ISAYA 40:24 - Biblía Axweesantá Hhohho' ar Mungú 2004

²⁴ Qoomár birka haátl nee birna harma/i'iyé', dír dee/aruuín ngura sihhi'iiká adór xa'anoó wa alé, qoomár AAKOÓ MUNGÚ inooín birnga ifaáhh aqo nin kahiyá', inooín bambaao ginar tleér adór muundáy.

ISAYA 40:24 Iomraidhean Croise

2 SAMUELI 22:16

AAKOÓ MUNGÚ ngiwa i gahhaát, ar hinsluú baraá dungaawós daáhh, iloodá' baraá tlabeemo nari geehhouyé', iihhafirír yaamu iri geehhouúr.

2 WAAWITÁ 10:11

Yehu múk doó Ahabu sleémeero guri tsuú/ kudá' baraá yaamaá Yesre'eli i dirií' dinkwa nee geeraharuuseerós, nee mulqer'ine nee kaahamuuser'ine, heé taa meetiís i kaahh tumu wák.

YOBU 21:18

As kahhó' niwa adór hhaanslaá fur'a ir tlatleer tleehhitiyá', nee adór mundoó bambaao ira tleér.

YOBU 4:9

Mungú gin qwaarees ar hiinsluuwós, Mungú gin qororo'oos ar buhhtaawós.

YOBU 8:17

Dee/áruuwós tin baraá tsirxadaá tlaa/ér marmaar, iri baraá guruú tlaa/árí dah.

WARA'AMI 58:9

Qoomár ngiwa tsahhi'iiká ki hingeesi, adór xwaansloó laqayá' wa ale.

WARA'AMI 83:13

Mungú, inooín diyaa/eek adór teerír wa ale, adór hhaanslaá tar tlatlay nee bambaao,

AXWEESANOÓ SAGALOOA 1:27

Deelór de'ér bambaao burunda eér, nee slahh'amuhúng birinda hardáh adór bambaao, gusisiingw nee slahh'amu burna i hardihiyé',

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

ISAYA 17:11

Tam geera u ureemisa'a looár wák ale, tam i /ayuusi matlaatleedá' kwa dahaás ale, tam adoorihe balangwhúng in tawo faak, baalaadár qwanayhunge, tidá' slahh'amuuhúng kuwa baloó tse'eesiiká.

ISAYA 17:13

Xoordu i kwaaraa/iyá' adór hhaahhoó ma'aá yaariir, ala Mungú gin iigahhaat niri tlatlaahhiyá' amór saaw. Kin tlatlahhaas adór fur'a xwaansloó gawaá tlom'i ngu /imaamis, adór bambaao teeri ngi /imaamis.

ISAYA 30:33

Asma dír waawutmoó Ashuru kway da/i kaa qaroó amohhe'eés iimír aange. A baraá bohóngw yaangaariír oo bihheérí intlaáxw, oo taa ásltí slaáx ar migiruú yaariír. AAKOÓ MUNGÚ gun hiinsluwósí ufaahh kuduú adór asltá wa óh as nguwa da/i.

ISAYA 37:7

Ga/aaweek, aníng u qeeruukówí haniís, inós xuuraai gari axaas, iri baraá yaamuuwósí kii/. Inós bira hardáh ayaawós kun gaas ar paánga baraá ayaawósú kilá'.› »

ISAYA 40:7

Gitso in kát, nee /ayo in /óts, AAKOÓ MUNGÚ fur'a birnga fukuku'uús gawaadár alé. Ar tsuwa ló' muu a adór gitso.

ISAYA 41:16

Kuungá' in haritlesá' nee fur'a giri ar tleér, bambaao gari diyá/, nee kuungá' tay qwalala/á' dír AAKOÓ Munguúhúng wa aleeró. Baraá Kudá' Hhoohhoó' oo Israeliwo kuungá' tari xirfayeemisá'.

ISAYA 41:2

Heé heewí baaliliím umuú diiro gwaa da/aáwá sihhtis a heemá bar a aningeeká? Oo xooslu sleémeero gaa dabaawós í haniis, inós waawitá gun yaamií adah, guri teeri tlees ar paángarós, giri adór muundáy wá haritlees ar ga/aleerós.

YEREMIA 22:30

AAKOÓ MUNGÚ i kaahi, «Heewí kaangwí ti gooiin tawa adór heé na/aá koomaaká, a heé gaa tleehharo ga aleeslawaaká baraá hotaawose. Asma baraá xwaylarose hee i kaahh oo kitángw waawuti'iimár Daudi gu i iwiít, nee oo xoorór Yuda ga sawaawuti'iím.»

YEREMIA 23:19

Ga/aawaak, buhhtaá Aakoó Mungú naa hardihiyé', kudaá adór bambaao. Múk tlákw ngu sage slahhiyá'.

HOSEA 13:15

Inós tam i diihhe'eesi ta hhaeewose, ala AAKOÓ MUNGÚ fur'a ngi da/aá wa kwaahh ar baraá xaanxoó daahh. Kutlaay sleémeero guri kahás, hhaleeri'ín sleémeero giri /oomés. Daqaari'iimar'ín sleémeero ar afhhamít gari ar darát.

HOSEA 13:3

Gawaá adoorihe inooín tan ilaá wa qwaar adór tlaanguú matlaatle, nee adór har'ú gaanslár paáhh, nee adór muundoó fur'a ir tlatleer dír kitángw haritleemisuwo, nee adór quuír pa/ángw ar ti'imiit.

NAHUMU 1:14

AAKOÓ MUNGÚ hara'aya ngaa oó' daanduwoge, i kaahi, «Hee tumu wák oo tlahhaywók gu doók u sleeraaká. Murslaaqatuuwók kudá' taa tléhh, nee kudá' taa weeqatís, in naasúw baraá doó Munguúwók wa alé. /Antaarók an foól asma kuúng tu tlaákw.»

HAGAI 1:9

AAKOÓ MUNGÚ Aleesleemusmo i kaahi, «Muruú yaariír una haraxué', ala naxés kwa sleeré' ku ureeká, slám kuwa dír maráy hubé', án ngway ufaáhh ngway ilaahúng wa qwaareés. Asma milá? Asma dooeé' kudá' hoót baraá hhituru'uumár wa alé, amorqae umuú heewo do'ós gun /aamaa/án.

SEKARIA 7:14

Ala án inooín in diyaá/ ar bambaao baraá tla/ángw xoordaá inooín ni xuiaaká. As adoorí yaamuudá' naa geexayé' niri deewaaiyá', tam heé tla/angwdár waaraáhh iri kaahh, asma yaamuudá' sla'atimisá' kaa deewa'ameérí geexáy.»

SEKARIA 9:14

AAKOÓ MUNGÚ mukós gu harati'iit, mahaangós guri tsaxaar adór mankari, Aakoó MUNGÚ tarumbeéta gari ufaahh, inós nin hardah ar bambaaór baskú daahh.