ISAYA 37:29 - Biblía Axweesantá Hhohho' ar Mungú 2004

²⁹ As kuúng tawa aníngí búhh nee as axweesanaywók kuduú taqnaa/i niwa gawaá iaeéní hardáh, aníng duungaawók i óh ar baratsufaay, nee himuueé' un afkók ar tseék, aníng kuúng uri watlís ar loohi tidá' aáng nira daqeér.› »

ISAYA 37:29 Iomraidhean Croise

YOBU 41:2

Kuúng fooxár duungaawós aqo himií qása? Laqaá taqeesamoowós kuwa tsek u aleesleéra?

WARA'AMI 32:9

Ma adór faras tleehhitaara', laqaá adór wayshamó kudá' tsaahha wasl, kin gan'amiis ar him'eedá' kira afe tsegiít, as kiwa il/an.

WARA'AMI 46:6

Xoordu naa leexutiyé', waawuti'iima iri amoqwát. Mungú afoorós gay tlees, yaamu nari weeqiyá'.

WARA'AMI 74:23

Afór wakuuseerók ma gunqareesaar, lo'lo'oó umuú deelo oo múk kuúng u tlaampa'aamiís.

WARA'AMI 74:4

Inooín i tsimaahhuusiyá' baraá Do'ók wa ale, arba/ati nga slayé', i durbiibiná' baraadá' wa ale.

WARA'AMI 83:2

Asma qaytsiít, wakuuseerók aa leexwaandút, nee kudaádá' kuúng u ahhiitá', i xoongír tleemisiyá'.

ISAYA 10:12

Qoomár Aako bar gadiyeérós sleémeero ngaa boo/eés gawaá daanduú tloomár Siyoniro nee Yerusalemuro, inós saga gawduú waawutmoó Ashuru nee daara/aangose gi sakwasleemuut, nee adoodá' tiwa kilós xirfayeemisi.

ISAYA 30:28

Hiinsluuwós a adór yaaér wa/amiim, adór yaaér aa hats ay isa, as xoordu ngiwa baraá guruú tuumbírár uhisi as ngiwa hhaamisi, nee hima nguwa tseegi gawaá taqesamaá xoordu oo gi huúw baraá qwanaay.

ISAYA 36:10

Tam adoorihe kuungá' kawa xua' aníng ninaqo tawó daqáwi, dákw Mungú iri kaahh dir'eene oo yaamuuká' ngiwa hhaamiis? Xuaak AAKOÓ MUNGÚ aníng ina báy, «Tláw yaamusingá' i haratlaweek ki hhaamís.› »

ISAYA 36:4

Geeraharusmooduú slaqwaruuse iri oó', «Tlawsé', waawutmoohúng ku beera', waawutmoodá' úr oo Ashuru i kaahi, ‹Gár ta ak ló'wa harahhif a milá masa tawo migís?

ISAYA 37:10

«Waawutmo Hesekia oo Yuda ku beera', ‹Munguúwók kwisíng ta harahhifafit mu ya/amaar uwa al/agin ar uwa babay, Yerusalemu ka baloó hayohiiká nee waawutmoó Ashuru.

ISAYA 37:34

Laqaá gixsarí ga harweeriiká, anuú AAKOÓ MUNGÚ a kah, Inós in waatl ar loohidár kilá' nira amoorí hardáh, nee i baloó baraá gixsarí kayká.

ISAYA 37:7

Ga/aaweek, aníng u qeeruukówí haniís, inós xuuraai gari axaas, iri baraá yaamuuwósí kii/. Inós bira hardáh ayaawós kun gaas ar paánga baraá ayaawósú kilá'.› »

ESEKIELI 29:4

Ala aníng kuúng u taqeesama' óh ar laqwtá siyó ohiingw, siyoóduú baraá yaaedá' iri gawaá slaahhaarók i meet. Aníng kuúng uri duúx baraá yaaeerók tisinge, dinkwa nee siyoodá' sleémeero baraadí diriia, kudá' gawaá daanduuwók i dirií'.

ESEKIELI 35:13

Aníng aga axaás adór tir xirfayeemaamis nee muruú yaariír kur axweemaamis.

ESEKIELI 38:4

Aníng kuúng un mumukuús nee taqesmoowók un óh ar muqslír afa mogoolmo, nee uri tsee/ií kwaáhh, kuúng dinkwa nee slaqwaruuseerók sleémeero, nee faras nee slaqwaruusér faras ngwa i tsa/aandi, nee daqtá yaariir ar muu ar tlabaá slaqwara gaa dahas, gaambu gawaá daber'ín, nee ta paangaduuín mumukumiis.

AMOS 4:2

Aakoó MUNGÚ kudá' hhoohhoó' lo'o gaa /aáy, «Qaytsité', qooma i xeér ar kuungá' tunduwa uruuxun ar him'e, tari adór siyoó gawaá baraatsufáy wa tarereamiít.

Matayo 27:24

Qoomár Pilato ngiwa ár gár i bui i káhh, ala a tsimaahhi in tlahhaatláhh, ma'aay giri taataáhh, dabaawós giri hamaátl dír geeraá múk wa ale, iri oó', «Aníng tlakweemaá ni koom i kahhiyá' gawaá daanduú heewí gan'amuú kooma. Ala kangwsíng a koohúng.»

Tlehhema'aá ya/Abuuse 22:22

Paulo kuna iiárií qaás ay dír /aymuuwí. Alaá /aymuuwí ooaro nguwa hhe'eés, muu iri tseeamín ar afór ló' wa ur, ta kaahi, «Heewí hingeesaak baraá yaamuwo! I harinká iwa hooti!»

Tlehhema'aá ya/Abuuse 9:4

Saulo iri yaamií huú', afo gari axaás ar inós gwa beer, «Saúlo, Saúlo, ahaá waáy, án mis slahh'eemís?»