.

Galatia 6:9

Mawa slaaqataán hhooeema tlehhtuuwo. Bar aga mune sianiiká, bu'uungw u slawaán qooma bira xeér.

DABE 32:11

Adór gwareesír doó na/iiwós xuum, tidá' harweeririim gawaá na/iiwós ar aleeró, hhampe'eeriwós ngiwa gwét, as na/iiwós ngiwa umiin, nee ngiwa hhaampi'iiwós ar gagariin,

DABE 33:25

Koo/ír do'ók a muqsla nee muqslár sirdaa/aten, kuúng a waydúr hót daqisleém.

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

Ebrania 12:1

Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.

Ebrania 12:3

Kuungá' inós inslawaak, adór inós tlaampa'amisuú xaraásl oo múk tlakuuse ngura sa qiqtlín. Gawaá adoorihe kuungá' ma slaaqataara' nee ma mune siaara'.

YOSHUA 14:11

Ala ti gawít tam hamí, aqo adoodár baldá' Mose iwa ya/abiít an i kaáhh, slaqwara a aleesláw, tam waayaá dooeé' sleeme.

Geehhoeemaá 12:14

Ala /ameenidá' kari hhampe'eeraá tsár i haniís awa gwareesidá' ur, as inós iwa /akut ay baraá xaanxaay, ay dirós tidá' inós kawa /aymaamisi qoomár kureeraá tám nee tlaqi. Didá' ka saaw dír dayshamoodae.

Geehhoeemaá 2:3

Slám kuúng ana qiqtliín nee slahha'amaayér yaariir ana slaasleér as aníng, slám aga slaaqatká.

Geehhoeemaá 4:7

Nee baraá muruudá' slafa gár geera a adór diraangw. Nee gár tsár a adór awu, nee gár tám i gitse/aá koón adór heé wa ale. Nee gár tsiyáhh a adór gwareesír gáwtí tlatlaw.

HAR'OHUUSE 16:28

Samson AAKOÓ MUNGÚ guna firín, iri oó', «AAKOÓ MUNGÚ, aníng inslawáng, /uuruueé' ki/isang! Tí kilós waiiká' wake ngin firiím, as li/aay nguwa buu' daanduú ilaeé' kuká' tsár taa tu/uni nee múk Filisti.»