ISAYA 37:1 - Biblía Axweesantá Hhohho' ar Mungú 2004

¹ Waawutmo Hesekia kaangwí nguwa axaás, tlabaawós gina feehhamiís as gurhaami. Guniyadu giri tsiít, iri dáh baraá doó AAKOÓ MUNGÚ.

ISAYA 37:1 Iomraidhean Croise

2 WAAWITÁ 22:11

Qoomár waawutmo kangwdá' Shafani aa baraá kitaábuú dabér wa soomuús nguwa axaás, tlabaawós gina feehhamiís.

2 QOM'I 32:20

Waawutmo Hesekia nee aarusmo Isaya garmoó Amosi, Mungú nguna firiné' nee nguna i /aa/iyé' as ngiwa alee/iisi daanduú muruuwí sleémeerowo.

ESRA 9:5

Qoomár ilahhooár muruú ta tsu/i ar tsiindo iwa xeér, niri tláw alaá niwa gwaawiím, nee tlabaeé' nee hiyay'eé' kudá' taa fehhamaamiisi, niri tumbarara'aát dabaeé ngiri tleés amór AAKOÓ MUNGÚ, Munguúeé' nguri firiím.

ESTA 4:1

Qoomár Mordekai muruudá' aa tleehharuut nguwa xuú', tlabaawós giri feehhamiís, guniyadu giri tsiít, tari sliík ar da/ara, iri waaraáhh ar baraá tla/ángw gixsa, /aa/eewo iri gáwtí tseé'.

ISAYA 22:12

Baalaadae Aako MUNGÚ Aleesleemusmo muu gun bay, «/Aa/amimé' nee tsuunqumisé', nee deequmé', nee guniyadu siinootaak.»

ISAYA 36:22

Aluuwo Eliakimu garmoó Hilkia nee goousmo Shebna nee Yoa garmoó Asafu kuduú muruú inslaslángw wa hariím gu gooiím tari amór waawutmo Hesekia káy, tlabaaín ngaa feehhamiisiyé' muruudá' sleémeero oo geeraharusmoodá' aa aaín nguri alki/iitiyé' dír waawutmo.

ISAYA 37:14

Waawutmo Hesekia barwito'o gari sláy dír ya/abuusér wa alé. Gari soomuús, iri tláy ay baraá doó AAKOÓ MUNGÚ barwito'oodá' gari gweér dír geeraá AAKOÓ MUNGÚ.

YEREMIA 26:19

Xáy, Hesekia waawutmoó Yuda nee mukós sleémeero Mika ngwa gaasií'i? Aasla'áy, kitaangose Hesekia AAKOÓ MUNGÚ guna ilaiwaá/, nee gurhhooár AAKOÓ MUNGÚ gari firín. AAKOÓ MUNGÚ inslawaywós guri warqeés, kudá' geeraawo ngiwa amotlakwér i huwi. Ala atén a baraá tsaxwaá yaariírí diriaán tiwa kiloorén hhaamisaan.»

YEREMIA 36:24

Ala tam waawutmo nee sagadiyuuserós axweesanaydá' sleémeero kwaa axaasi, inooín taa da'ayutiiká, nee sleeme tlabaaín kaa feehhamiisiiká as gurhaami.

Matayo 11:21

«A tsaxwaahúng kuungaá gixsár Korasini, nee kuungaá gixsár Bet-saida. Asma muruuduú waa/oo/amo muruudá' xuawaslén aa tleehharumiit dirhunge geera bar ina tleehharuút baraá Tiro nee Sidonír wa ale, taa qaroó hhu'u'ún, nee guniyadu kay tsiit, tay iwiit gawaá da/ara as hhu'u'ungw'ín kuwa laqan.