ISAYA 4:3 - Biblía Axweesantá Hhohho' ar Mungú 2004

³ Slám panaydá' aa Siyónírí meet nee kudá' taa geexáy baraá Yerusalemu, kin bay, «Múk hhohhó' oo Mungú.» Kuká' an kudá' taa gooín baraá kitaábuuwós tawa múk baraá Yerusalemúr wa hoót.

ISAYA 4:3 Iomraidhean Croise

WARA'AMI 69:28

Xaa fiitseek baraá kitaábuú slafiingo, tam mikiwa gooín dinkwa nee múk hota ganaá'.

WARA'AMI 87:6

AAKOÓ MUNGÚ gi faar, qoomár bar xoordu ngi gooín iri ooi, «Kwí kuna baraadá' i laqwaál.»

ISAYA 1:27

Siyoni ka gweer ar sakwasleemár ganaa', nee mukós kudá' aa hhu'uu'un kun gweer ar hotaá ganaa'á'.

ISAYA 28:5

Baalaadae AAKOÓ MUNGÚ Aleesleemusmo in slamángw xirif tleehhiit, iri adór slamángw hhoohhoó' tleehhiit dír mukós kudá' aa meeti.

ISAYA 35:8

Loohír ur baraadae i deer, inós ka bay «Loohír hhoohhoo'.» Múk daba' tlákw loohidá' ga kala/iiká, ala aqo har múk Mungú kilooín. Inooín tam ki iimi bo/e ala i qwaariiaaká baraá loohidae.

ISAYA 46:3

Aá xwaylár Yakobo aníng iiárií qaasaaré', Iiárií qaasaaré' panoó doó Israeli aníng nuna amohhe'eemiís iimír tunduwa laqwaál, nuna loohamaamiís iimír tawa baraá guruú aayo.

ISAYA 52:1

Tlawáng, tlawáng, kiíng gixsár Siyoni /uuru slaweek, Kiíng Yerusalemu, gixsár hhoohhoo', tlabaawók awa hhohho' dahaaseek. Heé ta hhehhe'eesiiká laqaá oo slasla/aár amoorók ngi kayká.

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 62:12

Kuungá' tunduri bay, «Múk hhohhó' oo Mungú, Múk AAKOÓ MUNGÚ aa gweér.» Kiíng Yerusalemu tiri bay, «Gixsár taa leeleéhh, Gixsár ta baloó geexayká.»

ESEKIELI 13:9

Aníng kuungá' nu alwarqáw muxtaaro, kuungaákaá aaruusér iigu'utuú lamtá ara'ará', nee aarír kudá' al/aymár kaahá'. Kuungá' a burumburita'aaká dír dinku'uumár muk'eene, laqaá tundu harafariiká baraá múk Israeliwo, laqaá sleeme a dat'aaká baraá yaamaá Israeli. Daqaní adoorihe kuungá' a tsahhá' adór aníng tar Aakoó MUNGÚ.

ESEKIELI 43:12

Ga/aaweek, dabér AAKOÓ MUNGÚ adór i diri' a adoorí: Yaamuudá' sleémeero Doó Mungú ngwa harweeriye' gawaá sagér tlom'i masók a yaamaá ló'wa hhoohhoo'. Adoorí an adór dabér Doó Mungú i diri'.»

Yoeli 3:17

«Gawaá adoorihe kuungá' múk Israeli kay tsahhá' adór aníng AAKOÓ MUNGÚ tar Munguúhúng, oo baraá Siyonír hoót, tloomar'eé' ar hhoohhoo'. Yerusalemu iri hhoohhouúr, tam dahaayér waaraahh i baloó baraawós i datká.»

OBADIA 1:17

Ala gawaá tloomár Siyoniro múk ba/ám i deer, tloomarí tari tloomar'eé' ar hhoohhoo'. Nee múk doó Yakobo aalir'ín kari male inkii/.

SEKARIA 14:2

Asma xoordu sleémeero in burumbuúr as niwa slaqwarár aya' amór gixsár Yerusalemu, nee gixsa kari hayoh, nee maraywo, nee /ameena kari ohín ar /uuru, nee tlaqtá múk gixsa kanar tláy baraá lawaali'iima, ala mukdá' aa meet baraá gixsa ku ar tlayká.

MALAKI 3:16

Naxés kudá' AAKOÓ MUNGÚ ngu ilaiwawa/á', nina kilooín axweesiyé'. AAKOÓ MUNGÚ iia gana qaás, iri axaás, kitaábuú inslaslaangw kway gooín dír geeraawós wa alé, as daanduú kudá' AAKOÓ MUNGÚ ngu ilaiwawa/á' nee umuuwós ngu aldakuutá'.

Luka 10:20

Ala ma qwalaala/aara' as adoodá' neetlaame nuwa ilaiwaawa/. Ala na qwalaala/é' as umerhúng kawa gooín gawaá dooriiwo.»

Tlehhema'aá ya/Abuuse 13:48

Qoomár múk xoordu adoorí ngiwa axaás, tari qwalaá/, axweesantá Aako kari xirfayeemiís. Múk yaariír iri haratlintií'. An kudá' sleémeero Mungú aa tsawaár ngiwa slafíngw alhhe'eesay wásl i haniisi.

Rumi 11:4

Ala Mungú gár inós ngwa báy a milá? Guna báy, «Aníng múk kumér faanqw u koóm tam hamí oo Ba'ali gwa i tumbarara'atiiká.»

Rumi 11:5

Adoorí an adór hám ta i diriiaan qoomaarihe. Tam hamí múk niiná i deer oo aa meet, kudá' Mungú aa tsawaár as gurtleemuuwós.

Efeso 1:4

Inós iimír yaamu ngiwa tleehhiiká, atén tina qaroó tsawaár ar baraá Kristo, as tawa múk taa hhoohhooeés oo xaslxaanslír koomaaká dír geeraawose asma sla'aarirós.

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

Kolosai 3:12

Kuungá' a múk Mungú aa tsawaár, mukós oo hhohó' oo i slai. Gawaá adoorihe muunuú gurtleemu koomaak, nee hhooeema, ti kiloohúng niinaweemise', nee tsatsaa'areema koomaak, nee qiqtliingw.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

1 Petro 2:9

Ala kuungá' a xoorór taa tsawaár, kaahamuusér waawuti'iimár Mungú, xoorór hhoohhoo', xooroodá' Mungú aa tós tleéhh, as kuungá' tlehhemi'iiwós kudá' xirfayen kiwa alki/ita', kudá' inós aa tleéhh. Inós kuungá' nuna ateét baraá giwtír wa ale, nuri dahaás baraá gwa/aateemaawós kudá' waa/oo/amór koomá'.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 17:8

Makiito'oodá' taa aán inós geeraawo i deer, ala hamí i káhh. Nee inós i ti'ít baraá bohongwdá' aa tsarere'eét wa ale, nee iri tleér amór qwanaay. Nee múk baraá yaamuú wa hoót, kwí umer'ín taa gooinká baraá kitaábuú slafiingw iimír yaamu kiwa tleehhiiká, inooín ta waa/oo/ qoomár makiito'oodá' bar kaa ár. Asma makiito'oorí geeraawo i deer, ala hamí i káhh, nee aluuwo i hardát.

Geehhoeemaá 20:15

Nee umuúqo heewo oo umuuwós taa gooiniká baraá kitaábuuduú slafiingo, kuri kwaáhh baraá tlawtadá' asla iwa ohahiin.

Geehhoeemaá 21:27

Ala gár slasla/aar ar baraadá' i dah i káhh. Nee slám heé muruú slasla/arén tlehhahhiít, nee heé lamusmoowo i dahiaaká baraadae. Ala múk baraadá' i dáh, a kudá' kilós umer'ín taa gooín baraá kitaábuuduú slafiingw oo Deelmoó bee/i.

Geehhoeemaá 3:5

Heedaádá' arba/ati gaa slay, inós ku tlabaá awák i dahaas, nee umuuwós u baloó fiitsaaká baraá kitaábuuduú slafiingo. Nee slám aníng umuuwós un ya/aám dír geeraá Baabuúeene nee dír geeraá malaykeerós adór inós tar kwe'eé'.