ISAYA 4:2 - Biblía Axweesantá Hhohho' ar Mungú 2004

² Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 4:2 Iomraidhean Croise

WARA'AMI 67:6

Yaamu bu'uungw ngwa hamaaresiyé', AAKOÓ MUNGÚ, Munguúrén, taa tsuúq.

WARA'AMI 72:16

Balángw yaariír i hamaari baraá yaamuwo, ay gawaá tlom'i, bu'uungw /ar'i ngi lalay, mamuuwós ta adór kuqaá yaamaá Lebanoni, nee múk baraá gixsa i tlahhi adoodár gitso ir slu/ubibiin baraá yaamuwo.

TI'INAANGW 28:2

Kuúng daqaní hhiyaawók Aroni ku tlabaá hhohhó' i tléhh, kahhó' bar ku ga/áy tawa heé xiríf nee oo hhoohhoó'.

ISAYA 11:4

Ala ar gan'amuuwo narkuute gan sakwasleemuut, inós kudá' tsaén awa yaamu gi kasi tsaat ar adór qoom, nee inós muu gu slaahh ar /aymuú afkós, tlakuuse gan tsuu/ ar hinsluú afkós.

ISAYA 26:1

Baalaadae daa'angwí ku daa' baraá yaamaá Yudawo, atén gixsár gawit a koomaán, Mungú ba/ama ngin atén ar harwediit adór koo/i.

ISAYA 27:6

De'emaá hi'iita'a xwaylár Yakobo dee/ár gu síhh, múk Israeli iri /ayuus, nee iri harmaa/, mamuuín yaamu sleémeero ngiri niiqiyá'.

ISAYA 30:23

Mungú tluwaay nguri haniis oo kuungá' tar dahasiinda', balaangw kuri sleerá' oo tindi hamareesi nee yaamu, balángw yaariír nee oo bu'uút. Baalaadae hikwaahúng sleeme qawór yaariir ngi slayá'.

ISAYA 45:8

Kuungaá doóri, gáwtá wá tluwaaré' huunkáy hotaá ganaa'á' ngi paahhamiisi, yaamu i gweeritiye' ba/ama ngi huwiye' nee hotaá ganaa'á' ngi duuxiye'. Aníng a AAKOÓ MUNGÚ kudá' muruuwí gwa tleehh.

ISAYA 53:2

Inós ina dír geeraá AAKOÓ MUNGÚ wa uraaráy adór xa'anoó dutlutluú/. Adór dee/aarmoó xa'ano oo baraá yaamaá kaahaar. Ga/aawaak, inós slaqsoó hhoohhoó' laqaá gitsee/aá hhoohhoo' gi konká as kahhó' kuwa iiqaytsit. Hhohhoaari tam ar niiná ar kuwa waatlakwes i káhh.

ISAYA 60:15

Kiídár aáng taa sií' nee taa aáhh, tam heé baraadár waaraáhh i kaahh. Ala hamí daxta i xirfayeés ay alhhe'eesay wasle. Tari gixsár qwala/ baraá qari sleémeero.

ISAYA 60:21

Muu sleémeero tari múk hota ganaá'. Inooín yaamu kin aal ay alhhe'eesay wasle. Inooín an harma/itaeé' ar dabaaene naa dahaás. As kahhó' aníng ti xirfayees.

ISAYA 61:11

Asma adoodá' yaamu harma/o ngir duxaaxina', nee adoodá' qaymo gár taa baraá qaymórí dahaás ngir duxaaxiin, an adoodá' Aakoó MUNGÚ hotaá ganaa'á' nee xirif, ngir huwi dír geeraá xoordu sleémeero.

YEREMIA 23:5

AAKOÓ MUNGÚ i kaahi, «Ga/aawaak, baala ni hardát ar aníng harma/itá hota ganaa' ngiwa doó Daudi wa duux, inós iri waawuti'ín ar sagalooa, inós giri geerahaar ar sakwasleemár ganaa' nee ar hotaá ganaa'á' baraá yaamuwo.

YEREMIA 33:15

Deeloodae nee qoomaadae aníng halmír hota ganaa' an baraá xwaylár Daudi wá harma/atís. Inós giri geerahaar ar sakwasleemár ganaa' nee ar hotaá ganaa'á' baraá yaamuwo.

YEREMIA 44:14

Gawaá adoorihe dír múk Yudawo hee i kaahh tumu wák oo meét dír kwí baraá yaamaá Misrír hoota oo kotsoqoót i kaáhh, laqaá oo /úw, laqaá oo waátl baraá yaamaá Yuda tam ngi slai iwa baraadá' i ki/i nee iwa baraadá' i hootaá ay, ala aqo har panoó niiná kilós oo aa /akumiit.»

YEREMIA 44:28

Mukdá' sleémeero aa kotsqomiit baraá slaqwaraaro iri yaamaá Misrír wa waátl ay yaamaá Yuda, inooín ki ló'wa niina. Qoomaarihe múk Yuda kudá' aa meet tari hotaá áy yaamaá Misri axweesantá ló' kari tsaahh áx a te'eéne laqaá tooín!»

ESEKIELI 34:29

Aníng in qamaá xawuú koomá' i sláw as qwari mingiwa hhaamiís baraá yaamuwo, laqaá mikiwa malé waaqaá' nee xoordaá hatlá'.

ESEKIELI 36:8

Ala gawaá tlom'aá yaamaá Israeliwo xaai haleemi ngi duuxiyá', nee mamu ngi laqwaaliyá' as muk'eé' oo Israeli, asma inooín deeloorí tseewe ta kii/ ayaaín.

ESEKIELI 7:16

Múk aa kotsqoot bir deer, ta ta'aaín gawaá tlom'i, adór hhookár tinda baraá xatstá wa naáxw, umuú hee iri tsuunqumiis as tlakweemaawós.

Yoeli 2:32

Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

Yoeli 3:18

«Slám de'emaadae tlom'i difaáidá' tsuu' ngi taxmisiyá', nee ilwa nin gawaá dindirmaá wa wa/aminá', yau sleémeero awa Yuda ma'aywo nin hatsiyá', nee kutli nin baraá doó AAKOÓ MUNGÚ wa ti'ít, xatstá Shitimu gari eemís.»

OBADIA 1:17

Ala gawaá tloomár Siyoniro múk ba/ám i deer, tloomarí tari tloomar'eé' ar hhoohhoo'. Nee múk doó Yakobo aalir'ín kari male inkii/.

SEKARIA 3:8

Yoshúa, kaahamusmoó úr oo Mungú, iia qaaseek, kuúng nee kaahamuuseedár hatlá' algadiyuusá', asma mukwí a layár ganaa', asma ga/aaweek, aníng sagadiyusmooeé' kudá' ta bay, Halmi ngu huúw.

SEKARIA 6:12

Daqaní ku beer, AAKOÓ MUNGÚ Aleesleemusmo i kaahi, ‹Ga/aaweek heewí umuuwós an kudá' ta bay, Halmi, inós dirós tidá' i dirii'i iri slu/ubiibín nee Doó AAKOÓ MUNGÚ gu tleehh.

SEKARIA 9:17

Xáy parootirós i hhohhoaaeér, daaqaay nee dasuuwo slaqo ngin tlehhiitiyá' ar balángw yaariír nee difaáír /aben.

MALAKI 3:17

Gár taa gooín a tí, «AAKOÓ MUNGÚ Aleesleemusmo i kaahi, ‹Baraá deeloodá' aníng gadiyér'eé' ngiwa tleehh, inooín a kwe'eé', inooín tay boohhar'ér kilá'. Inooín in amohhe'eemiís adór hee garmaawós, kudá' gu sagadiyuús, ngur amohhe'eemisi.

Matayo 24:22

Ala bar deeloodá' kaa /aareesiiká, geeraawo heé ba/ám i kaahh. Ala asma kudá' taa tsawaár deeloodá' ka /aarees.

Luka 21:36

Dalaaé', fiririimé' deelo sleémeero, as /uuru kuwa sleera', oo tí sleémeero hardah kawarar ba/a', nee tawa geeraá Garmoó Heé i sihhita'.»

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

2 Petro 1:16

Asma atén tiitár tawo ar sagalooa aga eeharaharaaniiká qoomár atén kángw /uuruú Aakoorén Yesu Kristo nguwa dirhúng i alki/iitaán, nee kángw ki/imaawós. Ala atén awa kilá' inós una araán ilaarene, nee xirfuuwós oo munguiima.