ISAYA 37:32 - Biblía Axweesantá Hhohho' ar Mungú 2004

³² Asma panoó aa meét i deer baraá Yerusalemuro, nee gawaá tloomár Siyoniro múk kotsqoót i deer. AAKOÓ MUNGÚ Aleesleemusmo adoorí gaa tsabín ngiwa boo/eesi.

ISAYA 37:32 Iomraidhean Croise

2 WAAWITÁ 19:31

Asma múk meét baraá gixsár Yerusalemu i deer, eeít, nee panoó niiná i meet gawaá tloomár Siyoni, asma AAKOÓ MUNGÚ adoorí gaa ístí tsaát tleehharo.

ISAYA 10:20

Slám malé alé baraá deeloodae penoó aa meet oo múk Israeli, mukdá' niiná naa /uy oo doó Yakobo, inósuudá' gaa muux ngu harahhifiaaka, ala aqo AAKOÓ MUNGÚ, Kudá' Hhoohhoó' oo Israeli, ngun harahhifiyá' ar looeema.

ISAYA 26:11

Aá AAKOÓ MUNGÚ, dakók ugwa mak gáwtí tlés, ala inooín ngu ara'ariaaká. Ala sla'aarirók tidá' daanduú mukoge u tliw/iim ngi ariye', nee mureekeeseek, asltá wakuuseerók kawa i búhh inooín ngi hhaamis.

ISAYA 37:20

Gawaá adoorihe hám daxta aá AAKOÓ MUNGÚ Munguúrén, atén ti ba/amis baraá dabaá Senakeribuwo, as kahhó' waawuti'iima sleémeero ar baraá yaamu ngiwa xu' adór kuúng kilók tar AAKOÓ MUNGÚ.»

ISAYA 37:4

Dooqa AAKOÓ MUNGÚ, Munguúwók /aymi'iidaá geeraharusmoodá' gaa qo axaás, kudá' aakoowós waawutmoó Ashuru naa ya/aáw as Munguú slaáf nguwa niqisi. Nee doóqa AAKOÓ MUNGÚ Munguúwók inós gu iigahhaat daanduú /aymi'iidá' aa axaasi. Gawaá adoorihe mukwí aa meet aleefiriimang.› »

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 42:13

AAKOÓ MUNGÚ ina geerií ti'iít adór pihhusmo, adór slaqwarusmoó slaáqw baraá slaqwaraaro, oo aa /aa/, oo tsee/amiím, inós /uuruuwós gun dír wakuuseerós i laqán.

ISAYA 59:17

Hotaá ganaa'á' ngin dahaas adór gaambór i da/ewaawós ar baqi, ba/ama a adór kofiyár gawit ar aa dahaás gawaá sagós. Li/aay bu'utu ngu dahaas adór tsitaay, xarasleemaawós gin uuntsuus adór hiyaay.

ISAYA 63:15

«Gawaá doorí wa qaytsitáng nee ka aán, iimír dirók tidá' hhoohhoo' nee didár hotaawók ar xirfuú kooma. Ahaá da/itók tidár sla'aari nee aleesleemuwoge i amoomá? Sla'aarirók nee gurtleemuwo kaa ilaá/ dir'eene.

ISAYA 9:6

Asma na/aay kwaa xwaylúy as atén, na/oó garma kunguna haniís. Inós aleesleemuú waawuti'iima gu kón. Umuuwós kuri bay, Hara'ayusmoó waa/oo/amo, Munguú /uuruú koóm, Baabuú alhhe'eesay wásl, Waawutmoó Wayda.

ISAYA 9:7

Axweesanoó aleesleemuú koóm nee wayduuwós i alhhe'eesoó kon'aaká, baraá kitángw Daudi oo Aleesleemu nee waawuti'iimarós, Gin gawdees nee gin kumitiis ar sakwasleemár ganaa' nee hotaá ganaa'á', iimír hamí ay alhhe'eesay wasle. AAKOÓ MUNGÚ Aleesleemusmo adoorí gan tleehh.

Yoeli 2:18

Qoomaarí an qoomár AAKOÓ MUNGÚ da/i nguwa ot as yaamuuwós, mukós guri gurtláy.

SEKARIA 1:14

Naagáy malaykamoodá' aníng iri báy, «Gimáy waahheek kaangwí AAKOÓ MUNGÚ Aleesleemusmo i kaahi, ‹Án gura' ina ló'wa óh as Yerusalemu ngiwa slaá' nee Siyoniro.