ISAYA 37:12 - Biblía Axweesantá Hhohho' ar Mungú 2004

¹² Xáy, munguiidaá xoordu, xoorduuín nga tu/ií'i qoomár baabuúeé' Gosani, nee Harani, nee Resefuwo ngiwa hhaamiís dinkwa nee múk Edeni kuduú Telasárír hoót.

ISAYA 37:12 Iomraidhean Croise

IIMU/UUNGW 11:31

Tera Abramu garmaawós gurir tláy, nee Loti garmoó naangós, na/oó Harani, nee Sarai harér garmaawós Abramu. Inooín nina altlayé' iimír gixsár Uri wa alé ar baraá yaamaá Kaldayo as tawa yaamaá Kana'anír kay. Ala tawa hardáh yaamaá Harani, tana baraadá' wa hoót.

IIMU/UUNGW 11:32

Tera ina gwaá' baraá yaamaá Harani kureeriiwós tawa tsiire tsár nee kooán.

IIMU/UUNGW 12:14

Naagáy Abramu iwa hardáh yaamaá Misri, múk Misri /ameenidá' gari ár, adór inós kar hhoohhoó'.

IIMU/UUNGW 2:8

AAKOÓ Mungú asalmo guri dahaás bihhaá da/aáw baraá yaamaá Edeni. Heewós kudá' aa tleéhh guri baraadádí qaás.

IIMU/UUNGW 28:10

Yakobo iri Be'er-shebár wa tláy, iri amór Haranír xuú'.

IIMU/UUNGW 29:4

Yakobo de'eemuuse gari yaahaás, «Hhaee'eé', a dahhá'?» Inooín tari oó', «A Haranír dahhaán.»

2 WAAWITÁ 17:6

Kurkú gwaleél oo waawuti'iimár Hosheawo, waawutmoó Ashuru gixsár Samaria gana hayóh, nee múk Israeli guri ar tláy ay yaamaá Ashuru. Muu guna bahh qaás baraá gixsár Hala, bahh'alé dír afaá yaaér Habori, nee yaaér Gosani nee bahh'alé baraá gixsár Media.

2 WAAWITÁ 18:11

Waawutmoó Ashuru múk Israeli guri haásaáng wa ar tláy ay yaamaá Ashuru, bahh'ale giri qaás baraá gixsár Hala nee ar Habori, nee bahh'ale baraá bihhaá yaaér Gosani, nee gixsadaá yaamaá Media.

2 WAAWITÁ 19:12

Xáy, munguaá xoorór Gosani nee Harani nee Resefu nee mukduú Edeni kudá' Telasárír hoót xoorduuká' taa hhaamiís nee taati'iieé', xáy inooín kaa /iísi nee munguii'ín?

ISAYA 36:18

Magaahhé', Hesekia kuungá' munduwa hhaáf, iwa kaahi, ‹AAKOÓ MUNGÚ atén ti ba/amis.› Xaysé' baraá munguidaá xoorduuwo, Mungú mukós ngwaa tuu/ dír waawutmoó Ashururo i deéro?

ISAYA 36:19

Xáy, munguaá Hamati i amaáriya' nee awa Arpadiro? Xaysé', munguidaá Sefarfaimu i amoomá? Gaálaay Samaria ngaa tu/iye' gawaá dabaaeene?

ISAYA 36:20

Baraá munguiiká ayeemookae a gaalá oo yaamuuwós ga tuu/ gawaá dabaaeene as kahhó' AAKOÓ MUNGÚ sleeme gixsár Yerusalemu ngiwa tu/i?»

ISAYA 37:13

Xáy, waawutmoó Hamati i amá? Nee oo Arpadiro nee waawutmoó gixsár Sefarfaimuro nee oo Henaro nee oo Ifaro gaálaay?› »

ESEKIELI 27:23

Yaamulouusér gixsadaá Harani, nee ar Kane nee ar Edeni nee mukduú Ashuru muruú tlaxuuma, nee oo Kilmadi, halaanu'uuma ana tlehhé' nee kiíng.

ESEKIELI 28:13

Ana Edenír wa hót, dír asalmoó Mungú, tuna qaalín ar tlaa/aá tlaxo uren, awa akiíki, nee topaási, nee yáspi, nee sabarajaádi, nee beriíli, nee sardoniíki, nee yakuúti-sirboo/, nee miisli, nee sumariídi. Tuna qaalín ar sahaábu hhohhó'. Muruuwí sleémeero kuna amohhe'eés as kuúng, iimír bál tuwa tleéhh.

AMOS 1:5

Afér gixsár Damasko a giqáw nee múk baraá xatstá Aweni nguri diyaá/, dinkwa nee waawutmoó Beti-edeniwo. Múk Aramu kuri loohatis ay Kiri. Anuú AAKOÓ MUNGÚ tí ngina oó'.»

Tlehhema'aá ya/Abuuse 7:2

Stefano iri oó', «Hhaee'eé' nee baabi'iieé', iia qaasaak. Munguú xirfuú koóm tina geehhooeés dír baabuúrén Abrahamu, qoomár iwa baraá yaamaá Mesopotamiár i dirii'i, geeraá iwa loohiiká baraá yaamaá Harani.