ISAYA 40:10 - Biblía Axweesantá Hhohho' ar Mungú 2004

¹⁰ Ga/aaweek, Aakoó MUNGÚ ni hi'iit ar /uuruuwós, ar /uuruuwoosuú kilae in waawuti'ín. Mukdá' aa sláy tawa slaqweerós, i dinkwa nee inós. Mukdá' aa baraá slaqwarár wa sláy as iwa baalín, i geeraawós wá hi'iit.

ISAYA 40:10 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

WARA'AMI 110:6

Xoordu gi sakwasleemuut, nee múk yaariír kway tsuu/. Geeraharuuse gan qwaarees, umuúqo dír i diriia baraá yaamuwo.

WARA'AMI 66:3

Mungú bawaak, «Tlehhmi'iiwók iwa dae tlaaqiya' a adór milá? Asma /uuruuwók ku úr, wakuuseerók ni hardát, tiri dír geeraawógií niinaweemís.

ISAYA 28:2

Ga/aawak, Aako heewós oo migusmo, nee oo /uuruú koóm gwaa sláy, inós i hhaamimiis adór tluwoó tlaa/e nee oo duki, a adór tluwoó duki oo yaariír nee alwuo. Inós kuungá' nun yaamúr tsataat ar xarasleema.

ISAYA 33:2

Aá AAKOÓ MUNGÚ, atén ti gurtleer, asma atén kuúng una harahhifaán, kuúng masók a baqmoórén umuú looár tlawa, nee masók an ba/amusmoorén qoomár slahha'amko.

ISAYA 49:4

Ala aníng niri oó', «Gadiyér tawo aga tleéhh, /uuruueé' ugwa tawo qwaareés. Tam adoorihe looeemaawo gan'amueé' amór AAKOÓ MUNGÚ ngin daahh, nee slaqwer'eé' i dír Munguúeé'.»

ISAYA 51:5

Ba/amar'eé' ni gaanslár hardát. Ba/amaadá' naa huúw ka geehhoo'. Dakw'eé' muu gu sawaawuti'ín. Kuungá' hhapeemaá sawen daamaré', /uuruueé' na harahhifaak.

ISAYA 53:12

Gawaá adoorihe inós nee múk urén in al'iwitiís. Inós nee mukdá' /uureemaá koóm haasaáng ngun alqasimiisiyá'. Asma inós slafiingós guna haniís, kuri harafaár nee múk tlakuuse. Tam adoorihe tlakweemaá múk yaariír gina gagaár. Nee tlakuuse gari aleefiriirín.

ISAYA 59:15

Looeema naa qwaariyé', kudá' tlekweemaá tlehhitaaká hotaawós i baraá tsaxwa. AAKOÓ MUNGÚ adoorí gari ár, guri buhhtís. Adoorí guri buhhtís asma sakwasleemár ganaa' i káhh.

ISAYA 59:16

Inós heé aa ár tumu wák i kaahh, iri waa/oó/ asma heé aa alee/isoó ay i kaahh. Naagáy inósuú kilá' dakós gway gáwtí tleés. Inós kuri tliwií/ nee gan'amuuwós.

ISAYA 59:18

Wakuuse ga muux har afiqoomoó tlehhmi'ii'ín. Buhhtaawós nee li/aywo gin buu' gawaá wakuuseerós, tam múk ayeemaá afaá tlawi sleeme gun muux.

ISAYA 62:11

Ga/aawaak, AAKOÓ MUNGÚ kaangwí gwaa alki/iít ay ku/uyaá yaamu, múk Siyoni bawaak, «Ga/aawaak, ba/amusmoohúng naa hardáh. Nee qeemuuwós gu kón, bu'utuwós i dír geeraawós.»

ISAYA 63:5

Ana qaytsiít naxés heé aníng iga alee/iis i kaahh, ana waa/oó/ asma heé aníng iga tuu/ i kaahh, aluuwo arba/atir'eé' ana dakw'eénuú kilár sláw, nee buhhtaaeé' ina alee/isiyé'.

YEREMIA 31:16

AAKOÓ MUNGÚ i kaahi, «Daxta /aa/e maweek, hhirhheeriiwók fiitseek, asma bu'utu u sleér daanduú gadiyeéroge. Na/iihúng ni watliyá' baraá yaamuudá' saaw awa wakuuserhunge.

MALAKI 3:1

AAKOÓ MUNGÚ Aleesleemusmo i kaahi, «Ga/aawaak, ya/abusmooeé' u ya/aáw, inós loohi gan amohhe'ees geeraaeé' wa alé. Aakoodá' ta leelehhita' in hardah baraá Do'ós i alé ar gaanslaay. Qaytsité', ya/abusmo kudá' ta daamaraandá' ar qwal/amaaye, ni hardah, as alqador'eé' ngiwa alki/iiti.»

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Yohana 12:13

Haleemaá slaansla kiri taataáhh, tari tsee/ií ti'iít as kuwa al'ay. Tari tsimahhuús ar afór ur, ta kaahi, «Hosana, i xirfuuti kudá' hardáh ar umuú Aako, Waawutmoó múk Israeli.»

Yohana 12:15

«Múk gixsár Siyoni, ma da'ayumiitaara', Qaytsité', waawutmoohúng naa hardáh, aa tsa/án gawaá daanduú gwarendmoó daqwaay.»

Ebrania 2:14

Na/ii tseerer'ín a wak, nee slaqwtaín a wak. Gawaá adoorihe Yesu sleeme muruuwí guna sláy adór inooín wa ale. Adoorí gana tleéhh as gwa'ara ngiwa slay. Asma ar loohír gwa'araarose inós gár i slai a /uuruú Neetlaangw nguwa hhitin, kudá' úr oo gwa'ara.

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.

Geehhoeemaá 17:14

Inooínaká' ta slaaqw nee Deelmoó bee/i. Ala Deelmoó bee/i inooín gi ar baa/, asma inós a Aakoó bariise, nee slám inós a Waawutmoó waawitá. Nee mukós kudá' taa ateét nee oo taa tsawaár nee oo inkihhím, inooín baali ngi slayá' dinkwa nee inós.»

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.

Geehhoeemaá 22:12

«Ga/aaweek, aníng ni hardáh ar gaanslaay, nee slaqwer'eé' i dinkwa nee aníng, as umuúqo heewo nguwa buu' ar adoodá' tlehhmi'iiwós i dirii'iya'.