ISAYA 37:4 - Biblía Axweesantá Hhohho' ar Mungú 2004

⁴ Dooqa AAKOÓ MUNGÚ, Munguúwók /aymi'iidaá geeraharusmoodá' gaa qo axaás, kudá' aakoowós waawutmoó Ashuru naa ya/aáw as Munguú slaáf nguwa niqisi. Nee doóqa AAKOÓ MUNGÚ Munguúwók inós gu iigahhaat daanduú /aymi'iidá' aa axaasi. Gawaá adoorihe mukwí aa meet aleefiriimang.› »

ISAYA 37:4 Iomraidhean Croise

2 SAMUELI 16:12

Hám wané', AAKOÓ MUNGÚ slahh'amueé' gwaa ár. Inós adoorí aníng tiwa lu'umisi laarí ngin buu' ar hhooeema.»

2 WAAWITÁ 17:18

Gawaá adoorihe, AAKOÓ MUNGÚ múk Israeli guri ló'wa i buúhh, guri guús dír geeraawose. Heé taa máy i kaahh aqo har tlahhoó Yuda kilós.

2 WAAWITÁ 19:4

Hamí sleeme i ya/aán AAKOÓ MUNGÚ gaa axaás axweesantá heedaádá' úr oo múk taa karmuumúy, kudá' tinda ya/aáw nee wawutmoó Ashuru, as aakoowós Munguúdá' slaáf nguwa /oosliislin. Doóqa AAKOÓ MUNGÚ, Munguúwók inós gu naanaaq as /aymi'iidá' aa axaás. Gawaá adoorihe mukók kwí aa meet aleefirimeek.› »

2 QOM'I 28:19

Adoorí ina tleehharút asma Ahasi waawutmoó Israeli, inós xarasleema gina tleéhh dír mukose, inkihhimu guna dakuús dír geeraá AAKOÓ MUNGUHE. AAKOÓ MUNGÚ múk Yuda guri daba' tsaát slaqwaraaro.

2 QOM'I 34:21

«Tlawsé', AAKOÓ MUNGÚ yaahasaare' as aníng, nee as mukwí aa meet baraá Israeliro nee Yudawo, daanduú axweesanoó baraá kitaábuú dabe taa sláy, asma AAKOÓ MUNGÚ aa daa/atúy buhhtaawo as atén, asma baabi'iirén axweesantós ngaa ya/ani'iiká ar adoodá' ir qoon kara gooín baraá kitaábuuwí.»

WARA'AMI 106:23

Mungú iri oó', «Mukwí u hhaamiís.» Ala Mose kilós sagadiyusmoowós kudá' aa tsawaár, ina tla/angwdií sihhiít as Mungú nguwa har'oohi kahhó' mingiwa hhaamiís.

WARA'AMI 50:21

Adoorí an adoodá' taa tléhh, aníng nay xasliít. Kuúng kawa xu' aníng aqo adór kuúng. Ala aníng kuúng u iigahhaát, muruuwí sleémeero ngu geehhoeés dír geeraawógí alé.»

ISAYA 1:8

Gixsár Siyoni kaa kilós geexáy, adór islángw baraá qaymór sabiíbu, adór hháw qaymór taangí, nee adór gixsár taa harweér nee slaqwaruuse.

ISAYA 1:9

Barnaxes AAKOÓ MUNGÚ Aleesleemusmo, atén taa panáy meetisiiká, atén aga adór Sodoma tleehhitaán, a slaqamís nee Gomora.

ISAYA 10:20

Slám malé alé baraá deeloodae penoó aa meet oo múk Israeli, mukdá' niiná naa /uy oo doó Yakobo, inósuudá' gaa muux ngu harahhifiaaka, ala aqo AAKOÓ MUNGÚ, Kudá' Hhoohhoó' oo Israeli, ngun harahhifiyá' ar looeema.

ISAYA 10:22

Asma mukók oo Israeli tam ku yaariire adór hhasángw afaá tlawi, aqo har panoó niiná kilós nin kii/, hhaamisa kaa geerií oó', nee gan'amu aa tleehharuút.

ISAYA 11:11

Slám baalaadae Aako dakós gu malé tlees as mukós kudá' meet baraá Ashuru nguwa ki/isi, nee kuduú baraá Misri, nee baraá Patrosi, nee oo baraá Kushi, nee oo baraá Elamu, nee oo baraá Babuloni, nee oo baraá Hama'ati, nee kudaá baraá ayeemoodaá afaá tlawi.

ISAYA 36:13

Geeraharusmoodá' iri sihhiít, iri tseé' ar afór ur ar tsifrír Ebrania iri oó', «Axweesanoó waawutmo úr, waawutmoó Ashuru iiárií qaasaak.

ISAYA 36:18

Magaahhé', Hesekia kuungá' munduwa hhaáf, iwa kaahi, ‹AAKOÓ MUNGÚ atén ti ba/amis.› Xaysé' baraá munguidaá xoorduuwo, Mungú mukós ngwaa tuu/ dír waawutmoó Ashururo i deéro?

ISAYA 36:20

Baraá munguiiká ayeemookae a gaalá oo yaamuuwós ga tuu/ gawaá dabaaeene as kahhó' AAKOÓ MUNGÚ sleeme gixsár Yerusalemu ngiwa tu/i?»

ISAYA 37:17

Aá AAKOÓ MUNGÚ, iia qaaseek, axamiís. Aá AAKOÓ MUNGÚ, ilawoge qaytsiít, ta xumís, axweesanaywí sleémeero oo Senakeribu axaaseek, kwí naa ya/aáw iwa Munguú slaáf niqin.

ISAYA 37:31

Panaydá' aa meet baraá tlahhoó Yudawo in doogín, niri tlahhiyá' adoodár xa'ano dee/ár ngur yaamií sihhaahhin nee gawto na/ii ngir ló'wa laqwaali.

ISAYA 37:32

Asma panoó aa meét i deer baraá Yerusalemuro, nee gawaá tloomár Siyoniro múk kotsqoót i deer. AAKOÓ MUNGÚ Aleesleemusmo adoorí gaa tsabín ngiwa boo/eesi.

ISAYA 37:5

Qoomár sagadiyuuseedár waawutmo Hesekia iwa hardát dír Isaya, Isaya gari báy,

ISAYA 41:14

AAKOÓ MUNGÚ i kaahi, ‹Múk Yakobo kuungá' tam tundu daqe tlakwene adór tsuua, ma da'ayumitaara'. Kuungaá múk Israeli, AAKOÓ MUNGÚ i kaahi, án kuungá' nu alee/iís. Ba/amusmoohúng an Kudá' Hhoohhoó' oo Israeli.

ISAYA 46:3

Aá xwaylár Yakobo aníng iiárií qaasaaré', Iiárií qaasaaré' panoó doó Israeli aníng nuna amohhe'eemiís iimír tunduwa laqwaál, nuna loohamaamiís iimír tawa baraá guruú aayo.

YEREMIA 26:19

Xáy, Hesekia waawutmoó Yuda nee mukós sleémeero Mika ngwa gaasií'i? Aasla'áy, kitaangose Hesekia AAKOÓ MUNGÚ guna ilaiwaá/, nee gurhhooár AAKOÓ MUNGÚ gari firín. AAKOÓ MUNGÚ inslawaywós guri warqeés, kudá' geeraawo ngiwa amotlakwér i huwi. Ala atén a baraá tsaxwaá yaariírí diriaán tiwa kiloorén hhaamisaan.»

YEREMIA 42:2

tari amór aarusmo Yeremia káy, nguri bayé', «Na'amaamís, firoorén iiárií qaaseek nee ateéká' aga meetaan ti aleefiriin dír AAKOÓ MUNGÚ, Munguúwoge, (Asma atén aáng ti ló'wa úr, ala hám a peeroó tawo, adoorí hamí kuúng kar ga/eera.)

DANIELI 2:18

Giri i axweés gurtleemuú Munguú doori nguwa firina' daanduú naaqoorihe, as kahhó' Danieli nee hhaeewós mikiwa tsuú/ as kaangwí dinkwa nee múk sageeloén oo Babuloni.

Yoeli 2:17

Kaahamuusér Mungú, tidá' AAKOÓ MUNGÚ sagadiyuus i /a/ qoomár tawa baraá Doó Mungú i dirii'i, tla/ángw afkú Doó Mungú nee kitángw ilahhooa kawa hanmaamisi, ta ooi, «AAKOÓ MUNGÚ, mukók maweek, gurtlaweek, ateéká aalirók mitiwa mureekeés nee mitiwa waaqaá'. Gár muu is ooi, ‹Munguúín i amá?› »

AMOS 5:15

Tlehhma'aá tlakw aahhaak, awa hho' sla'aak, sakwasleemár gan'amu tleehhaak baraá tlahh'iihúng awa kwasleemaro. Doóqa AAKOÓ MUNGÚ, Munguú Aleesleemusmo guruuwós i tláy as panoó múk Yosefu.

AMOS 7:2

Baraá iigu'utueene ingigi ana ár, umuú gár qantsare gana /ák ar sa baraá yaamií diriia. Aníng nari oó', «Aá Aáko MUNGÚ, na'ás án kuúng u harhhehhe'eés, mukók gurtlaweek, adór xwaylár Yakobo ir hot a adoomá? Inooín a na/aá ninakw.»

Rumi 9:27

Nee aarusmo Isaya ina axweés sleeme daanduú múk Israeliwo, iri tseé' iri oó', «Múk Israeli tam ku yaariire adór hhasángw afaá tlawi, ala múk ba/ám baraaine ku niiná.

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.

YOSHUA 14:12

Hamí daxta kuúng un firiím, yaamukaá tlom'i aníng i haniisang ar adoodá' AAKOÓ MUNGÚ ngira oó' baalaadae. Kuúng a xú' baalaadae múk Anaki baraaká' gana hoót, slám koo/ír gixsadu ka gawit. Barnaxes AAKOÓ MUNGÚ a dinkwa nee aníng, mukwí uqo tlatlahhaás ar adoodá' AAKOÓ MUNGÚ ngira oó'.»

1 SAMUELI 12:19

Muu sleémeero Samueli kuri báy, «Ti aleefiriin, ataá lawaaleerók dír AAKOÓ MUNGUHE, Munguúwók, as mawa qatlaán, asma tlakweemaarén iga doogaán, sleémeero ar tlaákwarí waawutmo kuwa gurií ba/aán.»

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.

1 SAMUELI 14:6

Naagáy Yonatan garmaadá' xooslaarós koóm guri báy, «Gimáy qwaláng mukwí taa al/utlinká u harawarahhaán baraá koo/ir'ínií ale, dooqa AAKOÓ MUNGÚ atén ti alee/iis, asma muu bar ku yaariír laqaá bar ku niiná, AAKOÓ MUNGÚ gu baqiiká mukós ba/amisaro.»

1 SAMUELI 17:26

Daudi mukdá' dír bihhiwósií tseéw guri yaahaás, «Xáy, heé heewuú múk Filisti ngwa gaas, nee oo múk Israeli ngwa tuu/ baraá murekesoó adór kwihe, heewí gár kwi tleehhi? Heewuú Filisti inós a heemá, bar sleeme an heé ta al/utliiká, iwa qiitli slawtá múk hhohhó' oo Mungú kudá' slaáf ngiwa adoorír niqin.»

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»

1 SAMUELI 7:8

Xoorór Israeli Samueli guri beér, «Miti mawaar alefirooro dír AAKOÓ MUNGÚ, Munguúrene, as atén tiwa ba/amisi dír dabaá mukuú Filistiro.»