ISAYA 40:18 - Biblía Axweesantá Hhohho' ar Mungú 2004

¹⁸ Xáy, Mungú nee heemá ki slaqamisi? Xáy heé kur qoomes a heemá?

ISAYA 40:18 Iomraidhean Croise

YOBU 40:9

Ahaá kuúng /uuruú adór kwe'eé' kwí uqo koónda? Afoorók kawa adór te'eé' wá kududuhus a asleéra?

WARA'AMI 113:5

AAKOÓ Munguúrén heé kur qoomeesi a heemá? Inós aa iwiít gawaá kitángw saáw gawaá doori,

WARA'AMI 89:6

Xáy, a heemá heé nee AAKOÓ MUNGÚ qoomá' gawaá dooriwo? I kaahh tam oo wák baraá dooriwo oo nee kuúng qoomá'.

WARA'AMI 89:7

Mungú ku da'ayuumiit didaádár tlahhoó hhoohhooe. Ku úr nee ku ló'wa ilaiwawaa/ ta kudá' ngwa harweerii'i.

WARA'AMI 89:8

AAKOÓ MUNGÚ Aleesleemusámo, a heemá oo /uuruú koóm adór kuúng wa ale? Kuúng a inkihhimuú koón dír umuú gaaro.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

TI'INAANGW 20:4

«Miti kilók slaqsa'aá munguaá hatlá' i tleehhaar, awa slaqás nee gár gawaá doorí dirii', tam slaqsoó gár baraá yaamu, laqaá tam slaqsoó gár baraá ma'aay.

TI'INAANGW 8:10

Farao iri oó', «A matlo.» Mose iri oó', «A adoosíng kara ó'. Masók kuúng a xú' adór oo nee AAKOÓ MUNGÚ Munguúrén alqoomá' ir kaáhh.

TI'INAANGW 9:14

Asma qoomaarihe kuúng muxtar'eé' sleémeero u sleér, nee geeraharuuse nee mukók sleémeero, as kahhó' kawa tsahh adór oo nee aníng slaqmís ir kaáhh baraá yaamu sleémeero.

ISAYA 40:25

Kudá' Hhoohhoó' i kaahi, Xáy, heé ta aníngár qoomesa' a heemá? Xáy, heé adór aníng i deéro?

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

ISAYA 46:5

Kuungá' aníng heé ir slaqmisa' a heemá tari slaqmís nee inós. Nee heé ir alqoomesa' a heemá tari slaqmís nee inós.

ISAYA 46:9

Muruudá' aáng aa tleehharuut inslawaak. Asma aníng a Mungú, Munguú hatlá' i kaahh. Aníng a Mungú, Munguú adór aníng i kaahh.

YEREMIA 10:1

Kuungá' múk Israeli, axweesantá AAKOÓ MUNGÚ ni dirhúng i kaahi iiárií qaasaak.

YEREMIA 10:16

Ala Munguú Yakobo a adór slaqsi'iikaeeká, asma inós umuú gaaro gana tleéhh, nee múk Israeli guna tsawaár tawa xooroorós. Umuuwós an AAKOÓ MUNGÚ Aleesleemusmo.

YEREMIA 10:6

Aá AAKOÓ MUNGÚ, oo adór kuúng i kaahh tumu wák, kuúng tu úr, umuuwók i /uuruú kón.

MIKA 7:18

Munguú adór kuúng i deéro? Asma kuúng tlakweemaá mukók kudá' aa meet in gurtleér, nee dakuúsar'ín an hingeemís. Kuúng buhhtaawós i alkomkakondaaká deelo sleémeerowo. Ala gár ta ló'wa sla' a sla'aarír warqawaaká,

Tlehhema'aá ya/Abuuse 17:29

Ala atén barnaxes a na/aá Mungú, a hariímarooká atén tawa kaahaan Mungú a slaqás nee sahaábu, laqaá peésa, laqaá tlaa/ano. Asma muruuwí a muruú taa tleéhh ar aleesleemuú muu nee sagalooa.

DABE 33:26

Munguú adór Munguú Yeshuruni i kaahh. Inós nina gawaá doorí wa aweér uri alee/iisár áy, nee inós i gáwtá wa hi'iimiit ar xirfuuwós oo yaariír.

DABE 4:15

«Gawaá adoorihe, ti harmagahhe', ma gunqarutara' baldá' AAKOÓ MUNGÚ iwa axweés nee kuungá' didár tloomár Horebúr wa ale baraá tla/ángw asla, kuungá' ugwa aandi'iiká adór i dirii'i. Gawaá adoorihe ti ló'wa harmagahhe'.

Kolosai 1:15

Kristo an slaqsoó geehhoó' oo Munguúdá' geehhooeeká. Inós an na/oó baris dír Munguhe baraá mura' sleémeero kudá' taa tleehhi.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.