ISAYA 38:3 - Biblía Axweesantá Hhohho' ar Mungú 2004

³ iri oó', «Aá AAKOÓ MUNGÚ, án kuúng u harhheehhe'eés, na'amaamís, adoodá' aníng kuúng ura sagadiyumaamiís ar inkihhimu inslaweek, slám ar muunaáeé' sleémeero, nee muruú qoóm una tlehhahhiít dír geeraawoge.» Hesekia Mungú guri ló'wa ii /aa/amín.

ISAYA 38:3 Iomraidhean Croise

IIMU/UUNGW 17:1

Abramu qoomár kureeriiwós tawa mibeeri gwaleél nee gwaleél AAKOÓ MUNGÚ guna harati'iít, guri báy, «Aníng a Munguú Aleesleemusmo. Dir'eé' wa hootang, masók tu xaslxaansli wásl.

IIMU/UUNGW 6:9

Kuká' an xwaylár Noa. Noa a heé gan'amkú koóm. Inós a heé hhoó' ta múk hatlá' oo qoomaarose. Noa nee Mungú tana aldinku'uumaamiís.

1 WAAWITÁ 15:14

Ala kiteeridaá ilahhooa kawa hanmiisi gawaá gongoamaawo gaa hingeesiiká, tam adoorihe Asa baraá slafiingós sleémeerowo ina hoót ar inkihhimu dír geeraá AAKOÓ MUNGÚ wa ale.

1 WAAWITÁ 2:4

as AAKOÓ MUNGÚ al'axweesantós ngiwa boo/eesi, /aymuuwós kudá' naa oó' daanduueene tidá' iwa oó', ‹Barnaxes daaqaywók birta harmaagaáhh baraá hotaaine, tawa dir'eé' wa hooti ar inkihhimu, ar muner'ín sleémeero nee qeeruuín sleémeero, daqaní kuúng hee u baloó dakuská oo iwiít baraá kitángw waawuti'iimár múk Israeli.›

2 WAAWITÁ 18:3

Inós geeraá AAKOÓ MUNGUHE hhooa gana tleéhh adór Daudi baabuúwós wa ale.

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

1 QOM'I 29:19

Garmaaeé' Solomon tsuuqeek, as kahhó' hara'ayarók ngiwa oohi ar muunaáwós sleémeero, nee dabeeroge nee kaahiroge, sleémeero ngi boo/eesi, as do'owí aníng naa xoslu amohhe'eés nguwa aleeslay tleehhamooro.»

1 QOM'I 29:9

Aluuwo muu iri ló'wa qwalalaá/ as adoodá' muruuín nguwa hanmisiyé' ar muunuú /awaák, asma muruuín sleémeero nguna dír AAKOÓ MUNGÚ i hanisiyé' ar muner'ín sleémeero ar muunuú /awaák. Waawutmo Daudi sleeme iri ló'wa qwalaá/.

2 QOM'I 16:9

Asma AAKOÓ MUNGÚ daanduú yaamu sleémeero gu tsee/aarín as kudá' inkihhimuú koomá' dirose ngiwa /uurií doogi. Ala kuúng daktu'uma aga tléhh, gawaá adoorihe slaqwara i lakitká baraá ayaawoge.»

2 QOM'I 25:2

Amasia hhooeema gina tleéhh dír geeraá AAKOÓ MUNGUHE, ala gaa guruú /awaákár tleehhiiká.

ESRA 10:1

Naagáy qoomár Esra iwa firiirin nee iwa hhu'uu'un, iwa /a/aamin nee giti ngiwa yaamúr óh dír geeraá doó Mungú, kuri i burumburiít nee boo/oó yaariír oo múk Israeli, hhawaate, nee /ameena, nee na/ii, inooín tari ló' wa /aa/amín.

NEHEMIA 1:4

Qoomár /aymi'iiká' ngiwa axaás ana yaamií iwiít nay /a/amiím, nari tsuunqumiís deelór hhaawakahe. Nee nari gwaawiím, nee niri fiririím dír geeraá Munguú doorí wa ale.

NEHEMIA 13:14

Aá Munguúeé', án inslawáng baraá muruuwihe, tlehhmi'iieé' kudá' hho' naa tleehhahhiít as do'ók nee as gadiyeérók mi fitsaar.

NEHEMIA 13:22

Múk tlahhoó Laáwi una ádbáw tiwa kilooín hhohhoeesiya', niwa hardihiya' afér gixsa ngiwa xuna deelór Sabaátór hhoohhooe. Munguúeé', án inslawáng, tam tihe, gurtlawáng ar harqoomoó yaareemaá sla'aarirók tidá' warqawaaká.

NEHEMIA 13:31

nee ilahhooár migír ngiri oó' kingiwa huwi qoomaadá' hariima nee bu'úngw geera. Aá Munguúeé', án inslawáng as iwa hhooeemáy tlehh.

NEHEMIA 5:19

Aá Munguúeé', hám daxta hhooeemaeé' kuká' naa mukwí tleéhh inslaweek.

WARA'AMI 101:2

Gár slahhaa' dir'eene a slafíngw dakuús wásl, aníng an hoót ar gan'amu baraá dooeene. Kuúng xaylá ni amor'eé' hardat?

WARA'AMI 102:9

Asma da/ara an /aáy adór muruú /aymár wa ale. Umuúqo gár ni waha, an hhirhheeraá haraawáh.

WARA'AMI 119:80

Masók kaahirók an óh ar inkihhimu, as aníng mitiwa mureekeés.

WARA'AMI 16:8

AAKOÓ MUNGÚ i geeraaeé' umuú qoomaaro. Aníng ti baloó dingitisiiká, asma inós iwa dakw'eé' oo doó /iyáy i dirii'i.

WARA'AMI 26:3

Asma sla'aarirók ar warqawaaká i dír geeraaeé' i dirí', nee aníng an hoót as inkihhimuuwók.

WARA'AMI 32:2

Heé amohhoó' a kudá' AAKOÓ MUNGÚ i tlakweemií harafaditiiká, nee baraá muunaáwose ku waqooda wásl.

WARA'AMI 6:6

Gurhaamir'eé' iga slaaqatís. Daqisleém xweeraawo hhirhheerieé' nin ku'umamitiyá' gawaá qatanir'eé' ale. Hhaftuueé' iri naá/ as hhirhheeraá /aa/ee'eé'.

WARA'AMI 6:8

Quutlé' dir'eene kuungá' sleémeero, awa tlakweemaá tlehhiitá', asma AAKOÓ MUNGÚ afór /aa/ee'eé' gaa axaás.

ISAYA 38:2

Naagáy waawutmo Hesekia iri warqáy amór koo/i, AAKOÓ MUNGÚ guri firín,

ISAYA 38:4

Aluuwo AAKOÓ MUNGÚ iri axweés dír Isaya, guri báy,

HOSEA 12:4

Tina tlaampa'asiyé' nee malaykamo guri ar baá/, guna i /aa/amín gurtleemu guri firín. Inós nee Mungú tiri doogiyé' baraá Beteli, amoodae inós nee Mungú tari axweés.

Yohana 1:47

Qoomár Yesu Natanaeli nguwa ár iwa amoorós kay, Yesu iri oó', «Ga/aaweek, heewí a heé Israelú kilá'. Waaqooda i káhh baraawose.»

2 korinto 1:12

Gaarí an gár atén tir xirfayeemisaan, muneerén atén ti lamabu'uún adór atén tara hootaán baraá yaamuwo, ak alé dirhunge. Atén ana hootaán ar hhohhoaari nee ar muunuú /awaák. Muruuwí amór i dahhi a amór Mungú, asma atén aga hootaniiká ar sagalooár heeuuma, ala ana hootaán ar tsuuqaá Mungú.

DABE 6:18

Gár AAKOÓ MUNGÚ gu sla'atamis na tleehhaak, daqaní kuungá' diihhooa a sleerá'. Kuungá' daqaní yaamuudá' hhoohhoo' AAKOÓ MUNGÚ aa lo'ór wa /aáy dír baabi'iihúng i ala'.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.