ISAYA 37:2 - Biblía Axweesantá Hhohho' ar Mungú 2004

² Eliakimu kuduú sagesihhtusmoó doó waawutmo guri ya/aáw dinkwa nee goousmo Shebna nee kaahamuusér Mungú ar uren tawa daqay amór aarusmo Isaya garmoó Amosi, inooín guniyadu ngaa tsiitiyé'.

ISAYA 37:2 Iomraidhean Croise

2 WAAWITÁ 18:18

Waawutmo Hesekia nguwa ateetiyé', inooín kina al'áy nee Eliakimu garmoó Hilkia kudá' doó waawutmoó sagesihhmiít, nee Shebna kuduú goousmo, nee Yoa garmoó Asafu goousmoó muruú inslaslángwá hariím.

2 WAAWITÁ 19:2

Inós Eliakimu guna ya/aáw, hedaáduú úr oo doó waawutmo, nee Shebna kuduú goousmo, nee kaahamuusér Mungú tidá' aa diimaadiin. Inooín tlabaá guniyadu ngina tsiitiyé', nay amór aarusmo Isaya garmoó Amos kayé',

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

ESTA 4:1

Qoomár Mordekai muruudá' aa tleehharuut nguwa xuú', tlabaawós giri feehhamiís, guniyadu giri tsiít, tari sliík ar da/ara, iri waaraáhh ar baraá tla/ángw gixsa, /aa/eewo iri gáwtí tseé'.

ISAYA 1:1

Kaangwí an iigu'utuú Isaya garmoó Amos aa ár, daanduú Yuda nee gixsár Yerusalemuro, de'emaá waawituú Yuda oo aa waawuti'ii'ín tawa kwí: Usia, nee Yotam, nee Ahasi, nee Hesekia.

ISAYA 20:2

qoomaadae AAKOÓ MUNGÚ Isaya, garmoó Amos gwaa báy, «Tlabaasingaá guniyadu duuxeek gawaá slaqwtoge nee ya/ataawo sleeme.» Isaya axweesantí gari iialooeés, gari tleéhh iri hi'iimiít ar /aankwets nee ya'aá tawo.

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

ISAYA 22:15

Aako MUNGÚ Aleesleemusmo aníng iri báy, «Tláw amór Shebna, sagesihhtusmoó doó waawutmo, ku beer,

ISAYA 22:20

Baalaadae aníng sagadiyusmooeé' Eliakimu garmoó Hilkia ngu huúw.

ISAYA 36:3

Kuri al'áy nee Eliakimu garmoó Hilkia kuduú sagesihhtusmoó doó waawutmo, nee Shebna kuduú goousmo, nee Yoa garmoó Asafu kuduú goousmoó muruú inslaslángw wa hariím.

ISAYA 37:14

Waawutmo Hesekia barwito'o gari sláy dír ya/abuusér wa alé. Gari soomuús, iri tláy ay baraá doó AAKOÓ MUNGÚ barwito'oodá' gari gweér dír geeraá AAKOÓ MUNGÚ.

ISAYA 37:21

Aluuwo Isaya garmoó Amos iri ya/abín amór waawutmo Hesekia, iri oó', «Tí an tidá' AAKOÓ MUNGÚ i kaahi, Munguú Israeli, as aníng iwa firiín daanduú Senakeribuwo waawutmoó Ashuru.

ISAYA 38:1

Deeloodae waawutmo Hesekia tiqti guri eér, gwa'ara gari nakaá/. Aarusmo Isaya garmoó Amos iri amoorós káy, guri báy, «AAKOÓ MUNGÚ i kaahi, kuúng gwa'araro a pa/ká, gimáy kángw do'ók qoomeeseek.»

Yoeli 1:13

Guniyadu tsiitaak ta tsuunqumisá', kuungaásingaá kaahamuusér Mungú. /Aa/amiimé', kuungaásingaá sagadiyuusér kitángw ilahhooa. Tlawsé' baraá Doó Mungú, guniyadu tsiitaak, tsuunqumisé' xweera sleémeero. Asma ilahhooár balaangw nee ar muruú wahaango baraá Doó Munguhe aa fák.