ISAYA 37:27 - Biblía Axweesantá Hhohho' ar Mungú 2004

²⁷ Qoomár /uuruú yaamuloouusér gixsaduudá' bira faák bir kaa dae tsaát kiri amoqwaareés, Inooín tarí adór balángw baraá qaymo, tari adór gitsór dutlutluu/ ar baraá qaymo, tari adór gitsór naa gawaá daanduú dó' wa ti'it, danú gan kahaas dír ira uraareriiká.

ISAYA 37:27 Iomraidhean Croise

IIMU/UUNGW 41:6

Nee /ar/aantár faanqw ar niqiqilen ar taa kahaás nee fur'ár da/aá daahh, nina alaá tidá' hhohhó' wa ti'ít.

2 WAAWITÁ 19:26

Yaamuloouuser'ín iri nehuumít, kiri dae tsaát nee niri amoqwaqwadiné', tari adór balángw baraá qaymo tleehhiit, adór gitsór dutlutluu/, adór gitsór naa gawaá daanduú dó' wa ti'it, tidá' kah dír ira urareeriiká.

WARA'AMI 103:15

Slafingw hee a adór gitso, in slu/ubiibín adór /ayór baraá qaymo.

WARA'AMI 129:6

Inooín masók tan adór gitsór gawaá daanduú do' tleehhiit, tidá' kah dír ira harma/iká,

WARA'AMI 37:2

Asma nin tseewa kahiyá' adór gitso, nin /ootsiyá' adór hatlitú wa ale.

WARA'AMI 92:7

Tam múk hota ganaa'aaká ni harma/i adór gitsór wa ale, nee kudá' sleémeero muruú tlákw tlehhiitá' birna slu/ubibiné', ala ki qwaarees ay alhhe'eesay wasle.

ISAYA 19:16

Baalaadae múk Misri tari da'ayumiit adór /ameena, tari kitlkiitl daeero as dakwduú AAKOÓ MUNGÚ Aleesleemusmo aa gawaaíní tleés.

YEREMIA 37:10

Kuungá' slaqwaruuseedár Kaldayo sleémeero, tidá' nee kuungá' slaqwá' tam bala'a, nee múk taa hariaa'áy iri meet baraá slumooín, mukdá' taa hariaa'áy nin baraadá' wa sihhiitiyá', gixsarí kari daa/ ar asla.»

YEREMIA 5:10

Tlawsé', waaraahhé' ar baraá qamuuwós awa sabiíbu, umuú gaaro hhitimaak, ala ma ak faaka hhe'eesara'. Haleemiiwós na tsataak, asma awa AAKOÓ MUNGUHEEKÁ.

ESEKIELI 35:13

Aníng aga axaás adór tir xirfayeemaamis nee muruú yaariír kur axweemaamis.

FAARO 14:9

Axáy kuungá' AAKOÓ MUNGÚ mu siaara', laqaá yaamuloousér yaamuudá' ma da'ayumiitaara'. Asma atén inooín i naanúr /ayanaaká, baqamor'ín kaa qaroó hingeés, nee AAKOÓ MUNGÚ i dinkwa nee atén, ma da'ayumiitaara'.»

Matayo 10:27

Tidá' án naa dirhúng i axweés baraá giwtír wa ale, kuungá' na dír gwa/aát wa ooaak. Nee tidá' tinda saasaáhh ooaro, kuungá' gawaá daandeemaá maraay tiwa alki/ite'.

1 Petro 1:24

Asma Gooi i kat, «Muu sleémeero a adór gitso, nee hhohhoarir'ín sleémeero a adór /ayór gitso. Gitso in kát, nee /ayo iri páhh.