ISAYA 4:1 - Biblía Axweesantá Hhohho' ar Mungú 2004

¹ Qoomaadae /ameenár faanqw hhawaatuú wák gun ót tawa kaahi, «Gám atén muruú /aymaarén u /ayaán nee ti kiloorén tsiitimiisaán, ala atén ti duxut mureerén tí hingeeseek.»

ISAYA 4:1 Iomraidhean Croise

IIMU/UUNGW 30:23

Raheli iri tsít, garma guri xwayluúr, iri ó', «Mungú alsi'imuueé' gwaa hiingeés.»

2 SAMUELI 6:23

Naagáy Mikali dasír Saulo na/aay gwa sleeriiká garwa gwá'.

ISAYA 10:20

Slám malé alé baraá deeloodae penoó aa meet oo múk Israeli, mukdá' niiná naa /uy oo doó Yakobo, inósuudá' gaa muux ngu harahhifiaaka, ala aqo AAKOÓ MUNGÚ, Kudá' Hhoohhoó' oo Israeli, ngun harahhifiyá' ar looeema.

ISAYA 13:12

«Aníng muu un ló'wa niinaweés tam sahaábudá' hhohhó' ba/a, daa'awtá hee ngari niinaweés ta sahaábuú Ofiriro.

ISAYA 17:7

Baalaadae muu tleehharusmooín gu ya/án, nee Kudá' Hhoohhoó' oo Israeli nguri harahhifiyá'.

ISAYA 2:11

Heé daara/ángwár xumiís ku baráy /aytiis, nee múk daara/aám ku baráy ki/is. Baalaadae AAKOÓ MUNGÚ kilós kun xirfayemiis.

ISAYA 2:17

Nee daara/ángw hee ku baráy ki/is, nee saga gawduú muu ku /aytiis. AAKOÓ MUNGÚ kilós baalaadae kun xirfayemiis.

ISAYA 3:6

Qoomaadae hee hhiyaawós gun oh, baraá doó baabuúwós wa ale, iri ooi, «Kuúng a tlabaá koón, ti sawaawuti'iin, ti tu/ baraá slahh'amaayerí yaariire. Kuúng tari geeraharusmoorén.»

ISAYA 54:4

Ma da'ayumitaar ti mureekesiiká, ma amoqwaqwadimaar ti male waaqaaiiká, asma mureekesayduú masoombi'iimarók u gunqaarés, tam /oosliislíngw tawa kwaalo'o u baloó insleeraaká.

YEREMIA 15:8

/Ameenár kwaeeli ka yaariir ta hhasángw afaá tlawto. Aníng masoomba ana tsuú/ baraá /uuruuine, nee xwaylitér'ín ngiri slahh'amaayérí huúw. Inooín ina gaanslár dae tsaát, tari slahhaá'.

Luka 1:25

«Adoorí an tidá' Aako naa aníngií tleéhh qoomár iwa gurií baá/, nee mureekesay'eé' kudá' nira hotaatiím tla/ángw muk'eene gwa hingeés.»

Luka 21:22

As deeloorí tawa deelór li/aay, as tidá' taa gooín sleémeero iwa bo/.

2 Tesalonike 3:12

Muksíng un hara'ayiimaán nee un naanaqaán ar baraá umuú Aako Yesu Kristo tawa kaahaan, ta hooti ar tsatsaa'areema, nee gadiyeé kawa tleehhi as muruú /aymar'ín kuwa slaslay.

1 SAMUELI 1:6

Ala hareerír tsár Hana gan tlukaakiín umuú siiwaro, adoorí Hana gari gurhaamírár gás, asma AAKOÓ MUNGÚ inós ngiwa xwaylár /iít.