ISAYA 38:14 - Biblía Axweesantá Hhohho' ar Mungú 2004

¹⁴ «Aníng ana adór halee/amó wá inini'imamiít ana hununu'umamiít adór hhookír wá ale, ilaeé' niri maa/uumitiyé' as xumsír gawa, ana oó', ‹Aá AAKOÓ MUNGÚ, aníng a slahhaá' kuúng masók a slafingw'eé'.›

ISAYA 38:14 Iomraidhean Croise

YOBU 17:3

Aá Mungú, na'amaamís, án daanda ooháng, ni tu/uút, heé hatlá' oo i daanda óh i kaahh.

YOBU 30:29

Aníng ana adór hhiyoó taweermo tleehhiít, aníng nee sakweeli dimbé i káhh.

WARA'AMI 119:82

Ilaaeé' naa ma/utiyé' as al'axweesantók ngiwa daamaraam. Gár ni yaahamiis a tí, «Xaylá i gurkwa/asár eér?»

WARA'AMI 143:7

Áx AAKOÓ MUNGÚ, gaansluutáng, án mu/aywatsáng, aga mune sií'. Aníng mi alaá xu'usar, mawa /eét adór kudá' /e/etimá' baraá gi'ií ale.

WARA'AMI 55:2

Iiárií qaasáng nee mu/aywatsáng. Aga slahhaá' wa/aa/iro, adór ni laaq a xuaaká.

WARA'AMI 69:3

Aga slaaqaát /aa/eewo, hheehhar'eé' aa kát, Munguúeé' una damraaraám, ilaaeé' nay maa/uutiyé'.

ISAYA 59:11

A /orotlaán adór makiito'oodá' ta bay duúbu an ininiaán umuú daqto adór hhooki. Atén sakwasleemár ganaa' an harahhifaán ala i káhh, Ba/ama ana haraxuaán ala direne ka ló'wa saaw.

WA/AA/I 4:17

Ilaarén naa buqanumitiyé' as alee/isaay kuwa daamaramaan, baraá dal'amaayerene xoorór ba/amisaro ti aleeslawaaká ana daamaramaán.

ESEKIELI 7:16

Múk aa kotsqoot bir deer, ta ta'aaín gawaá tlom'i, adór hhookár tinda baraá xatstá wa naáxw, umuú hee iri tsuunqumiis as tlakweemaawós.

NAHUMU 2:7

Harér waawutmo ka tlaba' wasl karir tláy, nee sagadiyuuseerós ga satsuunqumís, in /ifír /aa/eewo adór hhookár wa ale, da/eewer'ín ngin pupuxumisiyá' ar gurhaami.

NAHUMU 2:8

Ala Ninewi iimír aange a adór ma'aá naa kotsqotiye', mukos hamí in tawo ti'ii'ín, afo i kat, «Sihhiité', sihhiité',» ala tam heé wák oo alií qaytsimiít i kaahh.

Ebrania 7:22

Gawaá adoorihe alqadoorí ka ló'wa hhoo' ta tidár aange, as adoodá' Yesu tawa lamabu'usmoowós.