ISAYA 40:27 - Biblía Axweesantá Hhohho' ar Mungú 2004

²⁷ Kuungásá múk Israeli nee xwaylár Yakobo, ahaá mas wa/aa/usá' tawa kata', «Loohir'eé' kaa luú/ dír AAKOÓ MUNGUHE, Munguúeé' gana'amueé' gu gaárí xuiiká?»

ISAYA 40:27 Iomraidhean Croise

YOBU 23:14

Asma tidá' inós aa qoomeés daanduueene ga boo/ees, nee muruú yaariír oo baraá inslawaywós i diriia'.

YOBU 27:2

«Munguú Gawa iqo daadeer, kudá' hariímar'eé' gaa hayoh, nee Munguú Aleesleemusmo iqo daadeer, kudá' hhiintluueé' gwa artis.

YOBU 34:5

Asma Yobu i kaahi, ‹Aníng ti dakuús wásl. Ala Mungú gana'amueé' guna sií'.

ISAYA 25:1

Aá AAKOÓ MUNGÚ, kuúng an Munguúeé', aníng kuúng un xirfayeés nee un diidi'iimiís, asma kuúng muruú waa/oo/amór koóm una tléhh, muruuwók kudá' taa qoomés iimír aange, aqo un boo/és ar inkihhimu nee looeema.

ISAYA 44:21

Aá múk Yakobo muruuwí inslawaak, nee kuungaá múk Israeli a sagadiyuuser'eé'. Aníng kuungá' nuna tleéhh, kuungá' a sagadiyuuser'eé'. Aá múk Israeli án kuungá' nu gunqaresaaká.

ISAYA 49:14

Ala múk Siyoni ta kaahi, «AAKOÓ MUNGÚ taa geexáy, Aakoorén atén taa gunqaareés.»

ISAYA 49:4

Ala aníng niri oó', «Gadiyér tawo aga tleéhh, /uuruueé' ugwa tawo qwaareés. Tam adoorihe looeemaawo gan'amueé' amór AAKOÓ MUNGÚ ngin daahh, nee slaqwer'eé' i dír Munguúeé'.»

ISAYA 54:8

Har afiqoomár niinawe niwa buúhh ina ilaa goów, ala ar sla'aarír warqawakahe iga gurtláw. AAKOÓ MUNGÚ ba/amusmoowók tí gan kah.

1 SAMUELI 27:1

Daudi iri baraá muunaáwós i oó', «Ís baalarkaaro Saulo án i gaas. Gár tsiní dir'eene an goów amór yaamaá múk Filisti. Saulo bira leelehhahhiít baraá guruú yaamuukaá Israeliro iqo mune sii', adoorihe daqaní aníng a /úw Saulowo.»