ISAYA 37:30 - Biblía Axweesantá Hhohho' ar Mungú 2004

³⁰ «Hesekía, layár kuúng ta aan a tí, kurkí gár ta /aga' a kwaláydá' naa ti'iit baraá qaymór wá ale, kurko sleeme aqo adoorí. Kurku tame ta dahasiín nee ku fiiqít, sabiíbu ku dahasá' nee mamuuwós ki /agá'.

ISAYA 37:30 Iomraidhean Croise

2 WAAWITÁ 19:29

Aluuwo Isaya waawutmo Hesekia guri báy, «Gaarí an laya diroge, kurkí nee kurkuquú hatlae kuúng balángw ta /ak a kudá' aa kilós ti'iit. Ala bál kurkú tame balaangw un dahasá' nee kuri fiqá', nee sabiíbu kuri dahasá' mamuuwós kiri /agá'.

2 WAAWITÁ 20:9

Isaya iri oó', «Gaarí an layár kuúng ta aan ar amór AAKOÓ MUNGÚ daahh, adór al'axweesantós ngir boo/eés. Xáy ka sla' geehhaantamo har afiqoomár digiruú mibaangw in geerií kumiíti, laqaá in alií kii/?»

TI'INAANGW 3:12

Mungú iri oó', «Aníng a dinkwa nee kuúng, layár ga laqaqaam adór aníng nee kuúng tar dinkwa a tí: Qoomár bar múk Israeli ngwa baraá yaamaá Misrír wa dúx, anuú Mungú iri gawaá tloomarí wa sluufmisá'.»

ISAYA 38:7

Isaya guri báy, «Layár amór AAKOÓ MUNGÚ daahh ar kuúng ta aan a tí as kawa tsahh adór AAKOÓ MUNGÚ al'axweesantós ngir boo/eés.

ISAYA 65:21

Muu maraay gin tleehh tari baraadií hotaá áy xaa'aá sabiíbu kin dahaas, mamuuín kiri /aay.

ISAYA 7:11

«AAKOÓ MUNGÚ, Munguúwók firimeek, laya ngiwa laqan ar baraá giaá daahh laqaá ar doori.»

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

TLAHHOÓ LAÁWI 25:11

Asma kurkusíng tawa inslaslángw kurkú úr oo mibeeri kooán, dahaasiingw mu dahaasara', nee sleeme kwaláy mu bu'uumara', tam sabiíbuú xaaiiwós taa alkwasliiká mu bu'uumara'.