ISAYA 4:4 - Biblía Axweesantá Hhohho' ar Mungú 2004

⁴ Qoomaadae Aako slasla/aruú /ameenár Siyoni nee tseerér Yerusalemu gun hhoohhooees ar qeeruú gi sakwasleemuút nee oo gi da/a/aám ar asla.

ISAYA 4:4 Iomraidhean Croise

WARA'AMI 51:2

Iringér'eene hamaatla hhe'eesáng. Tlakweemaeene hhehhe'eesáng, án hhoohhooeesáng.

DAA'AANGW 3:11

Áx gimsé', qwalaasé', kuungá' awa /ameenár Siyoni! Waawutmo Solomon qaytár awaare'! Slamángw aayoorós aa tléhh ngwa dahaás bál deelór duuxoorose, deelór muunaáwós qwal/uwo iwa haáts.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 1:25

Aníng dakw'eé' un gawaahúng i tleés, Aníng /o/oduuwók in hheehhe'eés, nee slasla/aruuwók sleémeero u hingeés.

ISAYA 1:31

Múk /uuremaá koóm iri adór kataánír kaaharen tleehhiit, nee tlehhmi'ii'ín tari adór tsitór asla. Inooín nee tlehhmi'ii'ine asla gin dinkwaárí fák, heé gaasaro ga aleesláw i kaahh.

ISAYA 27:9

Gawaá adoorihe, adoorí an adór tlakweemaá múk Yakobo kir fiitsi, tlehhmuuwí in bu'uut tlakweemaaín hingeesaro, qoomár tlaa/e sleémeero awa kiteeraá ilahhooa birka naasúy, adór nee Munguúduú Ashera nee kiteeraá ilahhooár mooyángw koom kawa hanmiisi birka suqúy.

ISAYA 28:6

Dír mukdá' kwasleemadaá tlaaqa, inós in qeeru tleehhiit oo kwasleemár ganaa', iri /uuru tleehhiit dír mukdá' gixsár xuuma.

ISAYA 9:19

Ar buhhtaá AAKOÓ MUNGÚ Aleesleemusmoowo, yaamu kaa daá/ ar asla, nee muu a adór migiruú asla kar oohisi. Tam heé hhiyaawós gu gurtlatláw i kaahh.

ISAYA 9:5

Asma xooslaá slaqwara sleémeero awa hee i kon qoomár slaqwaraaro, nee tlabaá taa baraá tseereérár tiloók, kaa amohhe'eés kiwa hhaamisi, i migír tleehhitiyá' oo ta ásltár oohisi.

YEREMIA 9:6

AAKOÓ MUNGÚ Aleesleemusmo i kaahi, «Inooín /ayta ngin daanduú tiqií qaminá', nee al/ayma ngin daanduú tiqá' wa dogiitiyá'. Aníng iga si'iyé' xu'utiro. Anuú AAKOÓ MUNGÚ tí ngina oó'.»

WA/AA/I 1:9

Slasla/aruuwós ku geehhoó', ala inós qwanaywós gu hhaslitká, gawaá adoorihe, huuamaawós ki ló'wa slasla/aar, heé gaa gurkwa/as i kaahh, inós i kat, «Kuúng AAKOÓ MUNGÚ, slahh'amuueé' i qayteek, asma wakuuser'eé' iga bál!»

ESEKIELI 22:15

Aníng kiíng i tlatlahhaás baraá xoordu sleémeero, nee iri kwakwaáhh baraá yaamaá xoordaá hatlá' i aleeró. Slasla/aruudá' baraawók i dirií' un qwaareés.

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

ESEKIELI 36:29

Aníng kuungá' nun ba/amís baraá slasla/aruhúng sleémeerowo. Aníng balangwhúng ngu hamareés, tam giyeé ni baloó tleeraaká.

Yoeli 3:21

Aníng kudá' tseerdaá múk Yuda ngaa ku'usiye', in li/áy buú', slám kudá' naa dakuusiye' i mawaaká. Anuú AAKOÓ MUNGÚ an Siyonír hoót.»

SEFANIA 3:1

Gixsár Yerusalemu, a tsaxwaawók. Asma a gixsár aa dee/aanut, mukós aa hhitirumiít tlakweemawo nee geeraharuuseerós muu gun /aytiín.

SEKARIA 13:1

«Baalaadár kilae múk doó Daudi nee yaamuloouusér Yerusalemu kin kutltá ma'aáy gweer ar tlakweema nee ar slasla/aremaá umuu adooro gi hamaatl.»

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

MALAKI 4:1

AAKOÓ MUNGÚ Aleesleemusmo i kaahi, «Asma qaytsité', baalaadá' ni hardát, i ót adór asltá gufteeri. Nee muu sleémeero kudá' sagegawdén, nee kudá' sleémeero tlehhimi'idá' tlakw tlehhaahhitá', nin muundáy tleehhitiyá'. Nee baalaadá' hardah gin qwaarés ar asla. Gár i meetis i káhh, halmi nee dee/armowo.

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.