ISAYA 40:19 - Biblía Axweesantá Hhohho' ar Mungú 2004

¹⁹ Inós nee slaqsi'iidaá mungui taa dakuút ti slay'aaká. Slaqsaydá' taa sliík ar sahaábu nee tlaatlawtá taa muqslír /awaákár tleéhh.

ISAYA 40:19 Iomraidhean Croise

WARA'AMI 135:15

Munguaá xoordu kina tleéhh ar peésa nee sahaábu, inooín a gadiyér dabaá muu.

WARA'AMI 135:18

Kudá' munguikaá lama ngi tlehhiitá' a slaqmís nee inooín, nee umuúqo heé gi harahhifa sleeme.

ISAYA 2:20

Baalaadae umuúqo heewo munguiiwós kudaá murslaaqat gi kwaahh, amór kuti nee hhampararama', kuduú peésa nee oo sahaábuwo. Kudaádá' naa tleehhiyé', as nguwa sluufmisiya'.

ISAYA 2:8

Yaamuuín naa hatsiyé' munguaá murslaaqatuuwo, gár i sluufmisiya' a gadiyér dabaaín, muruú taa tlehhiít ar ditsaá kilá'.

ISAYA 30:22

Kuungá' munguiihúng kudaá murslaaqat kudá' taa qaaliindé' ar peésa, nee kudá' taa qaaliindé' ar sahaábu kuri siá', kuri amór saáwí kwahhá' adór gár ta waki, kuri beera', «Tsumumu'uút.»

YEREMIA 10:9

Slaqsi'ii'ín kuká' kina parootuús ar peésár Tarshishír daahh, kina parootuús ar sahaábuú Ufasír daáhh. Gaarí an gadiyér kareeruú kwahho ga xuú', nee múk sahaábuú kwahhuút. Kaa tlabaá sirbó/ií dahaás nee awa sirda/aten, kudá' taa tleéhh ar daba'.

DANIELI 5:4

Difaái ngina xufiyé' amooqae i munguaá hatlá' xirfayemisiyá', kudá' taa tleéhh ar sahaábu nee peésa nee ar muqslár sirda/aten, nee muqsla nee xaai nee tlaa/e.

HOSEA 8:6

Asma baraá Israeliwo múk dakór baál i deer, inooín dama ngina tleehhiyé' ala a munguheeká baloó ale. Ala damarír Samaria ka suwawaa'.

HAR'OHUUSE 17:4

Mika peésaadá' ngiwa ki/ís dír aayoorós, aayo peésár tsiire tsár gana hanís dír kareeramo as murslaaqat nguwa tleehhi. Murslaaqatuuwí kuri qaás baraá doó Mika.