ISAYA 37:36 - Biblía Axweesantá Hhohho' ar Mungú 2004

³⁶ Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

ISAYA 37:36 Iomraidhean Croise

2 SAMUELI 24:16

Ala qoomár malaykamo dakós nguwa tleés amór gixsár Yerusalemúrí ale, as ngiwa hhaamisi, AAKOÓ MUNGÚ inslawaywós guna warqeés, malaykamoodá' múk tsuú/ guri báy, «A ido daxta.» Dakók har'ooheek. Qoomaadae malaykamoó AAKOÓ MUNGÚ aa sihhiít dír bihhaá afeenír balaangw muxta ar Arauna heé Yebusi.

2 WAAWITÁ 19:35

Naagáy xweeradaá kilae malaykamoó AAKOÓ MUNGÚ iri dáh baraá xafoó slaqwaruusér múk Ashuru i diri', múk kume tsiiruú wák nee mibeeri dakaát nee kooán guri tsuú/. Qoomár looa niwa tleér, qatuuwo niwa tláy naxés tu'u naa qaró hhaafmitiyé'.

1 QOM'I 21:12

Kureeraá tám awa qwari, laqaá slahheeraá tám awa tuwa slakaati nee wakuuseerók ar paánga, turi qororo'oos, laqaá deelo tám ar muxtár paángár AAKOÓ MUNGÚ ar tiqtír pu/i ngiwa huwi, nee malaykamoowós yaamu sleémeero awa Israeli ngiwa hhaamisi.› Daxta tsawdiím kudaádá' iga ya/aaw mu báw.»

1 QOM'I 21:16

Daudi, malaykamo guri ár i sihhmiit tla/ángw doorí wa ale i paángár kón dakose, taa amohhe'eés gixsár Yerusalemu ngiwa qwaareesi. Daudi nee bariisér xoorór Israeli tari gur'ér ar qaát yaamu, guniyadu ngaa tsiitiyé'.

YOBU 24:24

Inooín nin daara/uutiyá' qoomár niinawe, naagáy nari suquutiyá'. Nin /ootsiyá' nari nususu'utiyá' sleémeero adór gitso. Sleémeero kin suwatsaat adór sagér angaáno.

YOBU 34:20

Nin qatliyá' ar wa'aá wák, xweeraá looár wake muu kun tawó kwatiit iri faakiis qatlooro, nee mukdá' /uureemaá koóm gun fitsfiits tam /iisara ga dír heéwí firinká.

TI'INAANGW 12:23

Asma AAKOÓ MUNGÚ in waaraahh as na/aá baris awa múk Misri ngiwa tsu/i. Ala AAKOÓ MUNGÚ barnaxes tseerér taa slikín gawaá maandár do' nee gawaá nahhtá do' badu tsaraawo gaa ár, daqaní AAKOÓ MUNGÚ maraydá' gin waawaaraahh, tsu/utusmoodá' gu geemayká baraá marayhúngí ale.

TI'INAANGW 12:30

Farao nee geeraharuuse nee múk Misri sleémeero niri /akumiitiyé' xweeraá ale, tsuunqusmoó yaariír iri deeruút baraá Misri sleémeero, asma doó tuua iwa kahh i kaahh.

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 10:25

Asma alaá deelór niinawe buhhta i faakiyá', nee buhhtaaeé' i warqayá' amór múk Ashuru ngiri qwaareés.

ISAYA 10:26

AAKOÓ MUNGÚ Aleesleemusmo qawaywós gun gáwtí tleés, adoodá' múk Midiani ngura muúx dír tlaa/ár Orebu wa ale, hhartós gan looloqoos gawaá daanduú tlawi. Inós ga gáwtí tlees ar adoodá' aa tleéhh dír múk Misri.

ISAYA 27:7

Mungú inooín gaa qo sláhhi ar adoodá' mukdá' inooín gaa slaahh ngura slaáhh? Laqaá inooín ka qo tsú/i ar adoodá' mukdá' inooín gaa tsuu/ ngura tsuú/?

ISAYA 29:5

Wakuuseerók tidá' yaariir i adór teeri tleehhít, nee mukdá' kiíng iga baramaanumaamiis ku adór tsinór balaangw tleehh, kaangwí in gaanslár tleehharuut.

ISAYA 31:8

Múk Ashuru ku tsuu/ ar paánga ala ar dákw heewooká. Inooín kin /aay nee paánga ala ar dákw hee ba/a, múk Ashuru tari /akumiit, nee masoombar'ín gadiyér tawa bihhií noongo'otiiká gari tléhh.

DANIELI 3:28

Nebukadnesa iri oó', «Munguú Shadraki nee Meshaki nee Abednego i xirfuuti, kudá' malaykamoowós ngwa ya/aaw as sagadiyuuseerós tidá' gwaa haratlinti' ngiwa ba/amisi. Hara'ayar'eé' tidár anuú waawutmo naa oó' ngiri tawo tleehhiyé' as haratlintaaor'ín, tari ya/án slaqooín kiwa slahh'eemisi ta mungú tawo nguwa sagadiyuusiia, ala aqo har Munguúín kilós.

MIKA 5:6

Inooín yaamaá Ashuru kiri baal ar paánga, yaamaá geeraharusmooín oo geera oo ta bay Nimrodi kiri sawaawuti'ín ar xoslaá slaqwara. Inooín atén tari baraá dabaá múk Ashúrú wa tu/iyá', qoomár múk Ashuru birna baraá ayaarén i hardáh, nee yaamuurén biringa kalaa/iyé'.

NAHUMU 1:12

AAKOÓ MUNGÚ i kaahi, «Tam inooín i /uuruú kona'a, nee tam ki yaariire, ala kin suwa tsaat kiri hhaamiis. Tam aníng kuungá' naa slahh'eemisi, daxta nu male slahh'eesaaká.

NAHUMU 3:3

Slaqwaruusér faras gwa i tsa/aan nun i haraatláy, paangaduuín nee lawluuín i mitsiihhiyá', múk taa tsuú/ a tlaftá yaariir, ufér tu'u i alhhe'eesoó koondaaká, muu ya'aaín giri tuunqala/án gawaá tu'uudá'.

Tlehhema'aá ya/Abuuse 12:23

Hamtidár kilae malaykamoó Aako Herode guna slaáhh, asma Mungú gwa xirfuú i haniisiiká. Kuri /aáy nee naanaga, iri gwaá'.