ISAYA 40:28 - Biblía Axweesantá Hhohho' ar Mungú 2004

²⁸ Ahaá kuungá' a xua'aakáhe? Asma kuungá' aga axasi'iikáhe? AAKOÓ MUNGÚ an Munguú alhhe'eesay wásl, Inós an kudá' yaamu gaa tleehh. Inós i slaaqatiiká laqaá i nusqutiiká. Xu'utirós tsaahharo ka gawit.

ISAYA 40:28 Iomraidhean Croise

IIMU/UUNGW 21:33

Abrahamu ti'ita guri dahaás didár Be'er-sheba, umuú AAKOÓ MUNGÚ, Munguúduú alhhe'eesay wásl guri ateét baraá firoorose.

YOBU 38:18

Yaamuuká' uraywo a har adoomá, i xúa? Muruuwí sleémeero bur xú', axweesante'eé' tí tlaxwang.

WARA'AMI 138:8

AAKOÓ MUNGÚ, al'axweesantók tidá' naa ó', a boo/és. AAKOÓ MUNGÚ, sla'aarirók i warqeeraaká ay alhhe'eesay wasle. Gadiyeérók ar taa iimu/uún ma mawaar boo/eesaro.

WARA'AMI 139:6

Xu'utiirók i waa/oo/amór koón, aníng tsaahharo a aleeslawaaká, ka ló' wa ur.

WARA'AMI 145:3

AAKOÓ MUNGÚ kun úr, masók kun ló'wa xirfayeemiis, nee uraywós heé tsaahharo gu asláw i kaahh.

WARA'AMI 147:5

AAKOÓ Munguúrén ku úr, nee /uuruuwós ku yaariír, xu'utiirós i qoomoó koondaaká.

WARA'AMI 90:2

Tam qoomár tlom'i kiwa tlehhká. Tam qoomár yaamu kiwa tlehhká, kuúng an Munguú daadáw iimír iimu/ungw wasle ay alhhe'eesay wasle.

ISAYA 37:26

Kuúng kaangwí ugwa axaskáhe adór aníng kangw'eé' ngura qoomeés iimír aange, iimír aange ador'eé' tí ana qaroó qoomeés tí hám laarí tleehharuumiit tí kuúng gixsadaá koo/i gawden kiwa hhaamís tari ufér tsa/eewasi.

ISAYA 40:21

Xáy, gár ta xua' i káhha? Xáy gár taa axasé' i káhha? Xáy, iimír aange ado kinga ooiikáhe? Iimír iimu/úngw yaamuwo kaangwí ugwa xui'iikáhe?

ISAYA 42:4

Inós i diqay tsatitiiká laqaá i munesi'iiká. Ay dír sakwasleemár ganaa' ngay gawdeesi baraá yaamuwo. Yaamaá sawen hara'ayaarós ngin daamaraná'.

ISAYA 45:22

Amor'eé' ki/aare' nee tundu ba/amisi, kuungaásíngaá ku/iyaá yaamu sleémeero. Asma aníng a Mungú, Munguú hatlá' i kaahh.

ISAYA 57:15

Asma adoorí an adoodá' kuduú gáwtí dirií', kudá' xiríf, kudá' hotaatiím ay alhhe'eesay wasle, kudá' umuuwós ta bay Oo hhoohhoó' i kaahi, «Aníng dír ni hoot a didá' gáwtí dirii', didá' hhoohhoo', slam a dinkwa nee kudá' aa hhu'uu'un, nee oo tsatsaa'aár baraawose. Asma kahhó' qeereemaá múk tsaén ngiwa slafis nee munér mukdá' aa hhu'uu'un ngiwa slafis.

ISAYA 59:1

Ga/aawaak, dákw AAKOÓ MUNGÚ ku ququmaareeká tam ba/amisaro nuri harslaqaát. Laqaá iaawós i giwiaaká tam iri axaasiiká.

ISAYA 66:9

AAKOÓ MUNGÚ i kaahi, «Xáy, aníng muk'eé' un tseeweésa dír xwayla ngiri asla awaaká, Xáy anuú gi asla a'áw, xwaylar'ín an ilaá/a?» Tí Munguúwók gan kah.

YEREMIA 10:10

Ala AAKOÓ MUNGÚ an Munguú ló', a Munguú slaáf, waawutmoó alhhe'eesay wásl, bira buúhh yaamu in daaraxaatiyá', xooro buhhtaawós saqitluuwo gi aleesleeraaká.

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

YEREMIA 4:22

AAKOÓ MUNGÚ i kaahi, «Muk'eé' a daktana, aníng i xuiaaká. Inooín a na/aá iimibo/ gár i tsatshhana' i káhh. Inooín lohdaá tlakweema tlehhit ngi xuiyá', ala kángw hhó' tleehhtuuwo ngu xuiaaká.»

Marko 16:14

Alhhe'eesaywo eeharuuseedá' mibaá nee wak qoomár tawa /ayin gari harati'iít. Giri i gilín asma haratlintaaowasler'ín nee asma muner'ín kawa gawdén, asma inooín axweesantá mukdá' inós gwa ar, alaá niwa baraá /aantár wa waasleé/, kaa haratlintii'iiká.

Marko 9:19

Yesu giri báy, «Kuungá' qartá haratlintaao wasl, án nee kuungá' ta al hotaatimaan ay xaylá? Nee nu hubaabiim ay xaylá? Garmaasíng amor'eé' huwaare'.»

Luka 24:25

Yesu giri báy, «Kuungá' a tsuwa daktana. Kuungá' tundu tsuwa har gawdén mura' haratlintaaooro, kudá' sleémeero tinda alki/iít nee aaruuse.

Yohana 14:9

Yesu iri oó', «Án nee kuungá' ana alhootatimaán deeloorí yaariire, án kuúng i xu'ukáhe, Filípo? Heé aníng iga ar, Baabá gwa ár. Ala kuúng mas kat, ‹Baabá laqaamang?›

Yohana 5:17

Ala Yesu inooín giri báy, «Baabuúeé' i gadiyuus tam hamí, nee aníng sleeme an gadiyuús.»

Tlehhema'aá ya/Abuuse 13:47

Asma adoorí an adoodá' Aako naa oó', ‹Aníng kuúng una qaás tawa gwa/aateemaá múk xoordu, as tawa loohír ba/ama tam ay alhhe'eesoó yaamu, as ba/amar'eé' muu sleémeero nguwa i hardat.› »

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

1 Korinto 2:16

Asma Gooi i kat, «Heé muunuú Aako gu tsaáhh a heemá? Nee slám heé inós gu intsaahhatís a heemá?» Ala atén baraarene muunuú Kristo u koomaán.

1 Korinto 6:16

Laqaá a xua'akáhe heedaádá' ti haragaás nee tsaatuso'o, heedaádá' a slaqwtá wák nee inós. Asma Gooi i kat, «Kuká' tsár tari adór slaqwtá wák.»

1 Korinto 6:19

Kuungá' a xua'akáhe adór slaqoohúng tar Doó Qeeruú hhoohhoó' oo Mungú, kudá' baraahúng wa hoót? Inós an kudá' tinda haniís nee Mungú. Kuungá' ti kiloohúng bal'aaká. Ala kuungá' awa Mungú.

1 Korinto 6:9

Ahaá kuungá' a xua'akáhe adór /aytuuse waawuti'iimár Mungú ngir baloó alká? Kuungá' miti kiloohúng al/agiimara'. Múk tsaatuuse waawuti'iimár Mungú ga aaliiká, laqaá tam múk munguaá hatlá' haratlintaatií', nee tam fuquuse, laqaá hhawaateedá' nee hhawaataá hatlá' fuquusá', laqaá /ameenadá' nee /ameenár hatlá' fuquus,

DABE 33:27

Munguú iimu/ungw wásl an dír guwaywók. Dabaawós kudá' alhhe'eesay wasl un loohisiyá'. Inós wakuuse gan geerawók wa guus, i kaahi, ‹Hhaamiseek.›

Filipi 1:6

Gár án ni haratlintatii' a tí, kudá' gadiyér hhoo' gaa iimu/un baraá munerhunge, inós gadiyeédá' ga alhhe'ees ay bál deelór Kristo nay xeer.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

Ebrania 9:14

xáy, tseerér Kristo tí ga ló'wa bá/áke? Asma inós tina kilós haniís dír Mungú ar /uuruú Qeeruú alhhe'eesay wásl as tawa ilahhooár xaslxaansli wasl. Tseereerós muneerén ga hamátl nee tlehhema'aá slafíngw kooma'aaká, as masók atén Munguúdá' slaáf kuwa sagadiyuusaan.

1 SAMUELI 2:10

Awa AAKOÓ MUNGÚ tlampa'aamisa' ki suwaatsaat, inós gin slaahh adór dooraá kwarara/a hee ngur slahhiyá'. AAKOÓ MUNGÚ yaamu sleémeero gi sakwasleemuut. Inós waawutmoowós gu /uurií haniis, nee waawutmoowós kudá' taa iimbalaáx ar di/i gu iia tleerees.»