ISAYA 37:37 - Biblía Axweesantá Hhohho' ar Mungú 2004

³⁷ Naagáy waawutmo Senakeribu oo Ashuru iri tláy, iri waátl, iri Ninewír wa hoót.

ISAYA 37:37 Iomraidhean Croise

2 WAAWITÁ 19:1

Qoomár waawutmo Hesekia tí ngiwa axaás, tlabaawós gina feehhamiís, nee guniyadu giri tsiít, iri dáh baraá doó AAKOÓ MUNGÚ.

2 QOM'I 32:1

Alaá muruuwí sleémeero oo inkihhimuú waawutmo Hesekia, waawutmo Senakeribu oo múk Ashuru yaamaá Yuda gina i haratláy. Iri tláy xafay gway tleéhh didár gixsadá' koo/i gawit, ngiwa xui yaamu gi kós tleehh.

ISAYA 31:8

Múk Ashuru ku tsuu/ ar paánga ala ar dákw heewooká. Inooín kin /aay nee paánga ala ar dákw hee ba/a, múk Ashuru tari /akumiit, nee masoombar'ín gadiyér tawa bihhií noongo'otiiká gari tléhh.

ISAYA 31:9

Waawutmooín kuduú adór tlaa/a iri /akuút daeero, nee geeraharuuseerós bendeérar'ín gari geexeér as dae. Adoorí AAKOÓ MUNGÚ gan kah kudá' asltós baraá gixsár Siyonír wá oh. Kudá' asltós ar gufteeri baraá gixsár Yerusalemúrií dirii'.

ISAYA 33:19

Kuungá' múk sagegawdén u baloó aanda'aaká, tam múk axweesani bó/ oo ta tsatsahhanda'aaká sleeme, múk axweesantaín ga mororohhiím ar ta tsahhká.

ISAYA 37:29

As kuúng tawa aníngí búhh nee as axweesanaywók kuduú taqnaa/i niwa gawaá iaeéní hardáh, aníng duungaawók i óh ar baratsufaay, nee himuueé' un afkók ar tseék, aníng kuúng uri watlís ar loohi tidá' aáng nira daqeér.› »

ISAYA 37:7

Ga/aaweek, aníng u qeeruukówí haniís, inós xuuraai gari axaas, iri baraá yaamuuwósí kii/. Inós bira hardáh ayaawós kun gaas ar paánga baraá ayaawósú kilá'.› »

YONA 1:2

«Tláw, daqáw dír gixsár Ninewi, gixsadá' ur, tseé' amoorós i ale ar afór ur, asma tlakweemaawós naa hardihiyé' gawaá doorí alé, dír geeraaeé'.»

YONA 3:3

Yona iri tláy, iri Ninewír káy adoodá' AAKOÓ MUNGÚ ngira oó'. Ninewi a gixsár ló'wa ur. Uraywós bihhaá wák wa tleemu ay alhhe'eesaay a har hi'itantá deelo tám.

YONA 4:11

Xáy, aníng a hariímaáke gixsár Ninewi ngiwa gurtlaw, gixsadá' ur? Baraawose múk yaariír i deer oo kume tsiiruú wák nee mibeeri tsár gaa baa/ oo dákw doó /iyáy nee oo basáy ngu tsatsahhama'aaká. Nee malé alé makaá ló'wa yaariir awa ta de'en i dayá'.»

MIKA 5:6

Inooín yaamaá Ashuru kiri baal ar paánga, yaamaá geeraharusmooín oo geera oo ta bay Nimrodi kiri sawaawuti'ín ar xoslaá slaqwara. Inooín atén tari baraá dabaá múk Ashúrú wa tu/iyá', qoomár múk Ashuru birna baraá ayaarén i hardáh, nee yaamuurén biringa kalaa/iyé'.

NAHUMU 1:1

Kitaábuuwí gár i kaahi a iigu'utuú daanduú gixsár Ninewi, kudá' Nahumu aa ár, heé yaamaá Elkoshi.

SEFANIA 2:13

Inós dakós gun gáwtí tlees bihhaá /iya, múk Ashuru guri hhaamiis. Gixsár Ninewi gan deewa'atis tay dír kaahaar adór xaanxaay.

Matayo 12:41

Bál deelór sakwasleemaro múk Ninewi i sihhiit dinkwa nee múk de'emaaká'. Ala múk de'emaaká' ku sakwasleemuut as tlakweemaaín nee múk Ninewi. Asma múk Ninewi ina hhu'uu'ún, axweesantá Mungú tidá' Yona aa dahareemiís ngiwa axaás. Ala diirihe heé úr i deer oo Yona gu baá/.