ISAYA 39:3 - Biblía Axweesantá Hhohho' ar Mungú 2004

³ Aluuwo aarusmo Isaya iri amór waawutmo Hesekia káy, guri báy, «Mukwí gár i kaahi a milá? Nee amór ni dahhiya' a amá niwa dirógí hardihiyé'.» Hesekia iri oó', «Mukwí amór i dahhi ka ló'wa saaw. A baraá yaamaá Babuloni.»

ISAYA 39:3 Iomraidhean Croise

2 SAMUELI 12:1

Naagáy AAKOÓ MUNGÚ aarusmo Natani guri ya/aáw amór Daudi. Natani iri daqáy amór Daudi, guri báy, «Hhawaate kaariya' tsár i dayá' awa baraá gixsarka wák, oo wák a daqarmo nee oo hatlá' a narkutmo.

2 QOM'I 16:7

Qoomaarihe iigu'utusmo Hanani iri tláy ay dír waawutmo Asa oo Yuda, gway báy, «Kuúng slaqwaruusér waawutmoó Aramu ana haraahhíf ta AAKOÓ MUNGÚ, Munguúwoge, gimáy slaqwaruusér waawutmoó múk Aramu aa gawaá dabaawók wa kotsqót.

2 QOM'I 19:2

Iigu'utusmo Yehu garmoó Hanani, iri tláy, waawutmo Yehoshafati gway al'áy, guri báy, «Kuúng múk tlákw un ale/iisár eéra, nee múk AAKOÓ MUNGÚ ahhiít un slá'a? AAKOÓ MUNGÚ ugwa i buúhh as kaangwí taa tléhh.

2 QOM'I 25:15

Gaarí AAKOÓ MUNGÚ guri ló'wa buhhtís, AAKOÓ MUNGÚ aarusmo guri ya/aáw amór waawutmo Amasia. Aarusmoowí waawutmo Amasia guri báy, «Ahaá waáy, gár munguaá hatlá' kis harahhifiti, kudá' muk'ín /iisaro ngwa har'slaqatiye' baraá dabaawoge?»

ISAYA 38:1

Deeloodae waawutmo Hesekia tiqti guri eér, gwa'ara gari nakaá/. Aarusmo Isaya garmoó Amos iri amoorós káy, guri báy, «AAKOÓ MUNGÚ i kaahi, kuúng gwa'araro a pa/ká, gimáy kángw do'ók qoomeeseek.»

ISAYA 38:5

«Tláw Hesekia ku beer, AAKOÓ MUNGÚ, Munguú baabuúwók Daudi i kaahi, ‹Aníng firoorók aga axaás nee hhirhheeriwók iga ár. Ga/aaweek, aníng slafiingók ngwaa doók oo harqoomoó kureeraá mibaá nee kooán.

ISAYA 39:4

Isaya iri oó', «Baraá do'oge gár naa ariyé'? «Hesekia iri oó', «Umuú gár baraá dooeéní diriia ngaa ariyé', gár naa meetiís laqaamaro i káhh.»

YEREMIA 4:16

I xoordaá gurbu'uún nee i Yerusalemúr kángw babeér, i kat, «Tundu i haraatláy amór saáw wa ale, nee gixsadaá Yuda kiri dae tsaat.

YEREMIA 5:15

Anuú AAKOÓ MUNGÚ a kah, ‹Aníng xoororka wák ngi amór saáw wa huúw as kuungá' múk Israeli nuwa i haraatleer. Xoorór kuungá' ta baloó bal'aaká, xoorór bál qaro, xoorór kuungá' ta tsifri xua'aaká, laqaá tam gár inooín ta kaahi kuungá' a tsahha'aaká.

YEREMIA 8:19

/Aa/aá muk'eé' iiárií qaasaak badu sleémeero awa yaamu, ta kaahi, «Xáy, AAKOÓ MUNGÚ i káhhi Siyoniro? Xáy, waawutmoowós i barawoseekáhe?» «Ahaá baré aníng iga buhhtisiyé' ar slaqsi'ii'ín kudaá adór Mungú, slaqsii'ín kudaá munguaá xuaawaslen.»

DABE 28:49

AAKOÓ MUNGÚ xoorór amór saáw daahh ngin huuw, kuúng uri i haratleér ar gaanslaay adór gwareesi ir gáwtí tlaatleer, xoorór kuúng tsifirirós ta xu'uká.

YOSHUA 9:6

Inooín nay tlayé' ay dír xafoó múk Israeli kuduú Gilgali. Inooín Yoshua nee múk Israeliwo ngiri bayé', «Atén amór ta dahhaan a amór hhapaá sawen, atén gár ni sla'aan a masók al'axweesani an tleehhaán dinkwa nee kuungá'.»

YOSHUA 9:9

Inooín nay ooiyé', «Atén amór ta dahhaan a amór yaamaá saawá', asma atén aga axasaán daanduú AAKOÓ MUNGÚ, Munguúhunge, tidá' inós aa tleéhh dír múk yaamaá Misri,