ISAYA 37:20 - Biblía Axweesantá Hhohho' ar Mungú 2004

²⁰ Gawaá adoorihe hám daxta aá AAKOÓ MUNGÚ Munguúrén, atén ti ba/amis baraá dabaá Senakeribuwo, as kahhó' waawuti'iima sleémeero ar baraá yaamu ngiwa xu' adór kuúng kilók tar AAKOÓ MUNGÚ.»

ISAYA 37:20 Iomraidhean Croise

1 WAAWITÁ 8:43

na'ás, inós iiárií qaaseek iimír gawaá doorí wa ale, heewuú hoomo tidá' uwa firini qaweek, as múk baraá yaamu sleémeero umuuwók nguwa xuiya' nee uwa ilaiwaa/iya', adór mukók oo Israeli wa alé. Inooín ngiwa xuiya' adór do'owí naa tleéhh tar dír kuúng tuwa sluufmiisi.

1 WAAWITÁ 8:59

/Aymi'iieé' kukaá firo dír geeraá AAKOÓ MUNGUHE, masók in tseewuyá' dír AAKOÓ MUNGÚ, Mungurén, tlatla/aangw nee xweeraawo, nee inós sagadiyusmoowós ngu aleesleemuú i slay, as mukós oo Israeli diihhooa ngiwa slay baraá hotaaine deelo sleémeero.

1 WAAWITÁ 8:60

Daqaní múk baraakaá yaamu sleémeero gari tsaahh adór AAKOÓ MUNGÚ tar Mungú, oo hatlá' i kaahh.

WARA'AMI 46:10

«Haay xasliité', tsaahhaak adór aníng tar Mungú! Aníng taa iia tleereés baraá xoorduwo, ti iia tleér baraá yaamuwo!»

WARA'AMI 59:13

Hhaamiiseek ar buhhtaawók i qororo'ootiye', as kahhó' muu ngi xui adór Mungú tar waawutmo baraá xwaylár Yakobowo, tam ay alhhe'eesoó yaamu sleémeero.

ISAYA 25:9

Baalaadae muu in ooi, «Kwí an Munguúrén, inós una damraaramaán, as atén tiwa ba/amisár ay, kwí an AAKOÓ MUNGÚ kudá' naa damraaramaán, gimsé' daxta, bara/ u iimu/umaán nee qwal/uwo as ba/amarós.»

ISAYA 33:22

Asma AAKOÓ MUNGÚ an kudá' kwasleemaduurén ngi tlaáq nee ti sawaawuti'ii'iím, AAKOÓ MUNGÚ an waawutmoorén, inós atén tin ba/amis.

ISAYA 35:4

Múk da'ayumiít ku beera', mune hhe'eesé', ma da'ayumitaara', Ga/aawaak, Munguúhúng ni hardah as li/aay nguwa bui, Inós li/aay gun buu' gawaá wakuuserhúng. Inós ni hardah as kuungá' nuwa ba/amisi.

ISAYA 37:16

«Aá AAKOÓ MUNGÚ Aleesleemusmo, Munguú Israeli kudá' aleesleemuú koóm daanduú keruúbiro, kuúng kilók an Mungú daanduú waawuti'iima sleémeero ar barakaá yaamu, kuúng an tleehharusmoó doori nee yaamu.

ISAYA 42:8

Aníng umuueé' a AAKOÓ MUNGÚ, xirfuueé' u hanisaaká dír heé hatlá', laqaá xirfayemisuueé' u hanisaaká dír munguaá murslaaqat.

ISAYA 45:5

Aníng a AAKOÓ MUNGÚ, Munguú hatlá' i kaahh Munguú hatlá' i kaahh aqo har aníng kilooeé'. Aníng kuúng ugwa /uurií doóg, tam handá' aníng iga xu'kahe.

ESEKIELI 36:23

Umuueé' kudá' úr kuungá' taa slasla/areesé' baraá tla/ángw xoorduudá' wa alé, un adoorós tidár aáng i ki/ís baraá tla/angw'ine. Qoomaarí an qoomaadá' xoorduká' ngiwa tsaahhiya' adór aníng tar AAKOÓ MUNGÚ. Anuú Aakoó MUNGÚ tí aga oó'. Aníng kuungá' nu gadiyuús as hhohhooari ngiwa laqaam geeraá xoorduuwo.

ESEKIELI 39:21

AAKOÓ MUNGÚ ina báy, «Aníng xoordu sleémeero i xirfuueé' i laqaám, nee adoodá' /uuruueé' ngur ar gadiyuús, as sakwasleemar'eé' tidár gan'amu ngiwa dir'ín i laqaam.

Yoeli 2:17

Kaahamuusér Mungú, tidá' AAKOÓ MUNGÚ sagadiyuus i /a/ qoomár tawa baraá Doó Mungú i dirii'i, tla/ángw afkú Doó Mungú nee kitángw ilahhooa kawa hanmaamisi, ta ooi, «AAKOÓ MUNGÚ, mukók maweek, gurtlaweek, ateéká aalirók mitiwa mureekeés nee mitiwa waaqaá'. Gár muu is ooi, ‹Munguúín i amá?› »

MALAKI 1:11

Asma iimír amoodá' looa iwa tsiraarihh, tam ay amoodá' i darat, umuueé' ku úr baraá xoorduuwo. Umuúqo mooyángw tsuú' kun da/aa/án nee ilahhooár hhohho' kan hanmiis asma umuueé' ku úr baraá tla/ángw xoorduuwo!