ISAYA 40:1 - Biblía Axweesantá Hhohho' ar Mungú 2004

¹ Munguúhúng i kaahi, «Muk'eé' gurkwa/asak, inooín gurkwa/asak.

ISAYA 40:1 Iomraidhean Croise

NEHEMIA 8:10

Naagáy inooín giri báy, «Tlawsé', muruú wahhaár /ayaak, nee muruú nuqnuúq wahaak, slám kudá' taa gár i amohhe'esiiká tós huwaak, asma baalaarír laarí ka hhoohhoo' ar Aakoorén, ma gurhamutaara', asma qwal/uú AAKOÓ MUNGÚ ni haniisi a /uuruuhúng.»

WARA'AMI 85:3

Buhhtaawók sleémeero iga ilá/, mune sleémeero aga gú/.

WARA'AMI 85:8

Aníng masók a axaás adór AAKOÓ MUNGÚ i ooi. Asma wayda gu oo' dír mukós i ale, dír mukós kudá' hhohhó', kudá' naa warqaye' amoorós.

DAHARUSMO 3:4

Qoomár /aa/e nee qoomár qaseengw. Qoomár tsuunqumis nee qoomár neeto.

ISAYA 12:1

Baalaadae kuúng an o', «AAKOÓ MUNGÚ án kuúng u sluufmiís, asma tam geeraawo aníng iga i buuhhi, buhhtaawók iga meér, nee aníng iga gurkwa/ás.

ISAYA 3:10

Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

ISAYA 41:27

Anuú AAKOÓ MUNGÚ adoorí ana geerií oó' dír Siyoni, sleeme kaangwí hhó' nguri huúw dír Yerusalemu.

ISAYA 50:10

Baraá tla/angwhunge heé AAKOÓ MUNGÚ gu ilaiwawaá/ i deéro, nee oo afór sagadiyusmoowós ga iialooeemiís, kudá' baraá giwtír wa hi'iimiít nee gwa/aateemaá koomaaká, tam adoorihe haandá' umuú AAKOÓ MUNGÚ gun harahhifiit nee Munguúwós guri haratlintatii'?

ISAYA 51:12

AAKOÓ MUNGÚ i kaahi, «Aníng a kudá' kuúng u gurkwa/ás. Ahaá waáy gár heé gwaá' kus da'ayuumit Heé qo ilaá wa qwaár adór gitso?

ISAYA 51:3

Asma AAKOÓ MUNGÚ Siyoni ga gurkwa/as, wa/angwdá' sleémeero a hhiturumiit un amohhe'eés. Darmuuwós un adór Edeni tleéhh, xaanxaywós un adór asalmoó AAKOÓ MUNGÚ tleéhh, qwala/ nee bara/uuwo niri deerutiyá' baraawose sluufaay nee afór daa'aangw kari baraawósí axaas.

ISAYA 52:9

Taangwaá yaamaá Yerusalemu daaé', asma AAKOÓ MUNGÚ mukós gwaa gurkwa/ás inós Yerusalemu gaa gweér.

ISAYA 60:1

Tlawáng, gwa/aát, asma gwa/aateemaawók naa hardihiyé', nee xirfuú AAKOÓ MUNGÚ ugwa i gwa/aát.

ISAYA 61:2

Nee kurkú gurtleemuú AAKOÓ MUNGÚ nguwa oo', nee deelór li/aay bua oo Munguúrén, nee kudá' tsuunqumisá' sleémeero ngiwa gurkwa/as.

ESEKIELI 16:42

Daqaní muner'eé' aga daanduuwók i faák, da/tadá' daanduuwoge ni koom aga faák, niri xasliít niri malé buhhaaká daanduuwoge.

SEKARIA 1:13

AAKOÓ MUNGÚ malaykamoodá nguri mu/aywaáts ar axweesanoó tsuú' nee oo gurkwa/amís.

SEKARIA 1:17

Malaykamoodá' iri báy, «Ya/abtorír hatlá' waahheek, AAKOÓ MUNGÚ Aleesleemusmo i kaahi, ‹Gixsaduueé' niri diihhe'eesiyá'. Anuú AAKOÓ MUNGÚ gixsár Siyoni ngiri gurkwa/ás.› »

SEKARIA 9:9

Kuungaá múk gixsár Siyoni qwalaala/é', kuungaá múk gixsár Yerusalemu baraa/é'. Ga/aawaak waawutmoohúng ni amorhúng i hardah, nin hardah ar bara/ nee arba/ati, ku tsatsa'aár, aa tsa/án gawaá daqwaay, gawaá gwarendmoó daqwaay, na/oó daqwaay.

2 korinto 1:4

Inós atén tin gurkwa/amis baraá slahh'amuurén sleémeerowo, as kahhó' atén múk hatlá' nguwa gurkwa/asan baraá slahh'amuuine, ar gurkwa/amisuudaádá' atén tira gurkwa/amís nee Mungú.

1 Tesalonike 4:18

Gawaá adoorihe kuungá' ti kiloohúng gurkwa/amise' ar /aymi'iiká'.