ISAYA 37:16 - Biblía Axweesantá Hhohho' ar Mungú 2004

¹⁶ «Aá AAKOÓ MUNGÚ Aleesleemusmo, Munguú Israeli kudá' aleesleemuú koóm daanduú keruúbiro, kuúng kilók an Mungú daanduú waawuti'iima sleémeero ar barakaá yaamu, kuúng an tleehharusmoó doori nee yaamu.

ISAYA 37:16 Iomraidhean Croise

IIMU/UUNGW 1:1

Iimu/uungo Mungú doori nee yaamu ngiwa tleéhh,

2 SAMUELI 7:26

Muu umuuwók ngu xirfayeemisi daqisleém, tawa kaahi, ‹AAKOÓ MUNGÚ Aleesleemusmo a Mungú daanduú múk Israeliwo.› Nee xwaylár lawaalmoowók Daudi ka gawdees dír geeraawoge.

1 WAAWITÁ 18:32

Tlaa/eeká' Eliya giri kitángw ilahhooár AAKOÓ MUNGÚR tleéhh, mapari gari foól ar kitangwdá' gwaa harwet, maparidá' uraywo a ma'aá deébér wák gi faak.

1 WAAWITÁ 8:6

Kaahamuuse sandakmooduú alqadór AAKOÓ MUNGÚ guri dahás didá' kuwa hariím, didár baraá guruú do' ar doó Mungú, didá' ak ló'wa hhoohhoo', baraá guruú hhampa'aá slaqsi'iidaá keruúbi.

2 WAAWITÁ 5:15

Inós dinkwa nee sagadiyuuseerós niri ki/iyé' dír heedaáduú Mungú, iri oó', «Hám daxta aníng aga xuú' Mungú i kaahh baraá xoordu sleémeero, aqo Munguú Israeli. Gimáy daxta na'ás qeemuú sagadiyusmoowók ya/aameek.»

ESRA 1:3

Umuúqo heewo kuduú kós baraá tla/angwhunge, masók Munguú i dinkwa nee inós, nee i tsa/an ay Yerusalemu, baraá yaamaá Yuda, Doó AAKOÓ MUNGÚ nguwa tleehhi, Munguú Israeli, inós an Mungú baraá Yerusalemuro.

WARA'AMI 146:6

Kuduú tleehharusmoó doori nee yaamu, tlawi nee mura' sleémeero kudá' baraaíní diriia, tidá' sleémeero aa oó' gan boo/ees ay alhhe'eesay wasle.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

WARA'AMI 80:1

Kuúngusuú de'eemusmoó múk Israeli, iia qaaseek, múk Yosefu geeraharaahareek adór daqooroó bee/aangw. Kuúngudá' aga gáwtí iwit dír malaykeero, xirfuuwók gwa/atiseek.

WARA'AMI 86:10

Asma kuúng tu úr, kuúng an kudá' tlehhma'aá waa/oo/amór tlehhiít. Kuúng kilók an Mungú.

WARA'AMI 99:1

AAKOÓ MUNGÚ i waawuti'ii'ín, xoordu ni daaraxatiye'. Aa iwiít baraá tla/eeraá keruúbi, yaamu niri dingitiyé'.

TI'INAANGW 25:22

Aníng nee kuúng ti doogaán didár kitángw gurtleemu, tla/ángw slaqsa'aá tsár awa keruúbi, kudaá gawaá sandakmoó hara'aya, aníng nee kuúng a axweesaán nee hara'ayar'eé' sleémeero ngi dirók i haniís as múk Israeli.»

ISAYA 37:15

Hesekia AAKOÓ MUNGÚ guri firín, iri oó',

ISAYA 37:20

Gawaá adoorihe hám daxta aá AAKOÓ MUNGÚ Munguúrén, atén ti ba/amis baraá dabaá Senakeribuwo, as kahhó' waawuti'iima sleémeero ar baraá yaamu ngiwa xu' adór kuúng kilók tar AAKOÓ MUNGÚ.»

ISAYA 40:22

Inós yaamu sleémeero gaa harweér, múk gawaá daanduú yaamu a adór tsaxwi'i. Inós doori gina hhaáf adór inqwaari, slám giri kikií' adór heémár hota.

ISAYA 40:28

Ahaá kuungá' a xua'aakáhe? Asma kuungá' aga axasi'iikáhe? AAKOÓ MUNGÚ an Munguú alhhe'eesay wásl, Inós an kudá' yaamu gaa tleehh. Inós i slaaqatiiká laqaá i nusqutiiká. Xu'utirós tsaahharo ka gawit.

ISAYA 42:5

Adoorí an adoodá' AAKOÓ MUNGÚ i kaahi, Inós an kudá' doori nee yaamu gaa tleehh giri intláh, Inós an kudá' yaamu gaa tleehh, umuúqo gár baraadá' i diriia, Kudá' múk baraá yaamu gwa hiinslií haniis, kudá' qeeruuwós gwaa haniis dír múk baraá yaamuú wa hoót.

ISAYA 44:24

AAKOÓ MUNGÚ kuduú ba/amusmoohúng, kudá' kuungá' naa baraá gur'ér amuuhúngí tleehh, i kaahi, aníng kilooeé' doori ina intláh nee yaamu ina hhaáf, qoomár ngiwa tlehhiit heé aníng iga alee/iis i kaahh.

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

ISAYA 45:12

Aníng yaamu ina tleéhh, hee nguri tleéhh oo gawaadá' gi hoót. Doori aníng ina hhaáf ar dabaaeé', nee muruudá' gawaadií dirií' sleémeero un baliít.»

ISAYA 45:22

Amor'eé' ki/aare' nee tundu ba/amisi, kuungaásíngaá ku/iyaá yaamu sleémeero. Asma aníng a Mungú, Munguú hatlá' i kaahh.

ISAYA 54:5

Asma tleehharusmoowók an adór hhawaatuwók. Umuuwós a AAKOÓ MUNGÚ Aleesleemusmo, nee kudá' hhoohhoó' oo Israeli an gweerusmoowók. Inós an Mungú daanduú yaamu sleémeero.

ISAYA 6:3

Umuú serafamowo nee kuqá' tina ateetiné', tiri babayé', «Oo Hhoohhoó', oo Hhoohhoó', oo Hhoohhoó' an AAKOÓ MUNGÚ Aleesleemusmo, yaamu sleémeero naa hatsiyé' xirfuuwose.»

ISAYA 8:13

Kuúng án kilooeé' na tsaahháng, AAKOÓ MUNGÚ Aleesleemusmo, tiwa hhoohhoó'. Án kilooeé' na ilaiwawa/áng nee na da'ayumitáng.

Yohana 1:3

Mura' sleémeero ina tleehharuút ar inós. Geera bar inoseeká, gár aa tleehharut i káhh, baraá muruuwí sleémeero aa tleehharuuti.

DABE 10:17

Asma AAKOÓ MUNGÚ, Munguúhúng inós an Munguú munguaá hatlá' gi baál, nee inós an Aakoó bariise. Inós an Munguú úr nee oo /uuruú koóm nee oo dae tlaáq, inós i barqaantír konká laqaá i slukumár /ayiiká.

Kolosai 1:16

Asma Mungú mura' sleémeero oo gawaá doori nee oo baraakaá yaamu guna tleéhh ar inós, muruudá' geehhoó' nee kudá' geehhooeeká, kudá' baraá yaamaá qeeruú i dirií', adór kiteeraá aleesleemu, nee waawuti'iima nee geeraharuuse, nee kudá' sleémeero /uuruú koomá'. Mura' sleémeero Mungú guna tleéhh ar loohír Kristo, nee as inós.

Ebrania 4:16

Gawaá adoorihe atén masók an tseewuwaán ar pihh'uuma dír kitángw Mungú, didá' tsuuqaá Mungú kiwa slay, as tíwa gurtleemuú i haniisi, nee /uuru kuwa slawaan, kudá' atén ti alee/iimiís qoomár hariima.

1 SAMUELI 4:4

Naagáy muu kuri ya/aáw ay Shilo, sandakmooduú alqadór AAKOÓ MUNGÚ Aleesleemusmo kunguri huúw, Munguúdá' hotaawós gáwtií diriiá' dír keruúbiro. Daaqaydá' tsár oo Eli, Hofni nee Finehasiwo, ta baraadií dirii' dinkwa nee sandakmoduú alqadór MUNGUHE.