ISAYA 37:24 - Biblía Axweesantá Hhohho' ar Mungú 2004

²⁴ Kuúng sagadiyuuse ngina ya/áb as anuú Aako iwa niqina', kuúng ana ó', ar gaarduueé' kuká' yaariire, Aníng an tsa/ám ay gawaá sagér tlom'i, ay gawaá tsitsenaá tloomár Lebanoni, sahhtaarós tidá' tledaadet an daraáhh nee misunobarirós tidá' ló'wa hhohhoe, niri hardáh ay gawaá tsitsenowós, nee baraá gartós tidá' ur.

ISAYA 37:24 Iomraidhean Croise

WARA'AMI 20:7

Kookaari gaardaá slaqwara ngin harahhifiyá', nee kookaari farsuú slaqwara. Ala atén AAKOÓ MUNGÚ, Munguúrén, un harahhifaán.

TI'INAANGW 15:9

Wakusmo iri oó', ‹In aluú wa alkoóm ngiri ohiím, haasaánguueé' un qasmiís, ay dír haayir'eé' i waya'. Paángar'eé' an óh, inooín ngiri hhaamiís.›

ISAYA 10:18

Gartós tidá' xiríf nee qamaá mamaá yaariir AAKOÓ MUNGÚ gin hhaamiis, iimír baráy wa oohang ay gawa, slaqás adór heé tiqti aa alhhe'és gaasaro.

ISAYA 10:33

Ga/aaweek, AAKOÓ MUNGÚ Aleesleemusmo, haleemi gin tsaat ar /uuruú dae tlaáq, kudá' gáwtí tlet gin tlaaq, kudá' naa tlenaanuye' kin yaamií daahh.

ISAYA 10:34

Inós xwaansloó gara gu tlaaq ar tsawo, nee Lebanoni aa hú' ar /uuruú dákw kudá' Aleesleemuú koóm.

ISAYA 14:8

Xaa'aá ta babay misunobari hu'uumaawók ngin saqwalaala/iyá'. Sahhtár Lebanoni sleeme i kat, ‹Iimír kiíng tiwa sa yaamií daáhh heé atén taa tlaquú ay i kaahh.›

ISAYA 29:17

Deelór aa met ka ureeká, yaamaá Lebanoni ki warqees tari qaymór wahhaar, nee yaamaá wahhaará' kiri warqees tawa darma.

ISAYA 36:9

Kuungá' sagadiyusmoó niiná baraá sagadiyuusér aakooeene adór ngura ki/isé' bar kuungá' aqo alee/isoó Misri un daamarandá' nee mukdá' faras ngwa i tsa/ani?

ISAYA 37:4

Dooqa AAKOÓ MUNGÚ, Munguúwók /aymi'iidaá geeraharusmoodá' gaa qo axaás, kudá' aakoowós waawutmoó Ashuru naa ya/aáw as Munguú slaáf nguwa niqisi. Nee doóqa AAKOÓ MUNGÚ Munguúwók inós gu iigahhaat daanduú /aymi'iidá' aa axaasi. Gawaá adoorihe mukwí aa meet aleefiriimang.› »

YEREMIA 22:6

AAKOÓ MUNGÚ i kaahi daanduú waawuti'iimár Yudawo, «Tam do'owí ku hhoohhooe adór yaamaá Gileadi, adór ságw tloomár Lebanoni, ala looeemaawo aníng diirí a xaanxay tleéhh, tari gixsár hotángw muko ya/aamaaká.

YEREMIA 22:7

Múk kuúng u hhaamiís daa ngu amohhe'eés, umuú hee nee xooslmoowós baraá dakose. Xaaiiwók kudaá sahhta awa hhohho' kin tsaat kiri kwaahh baraá asla.

YEREMIA 46:8

Yaamaá Misri a adór yaaér Nili nina wá/, a adór gwaanduú ma'aá yau nina waá/, inooín i kaahiya', «An haratlawaán, yaamu kiri tuuntukaán. Gixsadu nee yaamuloouuser'ine in hhaamisaán.

ESEKIELI 21:2

«Heewí, warqáw amór gixsár Yerusalemu, aariím daanduú didaádá' hhoohhoo' nee daanduú yaamaá Israeli.

DANIELI 4:30

Waawutmo iri oó', «Ga/aawak áx adór gixsár Babuloni i diri' uraywo, tidá' aníng naa tleéhh ar aleesleemueé', as tawa gixsár ur ar waawutmo i hooti nee ar xiríf baraá waawuti'iimar'eene.»