ISAYA 38:16 - Biblía Axweesantá Hhohho' ar Mungú 2004

¹⁶ «Aá Aáko, muu in slaaf ar muruuwí, nee aníng sleeme an slaáf ar muruuwí, slaqwahhooárí ki/isáng nee slafisáng.

ISAYA 38:16 Iomraidhean Croise

WARA'AMI 119:25

Aníng aga qaatuút, a afkú bohóngw i dirií', un fiririím hungu/uusáng ar adoodá' kara ó'.

WARA'AMI 119:71

Gár hhoo' aga sláw baraá slahh'amudá' naa slawi, asma iga intsaahhatís kaahiroge.

WARA'AMI 119:75

AAKOÓ MUNGÚ, aníng a xuú' kuúng sakwasleema an tléhh ar loohír ganaa', nee bir múx gár is mux i deer.

WARA'AMI 30:3

AAKOÓ MUNGÚ, án kuúng iga dúx baraá gi'iwo. Án niwa afkwaá bohóngw i nakaá/ kuúng ina slafíngwí ki/ís.

WARA'AMI 39:13

Áx, ala mawáng mi slahh'eemisaar, fur'ár niiná i slahh as niwa qwalaa/ gár niinawe, dír nira gwaaiiká.

WARA'AMI 71:20

Kuúng iga slahh'amuú yaariír i hanís ala i malé slafís iri /uurií dók, iri afkú bohóngw wa ki/ís.

ISAYA 64:5

Kuúng mukdá' hotaá ganaa'á' gi ar hoót nee gi saqwalalaá/ un ilaaót, kudá' kuúng u inslaslaawá' nee lohduuwoge. Ga/aaweek, tina i gahhát qoomár tawa múk tlakuuse. Atén ana dee/anutaán afiqoomár yaariire. Axáy tiqo ba/amísa?

Matayo 4:4

Ala Yesu iri oó', «Kaa gooín, ‹Hee gár ir slafi a muruú /ayma kiloseeká, ala aqo har umuúqo axweesantá amór Mungú daahh.› »

1 Korinto 11:32

Ala qoomár barnaxes atén ti sakwasleemuut, a Aako atén tin muux, as atén mitiwa sakwasleemuút dinkwa nee múk aa haratlintii'iiká.

2 korinto 4:17

Slahh'amaayeerén ka niina nee slám ar har qoomár niina. Ala gár ni hup direne a xirfuú úr ló'wa ale oo baloó faakaaká.

DABE 8:3

Nuna ala qwárkwí máy as tiwa niinaweesa', aluuwo muruú /aymaadá' ta bay maána nguri haniís, muruú /aymár kuungá' ta baloó xua'aaká, laqaá baabi'iihúng sleeme ngwa xui'iiká. Adoorí gana /iís asma nuwa intsaahhatisi, adór hee ir hootiiká ar muruú /ayma kilós, ala aqo ar axweesantá amór AAKOÓ MUNGÚ daahh.

Ebrania 12:9

Baabi'iirén awa slaqwa atén tina muxiyé', nee atén inooín ngiri ilaiwawa/aán. Gawaá adoorihe a tsiníheéke Baabuúduú muneerén bura ak ilaiwawa/aán, as tawa slafaan.