ISAYA 37:19 - Biblía Axweesantá Hhohho' ar Mungú 2004

¹⁹ Mungui'ín kiri baraá ásltí supín, asma gaa a munguaá kil'eeká. Ala a gadiyér dabaá muu. Gaa a gufteeri nee tla/u. Gawaá adoorihe munguiidá' kiri suwatsaát.

ISAYA 37:19 Iomraidhean Croise

2 SAMUELI 5:21

Múk Filisti slaqsi'ii'ín kudá' mungui kiri didií geexáy, Daudi nee mukós kiri hingeés amór saaw.

TI'INAANGW 32:20

Damaadá' taa tleéhh gari taataáhh, gari kwaáhh baraá asla, gari xoósl, iri naasút adór teeri, gari tsaafiís baraá ma'aay. Ma'aydá' giri wahaás ar múk Israeli.

ISAYA 10:7

Ala adoorí a adór aa kilós slaiiká, nee sleeme a adór muunaáwose i aldakutiiká, as baraá muunaáwose gár aa káh a hhita nee xooro amór saáwí diyaa/a, ala sleeme a xoorór niinaweeká.

ISAYA 17:8

Inooín kiteeridaá ilahhooa, awa gadiyér dabaaín ngiri si'iyá', nee gadiyér ditsaaín ngiri baloó harahhifiaaká, didár munguúduú Ashera nee kitangwduú ilahhooár mooyángw tsuú' kay haniisi.

ISAYA 2:8

Yaamuuín naa hatsiyé' munguaá murslaaqatuuwo, gár i sluufmisiya' a gadiyér dabaaín, muruú taa tlehhiít ar ditsaá kilá'.

ISAYA 26:14

Inooín naa qatliyé', i baloó slafiaaká, inooín naa qatliyé' slám i waslee/iaaká, asma kuúng ina alhi'iitanór eér as kiwa hhaamis, inooín kiri baloó inslayká.

ISAYA 41:24

Ga/aawaak, kuungá' a gaarooká, gadiyérhúng a tawo. Heé kuungá' naa tsawaar a gár tlaakw gana tleéhh.»

ISAYA 41:29

Ga/aaweek, munguii'ín sleémeero a al/ayma, gár tleehharo i aleeslaya' i káhh, slaqsi'ii'ín kudá' taa tleéhh a fur'ár tawo.

ISAYA 41:7

Heé peehhoó dakuút i heé sahaábú kwahhuút gurkwa/amis, nee kudá' peehhoó hhasliít, i kudá' asltá dukuúm harakeemiis nguwa babay, «Adoosíng i qoón.» Peehháy kun musmáráy muux as kahhó' iwa diingitiiká.

ISAYA 44:17

Bartá xa'ano tidá' aa met gan slaqsoó mungúr tleehh, nee gari i tumbarara'aat, gari sluufmiis gari firiirín iwa kaahi, «Kuúng an Munguúeé', aníng tu/áng.»

YEREMIA 1:16

Aníng múk Israeli un sakwasleemuút as tlakweemaaín kudá' sleémeero naa tleehhiyé' aníng iwa geexayé' nee munguaá hatlá' ngiri mooyángw i da/a/ané', nee slaqsi'i kudá' naa dabaaín ar tlehhiitiyé' ngina haratlintati'iyé'.

YEREMIA 10:11

Naagáy ki beera', «Munguaá doori nee yaamu nga tlehhi'iiká i hhaná'. Inooín kin hhaamiis baraá yaamuwo.»

YEREMIA 16:20

Xáy, hee tiwa munguúwós i tleehh gaqo aleesláya? Aasla'áy, ala barnaxes gwa tleéhh, a munguú loeeká.»

YEREMIA 2:11

Xáy, xooro tam ar wák iqo deéro ar munguiiwós gaa warqes, tam munguaá kilaeekahe. Ala muk'eé' aníng iga geexáy, anuúduú Munguú kilá', munguaá' hatlá' ngiri eehariyé'.

DANIELI 11:8

Munguii'ín kudaá hatlá' giri gagaar ay Misri, nee kudá' taa weeqatisi nee xoosladá' taa tleéhh ar peésa nee ar sahaábuwo. Kureeraá hhawa'aakahe waawutmooduú basa i haratlayká amór waawutmoó /iya.

DANIELI 5:23

Tam muruuwí sleémeero ugwa xui. Ala kuúng kitángw Aakoó doori kuwa xirfayes, kuúng tina kilók urés, xooslaá Doó Mungú kiri léhh kiri difaáirár xúf, kuúng nee bariiseroge nee tlaawaywoge nee /ameenarók tidá' quturmo wasle. Kuúng munguaá taa tléhh ar peésa nee sahaábu nee muqslír sirdaa/aat, nee muqsli, nee xaai nee tlaa/e kiri xirfayemiís, munguaá xumisa'aaká, nee i axamisi'aaká laqaá gár i xuiya' i káhh. Ala Munguúdá' slafiingók gu taami koóm nee kudá' lohduuwók gi xuú', ugwa ilaiwa/amér i tlehhká.

HOSEA 8:6

Asma baraá Israeliwo múk dakór baál i deer, inooín dama ngina tleehhiyé' ala a munguheeká baloó ale. Ala damarír Samaria ka suwawaa'.

Galatia 4:8

Qoomaadá' aáng kuungá' Mungú kuwa xui'iiká, kuungá' a lawaalér munguaá hatlá', ala inooín a munguiwooká.