ISAYA 40:23 - Biblía Axweesantá Hhohho' ar Mungú 2004

²³ Inós waawitá gun gáwtá wa aweeriis. Geeraharuuse gawaá daanduú yaamuwo a adór gár tawo.

ISAYA 40:23 Iomraidhean Croise

YOBU 12:19

Kaahamuuse gan máy iwa /aankwetsúr hi'iimit, nee múk /uuruú koóm guri daahh.

YOBU 12:21

Múk urén gun mureekees, Múk aleesleemuú koóm gun /uureemo hayoh.

WARA'AMI 107:40

Mungú wakuuser'ín gari waaqaqaá', gari harweertamamiís baraá xaanxoó loohi wásl.

WARA'AMI 76:12

Inós geeraharuusér uren ga daba' tsaat, nee waawituú baraá yaamu nguri da'ayuutiyá'.

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 2:12

Asma baalár AAKOÓ MUNGÚ Aleesleemusmo i hi'ít, dír mukdaádá' sleémeero sage gawdén nee oo daara/uuseero, nee daandemaá kudá' ti gáwtí tleemisá'.

ISAYA 23:9

AAKOÓ MUNGÚ Aleesleemusmo kaangwí guna qoomeés, as daara/angw'ín kudá' aa xirfuut nguwa slasla/areesi, nee mukdá' sleémeero ta ilaiwawa/i nguwa mureekeesi baraá yaamuwo.

ISAYA 34:12

Yaamuudae tari ooi, «Waawutmo i kaahh tam geeraharusmoó daadáw i kaahh.»

ISAYA 5:21

Tsaxwaaín kudá' ti múk sageeloén wa tsatsahhaamá', nee kudá' ti kilooín tsatsahhaamá' tawa múk daharuú koóm.

AMOS 2:3

Tam adoorihe aníng waawutmoó Moabu un gaás dinkwa nee geeraharuuser'ín ar hatlae. Anuú AAKOÓ MUNGÚ tí ngina oó'.»