ISAYA 40:26 - Biblía Axweesantá Hhohho' ar Mungú 2004

²⁶ Axáy gawa i qaytsitaak, heé muruuwí gwa tleehh a heemá? Inoósuwí an kudá' slawowós gi geeraharahaár, inooín sleémeero gin ateetín ar umer'ín, asma inós an kudá' aleesleemuú yaariír gu koóm, nee /uuruuwós ku yaariír, gawaá adoorihe ar qwaar tam ar wák i káhh.

ISAYA 40:26 Iomraidhean Croise

IIMU/UUNGW 1:14

Mungú iri oó', «Muruú gwa/aateemaá duxuúm i deeruuti gawaá dooriwo, oo tlaatla/aangw nee xweera gi paraátl. Muruuwí gwa/aateemaá duxuúm qomadu ngi laqan nee deelo nee kureeri.

IIMU/UUNGW 1:16

Mungú gwa/aateemaá uren awa tsár giri tleéhh. Gwa/aateemaadá' ur a looa, in baaliná' tlaatla/aango, nee gwa/aateemaadá' niina a slahhaangw, in baaliná' xweeraawo. Tsatse/ sleeme guri tleéhh.

WARA'AMI 102:25

Iihhafiirír yaamu aáng ana tléhh. Doori an gadiyér dabaawók.

WARA'AMI 119:91

Muruú slaáf sleémeero laarí i deer adoodá' kuúng kara slá', nee sleémeero a sagadiyuuseerók.

WARA'AMI 121:1

Ana qaytsiít gawaá sagér tlom'ií ale, Alee/isay'eé' amór i dahhi a amá?

WARA'AMI 19:1

Doori i xirfuú Mungú geehhooatimisiyá', nee sleeme i gadiyér dabaá Mungú dahareemisiyá'.

WARA'AMI 66:3

Mungú bawaak, «Tlehhmi'iiwók iwa dae tlaaqiya' a adór milá? Asma /uuruuwók ku úr, wakuuseerók ni hardát, tiri dír geeraawógií niinaweemís.

ISAYA 34:16

Kitaábuú AAKOÓ MUNGÚ soomuusaak, tam makiito'ór wák ar taa dakuús i káhh, umuúqo makiito'ooro i deer nee hho'oorós. Asma AAKOÓ MUNGÚ tí afkose gaa hara'ayín nee qeeruuwós makayká' sleémeero gina burumbuúr.

ISAYA 42:5

Adoorí an adoodá' AAKOÓ MUNGÚ i kaahi, Inós an kudá' doori nee yaamu gaa tleehh giri intláh, Inós an kudá' yaamu gaa tleehh, umuúqo gár baraadá' i diriia, Kudá' múk baraá yaamu gwa hiinslií haniis, kudá' qeeruuwós gwaa haniis dír múk baraá yaamuú wa hoót.

ISAYA 44:24

AAKOÓ MUNGÚ kuduú ba/amusmoohúng, kudá' kuungá' naa baraá gur'ér amuuhúngí tleehh, i kaahi, aníng kilooeé' doori ina intláh nee yaamu ina hhaáf, qoomár ngiwa tlehhiit heé aníng iga alee/iis i kaahh.

ISAYA 45:12

Aníng yaamu ina tleéhh, hee nguri tleéhh oo gawaadá' gi hoót. Doori aníng ina hhaáf ar dabaaeé', nee muruudá' gawaadií dirií' sleémeero un baliít.»

ISAYA 45:7

Aníng gwa/aateema nee giwtiro ina tleéhh; Aníng qwala/ nee gurhaami ina tleéhh. Aníng an AAKOÓ MUNGÚ oo muruuwí sleémeero gwaa tleehh.

ISAYA 48:12

Múk Yakóbo, aníng iiárií qaasaré', nee oo Israeli kudá' naa ateét. Aníng a Inós, aníng an kuduú geera nee oo alhhe'eesaay.

ISAYA 48:13

Dakw'eé' iihhafiirír yaamu gana qaás, nee dakw'eé' oo doó /iyayhe doori ina hhaáf. Qoomár bira ateét inooín nin dinkwaárií sihhiitiyá'.

ISAYA 51:6

Gawaá doori i qaytsitaak, daanduú yaamu xuxuaak, asma doori i waaraahhiyá' adór quui, yaamu i feehhamiitiyá' adór inqwaarír qaren awa baraadá' hootá' i qatliyá' adór naanaga. Ala ba/amar'eé' in kumaamít ay kureeraá kureér, nee gweeramor'eé' i alhhe'eesoó koondaaká.

ISAYA 66:2

AAKOÓ MUNGÚ i kaahi, «Muruuwí sleémeero a gadiyér dabaaeé', gawaá adoorihe muruuwí a kwe'eé'. Ala aníng heé ni i qaytsiit a heé adoorí: Heé tsatsa'aár nee oo aa gwadiidin, nee heé axweesante'eé' ga da'ayumiít.

DABE 4:19

Ti ló'wa harmagahhe' tam qoomár bara qaytsité' gawaá doori, looa nee slahhaangw nee tsatse/ nee mura' sleémeero oo gawaá doori bura aandé' munduwa gee/aásl, as kuwa fiririinda', nee kuwa sagadiyusa' adór Mungú ló'wa ale. Muruuwí AAKOÓ MUNGÚ guna máy dír múk hatla' as nguwa sagadiyuusi.