ISAYA 38:17 - Biblía Axweesantá Hhohho' ar Mungú 2004

¹⁷ Slahh'ámudá' naa sláw dir'eene an hhooa, ala kuúng slafingw'eé' una tú/ dír afkú bohóngw gi'i wá ale, asma kuúng tlakweemaaeé' sleémeero ina amór aluuwógí kwáhh.

ISAYA 38:17 Iomraidhean Croise

YOBU 29:18

Aníng nari oó', ‹Gár i aw i káhh daxta an baraá xafte'eéní gwaá'. Deelór hotaaeé' kingi tlahhas adór hhasaangw.

YOBU 33:24

Inós heedaádá'guna gurtláy, Mungú guri báy, ‹Ba/amiseek, miwa /eét baraá gi'i. Asma gár afkós gu /aay aga sláw.›

WARA'AMI 10:2

Heé tlaákw baraá daara/angose, heé liitlaákw gun gusisín, xaa inós /aytarós ngu saki/.

WARA'AMI 103:12

Adór da/aáw nee /uwa kir harasawén, an adoodá' tlakweemaarén ngira kwaáhh giri saweés direne.

WARA'AMI 103:3

Tlakweemaeé' sleémeero ga gurtláy, tiqtir'eé' sleémeero gari hungu/uús.

WARA'AMI 103:4

Gwa'araro iga ba/amís, inós aníng ina afkú bohóngw wa ki/ís, iri tsuúq ar sla'aarirós ar warqawaaká nee gurtleemuwós.

WARA'AMI 30:3

AAKOÓ MUNGÚ, án kuúng iga dúx baraá gi'iwo. Án niwa afkwaá bohóngw i nakaá/ kuúng ina slafíngwí ki/ís.

WARA'AMI 40:2

Ina duúx baraá tsaxwaá baa'ár wa ale, baraá tsal'ír buunqa. Iri sihhtís gawaá daanduú tlaa/a, niri hi'imiít ar amohhooa.

WARA'AMI 55:23

Ala kuúng Mungú, inooín in /araraa'ás tay baraá bohóngw qwanaay. Múk kuunday raa/atén nee fooluuse, hotangw'ín sleeme tla/atsara ga ayká. Ala Mungú aníng kuúng u harahhiíf.

WARA'AMI 85:2

Tlakweemaá mukók iga gurtleér, tlakweemaaín sleémeero iga hingés.

WARA'AMI 86:13

Asma sla'aarirók ar warqawaaká ka yaariir dir'eene, hhiintluueé' ugwa tú/ baraá gi'ií wa aleeró.

ISAYA 38:15

Ala gár ni oo' a milá daxta, asma inós ina i axweés, inósuú kilá' gari tleéhh, gu'uter'eé' ina daandií /akút, asma slahh'amuú na sláw baraá muunaáeene.

ISAYA 43:25

Anínguú kilá' an kudá' tlakweemaahúng gi hamtliít as aníng kilooeé'. Aníng tlakweemaahúng i baloó inslawaaká.

YEREMIA 31:34

Hee i kaahh tumu wák oo inslaawmoowós laqaá hhiyaawós gu intsaahhatís, iwa kaahi, ‹AAKOÓ MUNGÚ xueek.› Asma inooín sleémeero aníng i xuiyá' iimír na/aá ninakw ay múk urén. Aníng dakuúsar'ín an gurtláw nee tlakweemaaín aníng i baloó inslawaaká.»

YONA 2:6

Niri /eét ay baraá gi'i, afér yaamuueé' kari aluueé' wa tseék ar tseegmór ta gweeriiká baloó ale. Ala kuúng, AAKOÓ Munguúeé', ina slafi dúx baraá bohóngw gwa'arár wa alé.

YONA 2:7

Qoomár muunaáeé' iwa /e/etin, AAKOÓ MUNGÚ nguri insláw, firor'eé' niri hardát amoorók i alé, baraá Do'ók kudá' hhoohhoó'.