ISAYA 40:22 - Biblía Axweesantá Hhohho' ar Mungú 2004

²² Inós yaamu sleémeero gaa harweér, múk gawaá daanduú yaamu a adór tsaxwi'i. Inós doori gina hhaáf adór inqwaari, slám giri kikií' adór heémár hota.

ISAYA 40:22 Iomraidhean Croise

IIMU/UUNGW 1:6

Mungú iri oó', «Kaandaftá gawit i tleehharut baraá tla/ángw ma'aay, as ma'aay ngiwa paratl.»

YOBU 22:14

Huunkoó bó/ guna harweér daxta i gaa ariiká, inós in gawaá doori wa hi'iimiit.›

YOBU 26:7

/Iya gana tleéhh gawaá tawórí ale, nee yaamu giri tarereé' gawaá tawo.

YOBU 36:29

Heé adoodá' huunkáy kur intlahaahan ga xuú' a heemá? Laqaá adoodá' kwarara/a ir kududuhelaliin gawaá dooriwo ga xuú' a heemá?

YOBU 37:18

Kuúng doori intlaaharo i adór inós wá aleesleéra? Nari gawduyá' adór kioo'ór taa tleéhh ar muqslár da/aten?

YOBU 9:8

Inós kilós doori gina intláh nee gwaanduú ma'aay baraá tlawto guri xasltís.

WARA'AMI 104:2

Gwa/aateema ina tsít adór hiyáy wa ale. Doori ina intlát adór inqwaarír wa ale.

WARA'AMI 18:11

Tina untsuús ar giwti, huunkoó iló' oo tluwoó koóm guna tuuntuúk.

WARA'AMI 19:4

Tam nee adoosinge afor'ín aa tsiyaayaxát umuú dii baraá yaamuwo. Axweesantaín aa hardát alhhe'eesoó yaamuwo. Mungú looa gaa do' i tleéhh gawaá dooriwo.

WARA'AMI 2:4

AAKOÓ MUNGÚ kudá' gawaá doorií wa baaliliím gi waqaseesén, nee tidá' i tlehhiitiya' gan niqimis.

WARA'AMI 29:10

AAKOÓ MUNGÚ a baalusmo tam daanduú tluwoó da/atene. AAKOÓ MUNGÚ a waawutmo ay kureeraá kureér.

WARA'AMI 68:33

Munguú doorií dirií', kuduú iimír qaro, ina ilawaáts ar afór /uuruú koom.

AXWEESANOÓ SAGALOOA 8:27

bál doori ngiwa tleéhh, aníng a deer, bál tlawi ngiwa adór gaangeeír wa alqoomeés.

ISAYA 19:1

Kaangwí a iigu'utuú Mungú aa laqán daanduú yaamaá Misriro. «Ga/aaweek, AAKOÓ MUNGÚ aa tsa/án gawaá huunkír inslaahh, i amór yaamaá Misrír káy, slaqsi'iidá' munguaá Misri niri dír geeraawós wá daaraxaatiyá', Gur'ér múk Misri ma'aay ngay dal/aná'.

ISAYA 37:16

«Aá AAKOÓ MUNGÚ Aleesleemusmo, Munguú Israeli kudá' aleesleemuú koóm daanduú keruúbiro, kuúng kilók an Mungú daanduú waawuti'iima sleémeero ar barakaá yaamu, kuúng an tleehharusmoó doori nee yaamu.

ISAYA 40:15

Ga/aawaak dirose xoordu a adór taxaatár ma'aay ar baraá sirwi. A adór teerír baraá xooslmoó tar qoomeemesi. Ga/aaweek, tam yaamaá niina awa baraá tla/ángw tlawi a adór teerír natsatsaa'.

ISAYA 40:17

Xoordu dír ilaawose a gár tawo. Inooín a muruú gaa wásl.

ISAYA 42:4

Inós i diqay tsatitiiká laqaá i munesi'iiká. Ay dír sakwasleemár ganaa' ngay gawdeesi baraá yaamuwo. Yaamaá sawen hara'ayaarós ngin daamaraná'.

ISAYA 42:5

Adoorí an adoodá' AAKOÓ MUNGÚ i kaahi, Inós an kudá' doori nee yaamu gaa tleehh giri intláh, Inós an kudá' yaamu gaa tleehh, umuúqo gár baraadá' i diriia, Kudá' múk baraá yaamu gwa hiinslií haniis, kudá' qeeruuwós gwaa haniis dír múk baraá yaamuú wa hoót.

ISAYA 44:24

AAKOÓ MUNGÚ kuduú ba/amusmoohúng, kudá' kuungá' naa baraá gur'ér amuuhúngí tleehh, i kaahi, aníng kilooeé' doori ina intláh nee yaamu ina hhaáf, qoomár ngiwa tlehhiit heé aníng iga alee/iis i kaahh.

ISAYA 51:13

AAKOÓ MUNGÚ kuduú tleehharusmoowók ugwa gunqarés, kudá' doori gaa hhaaf nee iihhafiirír yaamu gaa qaas. Kuúng kumiít de'eero umuú deélooro as buhhtaá kuduú baramaanusmo taa amohhe'ees kuúng uwa hhaamisi. Xáy, buhhtaá baramaanusmo i amá?

ISAYA 66:1

AAKOÓ MUNGÚ i kaahi, «Doori an kitangw'eé' oo waawuti'iima, nee yaamu an kitángw ya'aaeé' ngi qamiim. Xáy aníng doó kuungá' i tlehha' a doó adoomá? Xáy dír ni hungu/uus a dír adoomá?»

YEREMIA 10:12

AAKOÓ MUNGÚ yaamu gina tleéhh ar /uuruuwós, ar sagalooaarose yaamuuká' gina gawdeés, ar fuquraangose doori gina hhaáf.

SEKARIA 12:1

Kaangwí an geehhoeemaá axweesantá AAKOÓ MUNGÚ daanduú Israeli. Tí an tidá' AAKOÓ MUNGÚ kudá' doori ga hhaaf, nee iihhafirír yaamu ga qaas nee qeeruú hee gwaa baraawós i tleehh.

FAARO 13:33

Baraadae atén múk dirén una araán, kuduú xwaylár Anaki. Nee atén dir'ine a adór tsaxw'i, adoorí an adór inooín atén tir ga/aya' sleeme.»