ISAYA 38:5 - Biblía Axweesantá Hhohho' ar Mungú 2004

⁵ «Tláw Hesekia ku beer, AAKOÓ MUNGÚ, Munguú baabuúwók Daudi i kaahi, ‹Aníng firoorók aga axaás nee hhirhheeriwók iga ár. Ga/aaweek, aníng slafiingók ngwaa doók oo harqoomoó kureeraá mibaá nee kooán.

ISAYA 38:5 Iomraidhean Croise

1 WAAWITÁ 15:4

Tam adoorihe, as Daudiwo, AAKOÓ MUNGÚ Abiya ngway garmií haniís oo waawuti'iím kitangós wa ale, as inós iwa gwa/aateema tleehhiti baraá Yerusalemuro nee gixsár Yerusalemu ngiwa gawdeesi.

1 WAAWITÁ 8:25

Gawaá adoorihe AAKOÓ MUNGÚ, Munguú Israeli aníng kuúng u malé firiím, al'axweesantadá' taa ó' dír sagadiyusmoowók Daudi, baabuúeé', tawa ó', ‹Deelo sleémeero garmoó iwiít gawaá kitángw waawuti'iima oo Israeli ngu haniís, barnaxes na/iiwók naa hootiyé' dir'eé' wa ale ar adoodá' kuúng tara hót.›

2 WAAWITÁ 18:13

Qoomár kurkú mibaá nee tsiyáhh oo waawuti'iimár Hesekia, waawutmo Senakeribu oo Ashuru gixsadaá Yuda sleémeero kudá' taa tleéhh ar koo/ír gawden gina i haratláy, nee giri hayóh.

2 WAAWITÁ 18:2

Waawuti'iima ngiwa iimu/ún kureeriiwós a mibeeri tsár nee kooán. Inós baraá waawuti'iimaro kureeri ngaa /aáy mibeeri tsár nee gwaleél baraá gixsár Yerusalemuro. Aayoorós a Abi dasír Sekaria.

2 WAAWITÁ 19:20

Aluuwo Isaya garmoó Amos afo gari ilahaniís dír Hesekia, iwa kaahi, «AAKOÓ MUNGÚ, Munguú Israeli i kaahi, ‹Aníng kuúng iga firiín daanduú Senakeribu waawutmoó múk Ashuruwo, nee aníng firiirók aga axaás.›

2 QOM'I 34:3

Kurkú dakaát baraá waawuti'iimarose, qoomaadae inós a masoomoó niiná, inós Munguú baabuúwós Daudi guna leeleéhh ar muunaáwós sleémeero. Kurkú mibaá nee tsare wa/aameedár gawaá gongoama' ar munguaá hatlá' kiwa sluufmiisi gana iimu/ún hingeemisuwo, nee slaqsi'iidaá Ashera, nee kudá' taa hhasliít, nee kudá' taa kwahhuuti.

YOBU 14:5

Deelór hotaá hee kaa qoomeés, Aá Mungú, kuúng faarór slahheeriiwós aga qoomés. Hartsatangwdá' kuúng taa qás gu waaraahhiiká.

WARA'AMI 116:15

AAKOÓ MUNGÚ ga gár slahhaá' wa tsatsahhán, gwa'arár múk inós gwa haratlintii'.

WARA'AMI 147:3

Kudaádá' naa mune si'iye' gin hungu/umiis, inkahhi'ii'ín gin tsegiit ar warqama'.

WARA'AMI 39:12

AAKOÓ MUNGÚ, firor'eé' axaaseek, /aa/ee'eé' iiárií qaaseek, ma xasliitaar qoomár bar /aa/amiím! Asma aníng a dahaaymoowók oo waaraáhh, aausmo adór baabi'iieé' sleémeero.

WARA'AMI 56:8

Amoqwaqwadingw'eé' sleémeero kuúng u xú', hhirhheerieé' kuúng i insleér, xáy, kaa gooínke baraá kitaábuuwoge?

WARA'AMI 6:9

AAKOÓ MUNGÚ firor'eé' gaa axaás, inós firor'eé' gaa ya/án.

DAHARUSMO 3:3

Qoomár tsu/uta nee qoomár hungu/uumis. Qoomár fe/it nee qoomár tlehhma.

ISAYA 37:21

Aluuwo Isaya garmoó Amos iri ya/abín amór waawutmo Hesekia, iri oó', «Tí an tidá' AAKOÓ MUNGÚ i kaahi, Munguú Israeli, as aníng iwa firiín daanduú Senakeribuwo waawutmoó Ashuru.

ISAYA 38:4

Aluuwo AAKOÓ MUNGÚ iri axweés dír Isaya, guri báy,

WA/AA/I 3:56

Kuúng firor'eé' kari iiárií qás, niwa kah, «Iaawók mi oohaar bur alee/isáy fiririím!»

Matayo 22:32

‹Aníng a Munguú Abrahamu nee Munguú Isaka nee Mungú Yakobo.› Mungú a Mungú tu'uuwooká, ala a Mungú múk slaáf.»

Luka 1:13

Ala malaykamoodá' guna báy, «Sakaría, ma da'ayumiitaar, asma firoorók kaa axaás, nee hareerók Elisabeti na/oó garma gu xwayluúr. Umuuwós ku beer Yohane.

Tlehhema'aá ya/Abuuse 27:24

iri báy, ‹Paulo, ma da'ayumitaar. Kuúng gár tuwa hariím an sihhít geeraá waawutmoó múk Roma. Nee qaytsiít, slafíngw mukwí sleémeero baraá miringamií dirií' oo aa'aá kaw dinkwa nee kuúng, Mungú gu ba/amis as kuúng.›

2 korinto 7:6

Ala Mungú, kudá' múk aa haleeleeiit gu gurkwa/amís, inós atén tina gurkwa/ás as adoodá' Tito niwa hardáh.

Geehhoeemaá 7:17

Asma Deelmoó bee/i kwí tla/ángw kitángw aleesleemuú i dirií', inós inooín gi de'én, giri geeraharahaar didár kutloó ma'aá slafíngw koóm i dirii'i. Nee Mungú hhirhheeri'ín sleémeero gi fiits baraá ilaaine.»