ISAYA 4:5 - Biblía Axweesantá Hhohho' ar Mungú 2004

⁵ Aluuwo umuúqo diiro gawaá tloomár Siyoniro, nee wa/aamér dinku'uumár muko, qoomár tlaatla/ango AAKOÓ MUNGÚ gan huunkár tuuntuuk, nee xweeraawo gan tuuntuuk ar quui nee tsángw asla oo gwa/aát. Tam adoorihe xirfuú AAKOÓ MUNGÚ gixsa sleémeero gan tuuntuuk ar heémaarós, nee gari de'én.

ISAYA 4:5 Iomraidhean Croise

NEHEMIA 9:12

tlaatla/aango ina geerahát ar uhmoó huunki nee xweeraawo ina geerahát ar uhmoó asla, as loohír tar oohi kawa gwa/aatis.

WARA'AMI 105:39

Mungú mukós guna tuuntuúk ar huunkáy, nee asla xweeraawo giri i gwa/át.

WARA'AMI 111:1

AAKOÓ MUNGÚ xirfayeemisaak! AAKOÓ MUNGÚ un sluufmiís ar muunaáeé' sleémeero. An haragwaá' dír múk slafingw'ín hhohhó' baraá alqaatír wa ale.

WARA'AMI 78:14

Tlaatla/aango giri geerahaár ar huunki, nee xweera sleémeero ar gwa/aateemaá adór asla.

WARA'AMI 85:9

Ar ló', ba/amarós ka tseew dír mukdá' inós gu ilaiwawaá/, xirif i gawaá yaamuurén wa hooti.

WARA'AMI 89:7

Mungú ku da'ayuumiit didaádár tlahhoó hhoohhooe. Ku úr nee ku ló'wa ilaiwawaa/ ta kudá' ngwa harweerii'i.

TI'INAANGW 14:24

Nee qoomár ságw looaaro AAKOÓ MUNGÚ slaqwaruusér Misri gari i qaytsiít ar gawaá uhumooduú asla, nee oo huunki, slaqwaruusér Misri gari amoqwaareés.

TI'INAANGW 24:16

Xirfuú AAKOÓ MUNGÚ iri aweér gawaá tloomár Sinai, tlooma kari qiptís nee huunkáy ay deelo lahhoó'. Bál faanqwe Mungú Mose guri ateét baraá huunkáydá' wa alé.

TI'INAANGW 26:1

«Heémár Mungú tleehheek ar inqwaruú mibaangw oo taa tleéhh ar kitaánír hhohho', nee neewór se'éngw bee/aangw ar kaloó sirboó/ nee oo sirda/atén nee oo da/atén. Inqwaruuwí kuri parootús ar slaqsa'aá keruúbi nee heé tleehhamooro gi baál.

TI'INAANGW 26:7

«Kuúng tuuntukmár heéma tleehheek ar inqwaruú mibaá nee wak oo taa tleéhh ar se'éngw aara.

ISAYA 32:18

Muk'eé' iri hoot ar wayda, nin hootiyá' ar amohhooa nee ar yaanda hhe'eesa.

ISAYA 33:20

Gixsár Siyoni i qaytaak tidá' deeloorén ar ur kawa tleehhaán gixsár Yerusalemu xuxuaak yaamaá na xasliitiye' nee heemaduwós ki gawden, Kaaka/amaawós ki baloó tu/iiká nee him'eerós ka baloó tlaaqiiká.

ISAYA 37:35

Asma aníng gixsarí an xuúm nee an ba/amís daanduueé' wá ale, nee as daanduú sagadiyusmooeé' Daudi.› »

ISAYA 46:13

Deelór nuwa ba/amis ngi tseeweés. Ka saweeká. Deelór nuwa ba/amis i tligká. Gixsár Siyoni an ba/amís as múk Israeli kuduú xirfuueé'.»

ISAYA 60:1

Tlawáng, gwa/aát, asma gwa/aateemaawók naa hardihiyé', nee xirfuú AAKOÓ MUNGÚ ugwa i gwa/aát.

ISAYA 60:2

Asma ga/aawaak daanduú yaamu ku tuuntuuk nee giwti. Ma/amír hhamhhám muu gu tuuntúk. Ala kiíng gwa/aateemaá AAKOÓ MUNGÚ i i gwa/aatiyá', xirfuuwós ku ar diroge.

Matayo 18:20

Asma dír múk tsár laqaá tám i dirii'i, barnaxes taa burumburiít ar baraá umuueé', aníng a baraá tla/angw'ín i dirií'.»

Matayo 28:20

Muruudá' sleémeero naa kuungií intsaahhatimís, dir'ínií intsaahhatisak ku oohi. Ga/aawaak aníng a dinkwa nee kuungá' deelo sleémeero ay alhhe'eesoó yaamu.»